Thursday, August 28, 2008

വെള്ളമെടുത്താലും കൊടുത്താലും കൊല്ലുന്നവര്‍!!

1999 ജനുവരി 22നാണ് ഒറീസയിലെ ക്യോഞ്ഞാര്‍ ജില്ലയിലെ മനോഹര്‍പുര ഗ്രാമത്തില്‍ വെച്ച് ആസ്ട്രേലിയന്‍ മിഷനറി പ്രവര്‍ത്തകന്‍ ഗ്രഹാം സ്റ്റുവാര്‍ട്ട് സ്റ്റെയിന്‍സിനെയും രണ്ടു മക്കളെയും ദാരാ സിംഗും കൂട്ടുകാരും ചേര്‍ന്ന് ചുട്ടുകൊന്നത്.

കിടന്നുറങ്ങിയ ജീപ്പിനുളളില്‍ വെച്ച് ജനയിതാവിനൊപ്പം എരിഞ്ഞു തീരുമ്പോള്‍ ഫിലിപ്പിന് വയസ് ഒമ്പത്, ഇളയവന്‍ തിമോത്തിയ്ക്ക് വയസ് ഏഴ്.

സനാതന ഹിന്ദുവാണ് രബീന്ദ്ര കുമാര്‍ പാല്‍ സിംഗ് എന്ന ദാരാ സിംഗ്. മര്യാദാപുരുഷോത്തമന്‍ ശ്രീരാമചന്ദ്രനായിരിക്കണം സിംഗിന്റെ ഇഷ്ടദൈവം.

സംശയിക്കാന്‍ കാരണമുണ്ട്. 1999 സെപ്തംബര്‍ ഒന്നിന് മയൂര്‍ഭഞ്ജ് ജില്ലയിലെ ജമബാനി വില്ലേജിലെ ഒരു പളളിക്ക് സിംഗും സംഘവും തീവെച്ചപ്പോള്‍, പ്രാണരക്ഷാര്‍ത്ഥം ഇറങ്ങിയോടിയ ഫാദര്‍ അരുള്‍ ദോസ് അമ്പേറ്റാണ് മരിച്ചത്. ജയിലില്‍ നിന്നു നല്‍കിയ അഭിമുഖത്തില്‍, രാമായണം മുടങ്ങാതെ വായിക്കുന്നുണ്ടെന്ന് ദാരാ സിംഗ് സാക്ഷ്യപ്പെടുത്തുന്നു.

മയൂര്‍ഭഞ്ജില്‍ തന്നെയുളള പാഡിബേഡ ഗ്രാമത്തിലെ വ്യാപാരി ഷെയ്ഖ് റഹ്മാന്‍ അതേ വര്‍ഷം ആഗസ്റ്റ് 26ന് കാലപുരിയിലെത്തിയതിനും കാരണം ഈ പുണ്യപുരാണ പുരുഷനും സംഘവുമാണത്രേ! മൂന്നു കൊലപാതകങ്ങള്‍ക്ക് കാരണഭൂതനായ ധാരാസിംഗിന് സിബിഐ സ്പെഷ്യല്‍ കോടതി വിധിച്ച വധശിക്ഷ, ഒറീസാ ഹൈക്കോടതി 2005 മാര്‍ച്ച് 18ന് ജീവപര്യന്തമാക്കി ഇളവു ചെയ്തു കൊടുത്തു.

ശിക്ഷയുടെ കാലാവധി കഴിഞ്ഞ് സിംഗ് പുറത്തിറങ്ങുമ്പോഴേയ്ക്കും ഒറീസയില്‍ വേറെ മതക്കാരാരെങ്കിലും ബാക്കിയുണ്ടാകുമോ ആവോ?

ഇടവേളകള്‍ക്ക് കൃത്യതയില്ലാതെ, ഒറീസയില്‍ കലാപം പടരുമ്പോള്‍ ഒരുപാടു മനസുകളില്‍ ഭീതി പടര്‍ത്തി ആദ്യമെത്തുന്ന രാക്ഷസനാമമാണ് ദാരാസിംഗിന്റേത്. ജീപ്പില്‍ പിടഞ്ഞു മരിച്ച ഒമ്പതും ഏഴും വയസുളള കുഞ്ഞുങ്ങളെയോര്‍ത്ത് പശ്ചാത്തപിക്കുന്നോ എന്ന ചോദ്യത്തിന് യുഗപ്രഭാവന്‍ പറഞ്ഞ മറുപടി ഓരോ സനാതന ഹിന്ദുവും മനപ്പാഠമാക്കണം.

സൈക്ലോണ്‍ കവര്‍ന്ന ഒറീസക്കാരെക്കുറിച്ചാണ്, വടക്കു കിഴക്കേ ഭാഗങ്ങളില്‍ കൊല്ലപ്പെടുന്ന പട്ടാളക്കാരെക്കുറിച്ചാണ് ജയിലില്‍ കിടന്ന് ദാരാ സിംഗ് വ്യാകുലപ്പെടുന്നത്. അതിനിടയില്‍ രണ്ടു കുഞ്ഞുങ്ങളുടെ കൊലപാതകത്തില്‍ അദ്ദേഹത്തിന് പശ്ചാത്താപമോ, ഛായ്...

വിശ്വഹിന്ദു പരിഷത്തിന്റെ നേതാവ് ലക്ഷ്മണാനന്ദ സരസ്വതിയടക്കം നാലുപേര്‍ വെടിയേറ്റു മരിച്ച ആഗസ്റ്റ് 23ന് ശേഷം ഒറീസ നിന്നു കത്തുകയാണ്. പളളികളിലും അനാഥാലയങ്ങളിലും തീപടരുന്നു.

ബാര്‍ഗഡ് ജില്ലയില്‍ കന്‍തപാലി ഗ്രാമത്തിലെ പതംപൂരിലുളള മിഷണറിമാരുടെ അനാഥാലയത്തില്‍ സന്നദ്ധ പ്രവര്‍ത്തകയായി എത്തുമ്പോള്‍ രജനി മാജി അറിഞ്ഞിരുന്നോ, ഇരുപത്തി നാലാമത്തെ വയസില്‍ ഒരു കാന്‍ മണ്ണെണ്ണ തന്റെ ഭൂവാസം അവസാനിപ്പിക്കുമെന്ന്.

സ്വാമി ലക്ഷ്മണാനന്ദയുടെ കൊലപാതകത്തിന് സ്വാഭാവിക പ്രതികരണമുണ്ടാകുമ്പോള്‍ രജനി മാജി മരിച്ചേ തീരൂ. അക്കാര്യം തീര്‍ത്തും ഉറപ്പിച്ച് പറ‍ഞ്ഞിട്ടുണ്ട്, വിഎച്ച്പിയുടെ കേരളത്തിലെ കാര്യദര്‍ശികള്‍.

ഒറീസ ഭരിക്കുന്നത് ബിജെപിയുടെ പിന്തുണയോടെ ബിജു ജനതാദളാണ്. 25 അംഗ മന്ത്രിസഭയില്‍ ബിജെഡിക്ക് പതിനാറും ബിജെപിക്ക് ഒമ്പതും അംഗബലം. ആഭ്യന്തരത്തിന്റെ സ്വതന്ത്രചുമതല ബിജെപിക്കാരനായ ഹിമാംശു മെഹറിന്. ഭരണം കയ്യിലുളളപ്പോള്‍ വിഎച്ച്പിക്കാര്‍ കൊല്ലപ്പെട്ടാല്‍ എന്തു ചെയ്യണമെന്ന് സാക്ഷാല്‍ മോഡിയുടെ മാതൃകയുണ്ട്.

വടിവാളും ത്രിശൂലവും മണ്ണെണ്ണ നിറച്ച കന്നാസുകളും കയ്യിലേന്തി തെരുവിലിറങ്ങുക. മറ്റു മതക്കാരെ തിരഞ്ഞു പിടിച്ച് പ്രതികാരം ചെയ്യുക. സ്വയം ചെയ്യുന്ന ഈ സേവനങ്ങളാണല്ലോ ഒരാളെ സ്വയം സേവകനാക്കുന്നത്. പൊലീസും പട്ടാളവുമൊക്കെ അറിഞ്ഞുണര്‍ന്നു വരുന്നതു വരെ ക്ഷമിക്കാതിരിക്കുക.

മുസ്ലിങ്ങളും ക്രിസ്ത്യാനികളും കമ്മ്യൂണിസ്റ്റുകാരുമൊക്കെ പൗരാവകാശം പോലുമില്ലാത്തവരായി കഴിയുന്ന വിചാരധാരയിന്ത്യ കെട്ടിപ്പെടുക്കണമെങ്കില്‍ മണ്ണെണ്ണ കുറേയേറെ ചെലവാക്കേണ്ടി വരും.

ദാരിദ്രം, പട്ടിണി, നിരക്ഷരത, തൊഴിലില്ലായ്മ ഇവയൊക്കെയാണ് ഒറീസയിലെ പ്രശ്നബാധിത ഗ്രാമങ്ങളുടെ സ്വന്തം ആസ്തി. കാന്ത്, പാന വിഭാഗങ്ങള്‍ക്കിടയില്‍ നീറിപ്പുകയുന്ന ഗോത്രപ്പകയ്ക്ക് കുറഞ്ഞത് ഒരു നൂറ്റാണ്ടിന്റെയെങ്കിലും പഴക്കം. പരിവര്‍ത്തനവും പുനര്‍പരിവര്‍ത്തനവുമായി വിശ്വാസ രാഷ്ട്രീയം കൊഴുക്കുന്നതിനിടയിലേയ്ക്ക് മാവോയിസ്റ്റുകള്‍ കൂടി രംഗപ്രവേശം ചെയ്തു. കാന്ത് വിഭാഗക്കാര്‍ പട്ടികവര്‍ഗക്കാരാണ്, പാനയാകട്ടെ പട്ടിക ജാതിക്കാരും.

മിഷണറി പ്രവര്‍ത്തനങ്ങളുടെ ഫലമായി പാനക്കാര്‍ മതം മാറ്റത്തിന് വിധേയമാകുന്നു. അവരെ തീരഞ്ചും എതിര്‍ക്കുന്ന കാന്ത് വിഭാഗത്തില്‍ സംഘപരിവാര്‍ പിടി മുറുക്കുന്നു. അടിയും തിരിച്ചടിയുമായി സംഘര്‍ഷ രാഷ്ട്രീയം ആനന്ദകരമായി മുന്നോട്ട്.

മിഷണറിക്കാര്‍ രാവിലെ മാറ്റിയവരെ, സംഘപരിവാര്‍ വൈകിട്ട് കാവി പുതപ്പിച്ച് മതത്തില്‍ തിരികെ കയറ്റുന്നു. ഭാരതത്തിന്റെ അഖണ്ഡതയും സനാതന ധര്‍മ്മങ്ങളിലധിഷ്ഠിതമായ ഹൈന്ദവ വിശ്വാസവും സംരക്ഷിച്ച ആശ്വാസത്തോടെ ഉറങ്ങാന്‍ പോകുന്നു. രാവിലെ ഉറക്കമുണരുമ്പോള്‍ പരിവര്‍ത്തന ചക്രം വീണ്ടും പഴയ പടി കറങ്ങുന്നു. എന്തു ചെയ്യും? സ്ഥലം ഒറീസയാണെന്ന് വെച്ച് ക്ഷമയ്ക്ക് നെല്ലിപ്പലകയില്ലാതിരിക്കുമോ?

പട്ടിണിയും പരിവട്ടവുമായി കഴിയുന്നവര്‍ ആഹാരവും വസ്ത്രവും കിട്ടുമെന്ന് കണ്ടാല്‍ മതമല്ല, സ്വന്തം പിതാവിനെ വരെ തളളിപ്പറഞ്ഞെന്നിരിക്കും. ഒരാളിന്റെ സാമൂഹിക സാഹചര്യമാണ് അതിന് അവനെ നിര്‍ബന്ധിതനാക്കുന്നത്. ആ സാഹചര്യം മാറ്റാനുളള വകുപ്പൊന്നും സനാതന ധര്‍മ്മത്തിലില്ലെന്നും ജാതിയും അയിത്തവുമാണ് സംഘപരിവാര്‍ സംഘടനകളുടെ പ്രമാണ ഗ്രന്ഥങ്ങള്‍ കുഴച്ചുരുട്ടി അധഃസ്ഥിതന്റെ അണ്ണാക്കില്‍ തിരുകിയതെന്നും ചരിത്രം പഠിക്കുന്നവര്‍ക്കറിയാം.

പുറംലോകം കാണാതെ, അക്ഷരാഭ്യാസമില്ലാതെ, നല്ല ഭക്ഷണം കഴിക്കാതെ, നല്ല മരുന്നുകള്‍ കിട്ടാതെ, ജനിച്ചതുകൊണ്ട് ജീവിക്കുന്നു എന്ന മട്ടില്‍ എന്നും ഉണര്‍ന്നുറങ്ങുന്ന ഒറീസയിലെ ഗിരിവര്‍ഗക്കാര്‍ക്കിടയില്‍ അടിയന്തിരമായി എന്താണ് ചെയ്യേണ്ടതെന്ന് പ്രശസ്ത സനാതന ഹിന്ദുവായ രബീന്ദ്ര കുമാര്‍ പാല്‍ എന്ന ദാരാ സിംഗ് പറഞ്ഞിട്ടുണ്ട്.

അടിയന്തരമായി ഗോവധം നിരോധിക്കുക. എത്രയും പെട്ടെന്ന് മതപരിവര്‍ത്തനം അവസാനിപ്പിക്കുക. അല്ലെങ്കില്‍ സ്ഥിതി സ്ഫോടനാത്മകമാവും. ഇനിയും ആള്‍ക്കാര്‍ കൊല്ലപ്പെടും. കുഞ്ഞെന്നോ കുട്ടിയെന്നോ, പെണ്ണെന്നോ നോക്കാന്‍ അവര്‍ക്കാവില്ല. കിടക്കുന്നത് ജയിലിലാണെങ്കിലും ഭഗവദ് ഗീത സ്റ്റൈലിലാണ് സിംഗിന്റെ വചനവാണി.

ഒറീസയില്‍ ദളിതനും പട്ടികവര്‍ഗക്കാരനും ആഹാരവും വസ്ത്രവും കൊടുക്കുന്ന മിഷണറിമാരെയാണ് ലക്ഷ്യം വെയ്ക്കുന്നതെങ്കില്‍, മഹാരാഷ്ട്രയില്‍ വെള്ളമെടുക്കുന്ന ദളിതനെ നേരിട്ട് യമപുരിയിലേയ്ക്ക് പറഞ്ഞയയ്ക്കുന്നു.

പൊതുകിണറില്‍ നിന്ന് വെളളമെടുത്ത ദളിതനെ ചുട്ടുകൊന്ന വാര്‍ത്ത, വിവാദമായ ഏഴാം ക്ലാസ് പാഠപുസ്തകത്തിലുണ്ട്. മഹാരാഷ്ട്രയിലെ ജലാനാ ജില്ലയിലെ ധനസവാംഗി താലൂക്കിലുളള ഭുടേഗാവ് എന്ന ഗ്രാമത്തിലാണ് വാര്‍ത്തയ്ക്കാധാരമായ കൊലപാതകം നടന്നത്. 2003 മെയ് 14ന്.

സ്വന്തം വിവാഹത്തിന്റെ തലേന്ന്, കല്യാണവീട്ടിലേയ്ക്ക് വെള്ളം ശേഖരിക്കുന്നതിനിടെ സവര്‍ണര്‍ ചുട്ടുകൊന്ന ദിലീപ് ഷിംഗ്ഡെയെന്ന 25കാരനെ സംഘപരിവാറുകാരും വിഎച്ച്പിക്കാരുമൊക്കെ ഓര്‍ക്കുന്നുണ്ടോ ആവോ?

മറാത്തവാഡ പ്രദേശത്ത് ഏറ്റവുമധികം ദളിത് പീഡനം നടക്കുന്നത് ജലാന ജില്ലയിലാണ്. സവര്‍ണരായ പാട്ടീല്‍മാരില്‍ നിന്ന് ദളിതുകള്‍ ഏല്‍ക്കേണ്ടി വരുന്ന പീഡനങ്ങളുടെ അനുഭവസാക്ഷ്യം വായിച്ചാല്‍ നൂറ്റാണ്ടുകള്‍ക്ക് പിറകില്‍ ജീവിക്കുന്ന പ്രദേശങ്ങള്‍ ഇപ്പോഴും ഇന്ത്യയിലുണ്ടെന്ന് ബോധ്യപ്പെടും. നീതിയും ന്യായവും നടപ്പാക്കുന്നത് ശിവസേനയും താക്കറെ സാഹിബും. ഇന്ത്യന്‍ ഭരണഘടനയ്ക്കും സിആര്‍പിസിയ്ക്കും പുല്ലുവില.

മറത്താവാഡയില്‍ നിന്ന് മറ്റൊരു സംഭവം കൂടി കേള്‍ക്കുക. 2003 ജൂലൈ 14ന് ദാദാറാവു ദോഗ്രെയെന്ന ദളിതനെ സവര്‍ണര്‍ കല്ലെറിഞ്ഞു വീഴ്ത്തി, അടിച്ചും വെട്ടിയും കൊന്നതും, പൊതുടാപ്പില്‍ നിന്ന് വെള്ളമെടുത്തതുമായി ബന്ധപ്പെട്ടുണ്ടായ പ്രശ്നങ്ങളുടെ പേരില്‍. ബീദ് ജില്ലയിലെ ധരൂര്‍ താലൂക്കിലുളള സോണാ ഖോട്ടയിലാണ് സംഭവം.

തമിഴ്‍നാട്ടിലെ ഉത്തപുരത്ത്, ദളിതരെ പൊതുസമൂഹത്തില്‍ നിന്ന് വേര്‍പെടുത്താന്‍ പണിതുയര്‍ത്തിയ 20 വര്‍ഷം പഴക്കമുളള സവര്‍ണ മതില്‍ സിപിഎം പ്രക്ഷോഭത്തെ തുടര്‍ന്ന് ഈയിടെ സര്‍ക്കാരിന് പൊളിച്ചു മാറ്റേണ്ടി വന്ന വാര്‍ത്ത കൂടി ഇതോടൊപ്പം ചേര്‍ത്ത് വായിക്കണം.

രാജ്യത്തിന്റെ ഒരുഭാഗത്ത്, പൊതുടാപ്പില്‍ നിന്ന് കുടിവെള്ളമെടുക്കുന്നവനെ ജീവനോടെ ചുട്ടുകൊല്ലുന്നു, അവനെ വീട്ടില്‍ നിന്ന് കല്ലെറിഞ്ഞോടിച്ച് വഴിവക്കിലിട്ട് അടിച്ചും വെട്ടിയും കുത്തിയും കൊല്ലുന്നു. മറുഭാഗങ്ങളില്‍, അതേ വിഭാഗക്കാരന് ആഹാരവും വസ്ത്രവും കൊടുക്കുന്ന മിഷണറിമാരെ ചുട്ടുകൊല്ലുന്നു. എല്ലാം വിശ്വാസത്തിന്റെ പേരില്‍. ലക്ഷ്യം ഇന്ത്യയുടെ അഖണ്ഡതയും ഭാരതത്തിന്റെ സാംസ്ക്കാരിക മൂല്യവും സംരക്ഷിക്കുക.

ഭൂതകാലത്തിന്റെ ചിലന്തിവലകളില്‍ സ്വതന്ത്ര ഇന്ത്യയുടെ ചേതനയെ തളച്ചിടാന്‍ ശ്രമിക്കുകയാണ് സംഘപരിവാര്‍. കാലം ചവറ്റുകുട്ടയിലെറിഞ്ഞ അസംബന്ധമൂര്‍ത്തികളെ പ്രസാദിപ്പിക്കാന്‍ ഒറീസയില്‍ നരബലി നടത്തുകയാണ് അവര്‍. ഒരുകൈയില്‍ ചിത്രഗുപ്തന്റെ കണക്കുപുസ്തകവും മറുകൈയില്‍ മണ്ണെണ്ണ കാനും തീപ്പെട്ടിയുമായി തെരുവില്‍ അപ്പപ്പോള്‍ കണക്കുതീര്‍ക്കുന്നു. ചിതയൊരുക്കുന്ന ചെലവും സമയവും തീര്‍ത്തും ലാഭം.

നെഞ്ചിലിരുന്ന് പിടയ്ക്കുന്നത് തുരുമ്പിക്കാത്ത മാനവികതയാണെങ്കില്‍, അവസാന ശ്വാസം വരെ ഈ പൈശാചികതയെ ചെറുക്കുക.

33 comments:

മാരീചന്‍ said...

ഭൂതകാലത്തിന്റെ ചിലന്തിവലകളില്‍ സ്വതന്ത്ര ഇന്ത്യയുടെ ചേതനയെ തളച്ചിടാന്‍ ശ്രമിക്കുകയാണ് സംഘപരിവാര്‍. കാലം ചവറ്റുകുട്ടയിലെറിഞ്ഞ അസംബന്ധമൂര്‍ത്തികളെ പ്രസാദിപ്പിക്കാന്‍ ഒറീസയില്‍ നരബലി നടത്തുകയാണ് അവര്‍. ഒരുകൈയില്‍ ചിത്രഗുപ്തന്റെ കണക്കുപുസ്തകവും മറുകൈയില്‍ മണ്ണെണ്ണ കാനും തീപ്പെട്ടിയുമായി തെരുവില്‍ അപ്പപ്പോള്‍ കണക്കുതീര്‍ക്കുന്നു. ചിതയൊരുക്കുന്ന ചെലവും സമയവും തീര്‍ത്തും ലാഭം.

നെഞ്ചിലിരുന്ന് പിടയ്ക്കുന്നത് തുരുമ്പിക്കാത്ത മാനവികതയാണെങ്കില്‍, അവസാന ശ്വാസം വരെ ഈ പൈശാചികതയെ ചെറുക്കുക.

മൂര്‍ത്തി said...

ശക്തം മാരീചരേ...

ആട്ടിയോടിക്കപ്പെട്ടവരില്‍ പലരും തുടര്‍ച്ചയായ അഞ്ചാം ദിവസവും കാട്ടില്‍ തന്നെ. വനവാസം.

ഈ കൊടുംപാതകം ചെയ്തത്‌ നിരീശ്വരവാദികളല്ല മറിച്ച് ഈശ്വരവിശ്വാസവും മതവിശ്വാസവുമൊക്കെ സ്വന്തം കുത്തകയാക്കിവച്ചവരാണ്‌ എന്നത് നിരീശ്വരവാദം പ്രചരിപ്പിക്കുന്നു എന്നും മറ്റും പറഞ്ഞിവിടെ രണ്ടാം വിമോചനസമരാഹ്വാനങ്ങള്‍ മുഴക്കിയവരും അദ്വാനിയുടെ മതേതരത്വത്തിനു സ്തുതിഗീതങ്ങള്‍ ആലപിച്ചവരും തിരിച്ചറിയുന്നുണ്ടോ ആവോ?

മലയാളത്തിലെ ചില മാധ്യമങ്ങള്‍ ആരെയും നുള്ളി നോവിക്കാതെ ആക്രമികള്‍ എന്ന നിഷ്പക്ഷ പദങ്ങള്‍ ഉപയോഗിച്ച് തങ്ങളുടെ പക്ഷപാതിത്വം വ്യക്തമാക്കുന്നുണ്ട്.

ഇതുപോലെ എത്ര “സ്വാഭാവിക പ്രതികരണങ്ങള്‍”(കട:വിശ്വഹിന്ദുപരിഷത്ത്) വേണ്ടി വരുമാവോ അടുത്ത തവണ അധികാരം പിടിച്ചടക്കാന്‍?

ശ്രീവല്ലഭന്‍. said...

ഒറീസ്സയില്‍ മൂന്നു കൊല്ലം കോളേജ് പിള്ളേരെ പഠിപ്പിച്ചിട്ടുണ്ട്. ഗോത്രവര്‍ഗ്ഗക്കാര്‍ തിങ്ങി പാര്‍ക്കുന്ന ഫുല്‍ബാനി, സുന്ദര്‍ഗഢ്, മുനിഗുഡ.......എന്നീ സ്ഥലങ്ങളിലെല്ലാം പല പ്രാവശ്യം പോയിട്ടും ഉണ്ട്. വയറ്റിലേക്ക് ഒന്നും ചെല്ലാനില്ലാത്തവന് രാമായണം വായിച്ചു കൊടുത്താല്‍ മതിയാകില്ല. അവരെ പ്രകോപിപ്പിക്കാനും കുരങ്ങു കളിപ്പിക്കാനും വളരെ എളുപ്പം ആണ്. കഷ്ടം.

Thulasi Kakkat said...

ഗുജറാത്തിലും വിജയിച്ച വിഷകൃഷിയുടെ വിത്തിട്ട് ഒറീസയില്‍ സംഘപരിവാറിന് വിളവെടുപ്പുക്കാലം. നാടെവിടെയായാലും ഇതുമാത്രമാണവരുടെ അജണ്ട.കശ്മീരിലെ വളയിട്ട കൈകളില്‍ പോലും ഗുജറാത്തില്‍ ഗര്‍ഭിണിയുടെ വയറുകീറിയ തൃശൂലം പിടിപ്പിക്കാന്‍ സാധിച്ചിരിക്കുന്നു പരിവാരത്തിന്.

neerkkuneer said...

ഒറീസ ആരെയും അത്ഭുതപ്പെടുത്തുന്നില്ല. ഭാരതം നീരാളിപ്പിടുത്തത്തില്‍ എന്ന വിശേഷണത്തോടെ സംഘപരിവാര്‍ തുടങ്ങിവെച്ച 'പുരസ്കാര്‍' പദ്ധതിയുടെ തുടര്‍ച്ചയാണത്. ഓര്‍മ്മയില്ലേ വാജ്പേയി പറഞ്ഞത്- പരിഷ്കാര്‍, പുരസ്കാര്‍,തിരസ്കാര്‍. ആര്‍എസ്എസിന്റെ ആദ്യത്തെ സര്‍സംഘചാലക്കായിരുന്ന ഡോ. ഹെഡ്ഗെവാര്‍ പറയുന്നു "ഏഷ്യ, യൂറോപ്പ്, അമേരിക്ക എന്നീ ഭൂഖണ്ഡങ്ങളില്‍ ഒരു വിഹഗവീക്ഷണം നടത്തിയാല്‍ നമുക്ക് മനസിലാകും ക്രിസ്ത്യാനി, മുസ്ളിം, ഹിന്ദു, ബൌദ്ധര്‍ എന്നിവര്‍ ഈ ഖണ്ഡങ്ങളില്‍ വ്യാപിച്ചുകിടക്കുന്നതായി. ലോകത്തില്‍ ക്രിസ്തുമതാവലംബികളാണ് മറ്റെല്ലാവരിലും അധികം. പിന്നീട് വരുന്നത് മുസ്സല്‍മാന്‍മാരുടെ എണ്ണമാണ്.
"ഹിന്ദുവും ബൌദ്ധനും പ്രായേണ ഏഷ്യാഭൂഖണ്ഡത്തിലേയുള്ളൂ. വിശേഷിച്ചും ഹിന്ദുക്കളില്‍ ബഹുഭൂരിഭാഗവും ഹിന്ദുസ്ഥാനില്‍ മാത്രമാണ്. എന്നാല്‍ ഇവിടെയും എല്ലായിടത്തും അവര്‍ക്ക് ഭൂരിപക്ഷമില്ല. ഈ രാജ്യത്തിലെ 35 കോടി ആളുകളില്‍ 25 കോടിയേ ഹിന്ദുക്കളുള്ളൂ. ബാക്കി പത്തുകോടി ഇന്ന് ഹിന്ദുക്കളല്ലതന്നെ. ഈ പത്തുകോടിയും മുമ്പ് ഹിന്ദുക്കളായിരുന്നു. നമ്മുടെ ഉദാസീനതയും നിഷ്ക്രിയതയുംമൂലം അവരെ നമുക്ക് നഷ്ടപ്പെട്ടുവെന്നുമാത്രം! (ഡോ. ഹെഡ്ഗെവാര്‍ പ്രസംഗങ്ങള്‍, കത്തുകള്‍, പേജ് 11) ഇതേ ഗ്രന്ഥത്തില്‍ 50-ാം പേജില്‍ പറയുന്നു: "ഹിന്ദുസ്ഥാനം ഹിന്ദുക്കളുടേതാണ് എന്ന വാക്യത്തെ അന്വര്‍ത്ഥമാക്കിത്തീര്‍ക്കാന്‍വേണ്ടിയാണ് സംഘം. ഹിന്ദുസ്ഥാന്‍ ദേശം ഹിന്ദുക്കളുടെ മാത്രമാണ്. അന്യദേശങ്ങളിലെന്നപോലെതന്നെ ഈ ദേശം ഹിന്ദുക്കളുടേതാകയാല്‍ ഇവിടെ ഹിന്ദുക്കള്‍ ചെയ്യുന്നതെന്തോ അതേ പ്രമാണമായിത്തീരൂവെന്ന് സംഘം അംഗീകരിക്കുന്നു.
"ഹിന്ദുസ്ഥാന്‍ എങ്ങനെയാണ് കേവലം ഹിന്ദുക്കളുടെ മാത്രമായിത്തീരുക എന്നുചോദിക്കാന്‍പോലും ചില മാന്യന്മാര്‍ മടിക്കുന്നില്ല. ഇവിടെ താമസിക്കുന്നവരുടെയെല്ലാമാണ് ഹിന്ദുസ്ഥാന്‍ എന്നാണവരുടെ അഭിപ്രായം. ഇത്തരത്തിലുള്ള വാദങ്ങള്‍ ഉന്നയിക്കുന്നവര്‍ക്ക് രാഷ്ട്രസങ്കല്‍പത്തിന്റെ അര്‍ഥംപോലും അറിയില്ലെന്നതാണ് വ്യസനകരം. കേവലം ഒരു കഷണം ഭൂമിയെ ആരും രാഷ്ട്രമെന്നു വിളിക്കുകയില്ല. ഒരു ആചാരം, ഒരു സംസ്കാരം, ഒരു പാരമ്പര്യം എന്നിവയോടുകൂടി പുരാതനകാലംമുതല്‍ ഒരുമിച്ച് ജീവിച്ചുവരുന്ന ജനതയാണ് രാഷ്ട്രമായിത്തീരുന്നത്. ഈ ദേശത്തിന് നാം ഹേതുവായിട്ടാണ് ഹിന്ദുസ്ഥാനമെന്ന പേരുണ്ടായത്. മറ്റാളുകള്‍ മര്യാദയോടുകൂടി ഇവിടെ ജീവിക്കുന്നെങ്കില്‍ ജീവിച്ചുകൊള്ളട്ടെ. നാം ഒരിക്കലും അവരെ മുടക്കിയിട്ടില്ല. മുടക്കുകയുമില്ല. എന്നാല്‍ നമ്മുടെ വീട്ടില്‍ വിരുന്നുണ്ണാന്‍വന്നിട്ട് നമ്മുടെ മാറില്‍ കത്തിയിറക്കുവാന്‍ ഉദ്യമിക്കുന്നവന് ഇവിടെ ലവലേശം സ്ഥാനമില്ല.
"അതിനാല്‍, സ്വയംസേവക സഹോദരന്മാരേ, ഹിന്ദുസ്ഥാനം ഹിന്ദുക്കളുടേതാണ്' എന്ന് നിര്‍ഭയമായി ഉല്‍ഘോഷിക്കുക! വിദേശികളിവിടെ താമസിച്ചുകൂടാ എന്ന് നാം പറയുന്നില്ല. എന്നാല്‍ തങ്ങള്‍ ഹിന്ദുക്കളുടെ ഹിന്ദുസ്ഥാനത്തിലാണ് താമസിക്കുന്നതെന്നും അവരുടെ അധികാരങ്ങളില്‍ കൈകടത്താന്‍ തങ്ങള്‍ക്കവകാശമില്ലെന്നും വിദേശികള്‍ ശരിക്കോര്‍മിക്കണം'' (പേജ് 18) മുസ്ളിങ്ങളും ക്രൈസ്തവരും വിദേശികളാണെന്നാണ് രാഷ്ട്രീയസ്വയംസേവക് സംഘത്തിന്റെ കാഴ്ചപ്പാട്. അദ്വാനിയും വാജ്പേയിയും ആര്‍എസ്എസുകാരാണെന്നതില്‍ അഭിമാനിക്കുന്നുവെന്നും മരണംവരെ അങ്ങനെതന്നെയായിരിക്കുമെന്നും പലതവണ ആണയിട്ടുപറഞ്ഞവരാണെന്നുകൂടി ഓര്‍ക്കണം. ഇതില്‍ എല്ലാ മതങ്ങള്‍ക്കും തുല്യമായ അവകാശമുണ്ടെന്ന കാഴ്ചപ്പാടല്ല ഉള്ളത്. ഹിന്ദുവിന്റെ ആധിപത്യം നിലനിര്‍ത്തണമെന്നാണ്. ജനനംമുതല്‍ മരണംവരെ ഹിന്ദുവിന്റെ ആചാരങ്ങളും അനുഷ്ഠാനങ്ങളും അംഗീകരിച്ചുകൊണ്ടുവേണം മറ്റു മതക്കാര്‍ ഇവിടെ താമസിക്കാനെന്നാണ്. അതാണ് ഹിന്ദുത്വം. അദ്വാനിയുടെ ഈ മതനിരപേക്ഷതയാണ് സ്വീകാര്യമെങ്കില്‍ ഇവിടത്തെ മാര്‍ പൌവത്തിലിനും കൂട്ടര്‍ക്കും അത് സ്വീകരിക്കാം. നമുക്കതിന് കഴിയില്ല; ആത്മാഭിമാനമുള്ള ആര്‍ക്കും കഴിയില്ല.
കണ്ണൂരില്‍ സിപിഎം ആര്‍എസ്എസിനെതിരെ നിലക്കൊള്ളുന്നതിന്റെ പേരില്‍ ഭൂമികുലുക്കുന്നവരുണ്ടല്ലോ. ഒറീസയില്‍ സിപിഎം പോലൊരു ശക്തമായ മതനിരപേക്ഷ പ്രസ്ഥാനമില്ലാത്തതാണ്, മതനിരപേക്ഷ ഇടപെടലില്ലാത്തതാണ് അക്രമം അനന്തമായി തുടരുന്നതെന്ന് സമ്മതിക്കാന്‍ ഇവിടുത്തെ 'ന്യൂനപക്ഷ നായകര്‍ക്ക്' മടികാണും. അവര്‍ക്ക് സിപിഎമ്മും ബിജെപിയും ഒരുപോലെയാണല്ലോ.

ജിവി said...

ഇടതുപക്ഷ മതനിരപേക്ഷ ആശയങ്ങള്‍ക്കും പ്രസ്ഥാനങ്ങള്‍ക്കും വേരോട്ടമുണ്ടാക്കാന്‍ കഴിയാത്തിടത്തോളം ഭാരതത്തിന്റെ അവസ്ഥ ഇങ്ങനെതന്നെ തുടരും. പ്ക്ഷെ, ഈ അക്രമികളും ഇരകളും ഒരുമിച്ചുനിന്ന് അത്തരമൊരു വളര്‍ച്ചയെ തടയുമല്ലോ.

യാരിദ്‌|~|Yarid said...

ഹാറ്റ്സ് ഓഫ് മാരിചന്‍സ്,ഹാ‍റ്റ്സ് ഓഫ്..:)

കാണി said...

ഇതിനെല്ലാം പരിഹാരം ഇടതു പക്ഷം മാത്രമാണെന്ന വാദത്തെ ഒഴികെ ബാകിയെല്ലാം അങ്ങീകരിക്കുന്നു

neerkkuneer said...

കാണി, എല്ലാറ്റിനും പരഹാരം ഇടതുപക്ഷമാണെന്നല്ല. ഇടതുപക്ഷത്തെപ്പോലെ നെഞ്ചുക്കോടെ നിവര്‍ന്നനിന്ന് ഈ കാടത്തതെത നേരിടാന്‍ മററാരുമില്ലെന്നാണ്. അങ്ങനെ നേരിടുന്നതുകൊണ്ടാണ് ഇടതുപക്ഷത്തിന് വേരോട്ടമുള്ളിടങ്ങളില്‍ ഇത്തരം ആക്രമണങ്ങള്‍ ഒരു പരിധിവരെയെങ്കിലും ചെറുക്കപ്പെടുനനത് എന്നാണ്. കണ്ടില്ലേ ഒറീസയിലെ ആര്‍എസ്എസ് വക്താവ് പറഞ്ഞത്-സ്വാമിയെ കൊന്നത ക്രിസ്ത്യന്‍ സ്ഥാപനങ്ങളുടെ ഏജന്റുമാരാണെന്ന്. അവര്‍ക്കതിന് തെളിവൊന്നുംവേണ്ട. വെള്ളം കലക്കി എന്നുപറഞ്ഞ് ആടിന്‍കുട്ടിയെ കൊന്നുതിന്നും. ഇവിടെ കേരളത്തില്‍ ആര്‍എസ്എസിന് അങ്ങനെ ചെയ്യാന്‍ കഴിയാത്തത് എന്തുകൊണ്ടെന്ന് ചിന്തിച്ചുനോകക്കുക. ഒറസയില്‍ ഇപ്പോള്‍ നടക്കുന്നത് ഏതെങ്കിലും താല്‍കാലിക പ്രകോപനത്തിന്റെ ഫലമായുള്ളതല്ല. ബിജെപിയുടെ നേതൃത്വത്തിലുള്ള ആറുവര്‍ഷത്തെ കേന്ദ്രഭരണത്തിന്റെ തിക്തഫലം അനുഭവിച്ചറിഞ്ഞവരാണ് ഇന്ത്യയിലെ മതന്യൂനപക്ഷവിഭാഗങ്ങള്‍. ഗ്രഹാംസ്റ്റെയില്‍സും മക്കളും വാഹനത്തില്‍ കിടന്നുറങ്ങുമ്പോഴാണ് ചുട്ടുകൊന്നത്. ക്രൂരമായ ആ സംഭവത്തെ തള്ളിപ്പറയാനോ അപലപിക്കാനോ അന്നത്തെ പ്രധാനമന്ത്രി വാജ്പേയിയോ ആഭ്യന്തരമന്ത്രി അദ്വാനിയോ തയ്യാറായില്ല. പകരം മതപരിവര്‍ത്തനത്തെപ്പറ്റി ദേശീയ ചര്‍ച്ചവേണമെന്നാണ് പറഞ്ഞത്. കൊടുംകൊലപാതകത്തെ ന്യായീകരിക്കുകയാണ് ചെയ്തതെന്നര്‍ഥം. ഒറീസ ബിജു ജനതാദളും ബിജെപിയും ചേര്‍ന്നാണ് ഭരിക്കുന്നത്. അവിടെയാണ് കഴിഞ്ഞ ക്രിസ്തുമസ് നാളില്‍ ക്രിസ്ത്യന്‍പുരോഹിതന്മാരെയും കന്യാസ്ത്രീകളെയും ക്രിസ്ത്യന്‍പള്ളികളെയും ആക്രമിച്ചത്. ഇപ്പോഴും കൊന്നൊടുക്കുന്നത്. പ്രാണരക്ഷാര്‍ത്ഥം പാതിരിമാര്‍ക്കും കന്യാസ്ത്രീകള്‍ക്കും കാട്ടില്‍ അഭയം പ്രാപിക്കേണ്ടിവന്നു. അവര്‍ അനുഭവിക്കേണ്ടിവന്ന ദുരിതം ഇവിടെ നമ്മുടെ മാര്‍ പൌവത്തില്‍ അറിയാതെ പോയതില്‍ അല്‍ഭുതപ്പെടേണ്ടതില്ല. ഒറീസയിലെ ഇപ്പോഴത്തെ ആക്രമണത്തെയും അദ്വാനിയും കൂട്ടരും അപലപിച്ചതായി കേട്ടിട്ടില്ല.
അദ്വാനി നയിക്കുന്ന ബിജെപി ഒരു സാധാരണ രാഷ്ട്രീയപാര്‍ടിയല്ല. ആ പാര്‍ടിയെ നിയന്ത്രിക്കുന്നതും നയിക്കുന്നതും രാഷ്ട്രീയസ്വയംസേവക് (ആര്‍എസ്എസ്) എന്ന തനി ഫാസിസ്റ്റ് സംഘടനയാണ്. ആര്‍എസ്എസിലും ഒപ്പം ജനതാപാര്‍ടിയിലും ദ്വയാംഗത്വം വേണമെന്ന് ശഠിച്ചതിന്റെ പേരിലാണ് ജനതാപാര്‍ടിയില്‍നിന്ന് ആര്‍എസ്എസുകാര്‍ പുറത്തുപോകേണ്ടിവന്നത്. അന്നത്തെ ഹിന്ദുമഹാസഭയും ജനസംഘവുമൊക്കെയാണ് ഭാരതീയ ജനതാപാര്‍ടിയായി രൂപംകൊണ്ടത്.

neerkkuneer said...

തൃശൂര്‍ നിന്നുള്ള ഈ വാര്‍ത്ത വായിക്കു.

മാര്‍ താഴത്തും മാര്‍ പവ്വത്തിലും ഒറീസയില്‍ പോകണം

തൃശൂര്‍: ഒറീസയില്‍ ക്രിസ്ത്യാനികളെ സംഘപരിവാറുകാര്‍ ക്രൂരമായി വേട്ടയാടിയിട്ടും കേരളത്തിലെ ബിഷപ്പുമാര്‍ പ്രതികരിക്കുന്നില്ലെന്ന് ലോനപ്പന്‍ നമ്പാടന്‍ എംപി വാര്‍ത്താസമ്മേളനത്തില്‍ പറഞ്ഞു. ബിജെപിയുടേയോ ആര്‍എസ്എസിന്റേയോ പേരു പറയാന്‍പോലും സഭാനേതൃത്വം തയ്യാറല്ല. ആത്മാര്‍ഥതയുണ്ടെങ്കില്‍ ഇന്റര്‍ചര്‍ച്ച് കൌസില്‍ പ്രസിഡന്റ് മാര്‍ ജോസഫ് പവ്വത്തിലും കെസിബിസി സെക്രട്ടറി മാര്‍ ആന്‍ഡ്രൂസ് താഴത്തും ഒറീസയില്‍പോയി സ്ഥിതിഗതികള്‍ നേരിട്ടു മനസ്സിലാക്കി പ്രധാനമന്ത്രിക്ക് നിവേദനം കൊടുക്കണം. അല്ലാതെ സ്കൂളുകള്‍ ഒരുദിവസം അടച്ചിട്ടതുകൊണ്ടുമാത്രം കാര്യമില്ല. കഴിഞ്ഞതവണ ഒറീസയില്‍ മതന്യൂനപക്ഷങ്ങള്‍ ആക്രമിക്കപ്പെട്ടപ്പോള്‍ സീതാറാം യെച്ചൂരിയുടെ നേതൃത്വത്തില്‍ ഇടതുപക്ഷനേതാക്കളാണ് പോയത്. രണ്ടുവര്‍ഷം മുമ്പ് രാജസ്ഥാനില്‍ ആക്രമണം ഉണ്ടായപ്പോള്‍ താനുള്‍പ്പെടെ സിപിഐ എമ്മിന്റെ അഞ്ച് എംപിമാര്‍ പോയി. കേരളത്തിലെ സഭാനേതൃത്വമോ കോഗ്രസ് നേതാക്കളോ അങ്ങോട്ട് തിരിഞ്ഞുനോക്കിയില്ലെന്നും നമ്പാടന്‍ പറഞ്ഞു.

ജയരാജന്‍ said...

"നെഞ്ചിലിരുന്ന് പിടയ്ക്കുന്നത് തുരുമ്പിക്കാത്ത മാനവികതയാണെങ്കില്‍, അവസാന ശ്വാസം വരെ ഈ പൈശാചികതയെ ചെറുക്കുക" ശക്തം!

റോബി said...

തുരുമ്പിക്കാത്ത മാനവികതയുമായി ഒരു സല്യൂട്ട് ചെയ്യാനേ ആകുന്നുള്ളൂ മാരീചാ...ഖേദമുണ്ട്.

ന്യൂനപക്ഷങ്ങളുടെ ജീവനെ സംരക്ഷിക്കാൻ അടിയന്തിര നടപടികളെടുക്കാൻ ഇന്ത്യൻ പ്രസിഡന്റിനോട് ആവശ്യപ്പെടുന്ന ഒരു ഓൺ‌ലൈൻ പെറ്റീഷൻ ഇവിടെ...

പെറ്റീഷൻ തയ്യാറാക്കിയ രാജീവിനും നന്ദി.

keralainside.net said...

ഈ പോസ്റ്റ് ലിസ്റ്റ് ചെയ്തുകൊണ്ടിരിക്കുന്നു. കൂടുതൽ സമയം ഈ രചന ആളുകളുടെ ശ്രദ്ധയിൽ വരാനായി സൈറ്റിൽ വന്നു അനുയോജ്യ മായ വിഭാഗത്തിൽ ഈ പോസ്റ്റ് ഉൾപ്പെടുത്താൻ അപേക്ഷ.
സൈറ്റ് സന്ദർശിക്കാൻ ഇവിടെ www.keralainside.net.
കൂടുതൽ വിവരങൾക്ക് ഇവിടെkeralainsideblogaggregator.blogspot.com
Thank You

സിമി said...

മാ‍ര്‍ പവ്വത്തിലിന്റെ ബി.ജെ.പി. സ്നേഹത്തിന്റെ യഥാര്‍ത്ഥ തലം അല്പം വികൃതമാണ്. മാര്‍ പവ്വത്തില്‍ നയിക്കുന്ന സഭ ഒരു സവര്‍ണ്ണ സഭയാണ്. കൃസ്തീയ സഭകളില്‍ ജാതീയമായി മറ്റു വിഭാഗങ്ങളുമായി കലരാത്ത, Racial superiority അവകാശപ്പെടുന്ന ഒരു സഭ. ancient reputed roman family seeking alliances from fair handsome girls from equally reputed ancient families എന്ന് ദിനം‌പ്രതി പത്രത്തില്‍ പരസ്യം കൊടുക്കുന്നവരെ ആണ് മാര്‍ പവ്വത്തില്‍ പ്രതിനിധാനം ചെയ്യുന്നത്.

ഇവിടെയാണ് ഭൂരിപക്ഷവും ബ്രാഹ്മണര്‍ / ഉയര്‍ന്ന ജാതിക്കാര്‍ അധികാരത്തലപ്പത്തുള്ള ബി.ജെ.പി/ സംഘ് മാര്‍ പവ്വത്തിലുമായി കൂട്ടുകൂടുന്നതിന്റെ സാംഗത്യം. ഇത് ഒരു നിറത്തിന്റെയും ജാതീയ മേല്‍ക്കോയ്മയുടെയും കൂട്ടുകെട്ടാണ്. ചിത്രകാരന്‍ പറയുന്ന സവര്‍ണ്ണ-അവര്‍ണ്ണ കളികള്‍ ഒളിഞ്ഞും തെളിഞ്ഞും ഉണ്ട്.

ഇതേ കൂട്ടുകെട്ട് മുക്കുവരുടെ സഭയായ ലത്തീന്‍ കത്തോലിക്കാ സഭയില്‍ വരില്ല. കേരളത്തിലെ ക്രിസ്ത്യന്‍ ജാതീയത / വര്‍ണ്ണ വ്യത്യാസങ്ങള്‍ എന്നിവയ്ക്ക് മറ്റൊരു ലേഖനം വേണ്ടിവരും. അതല്ല വിഷയം.

സംഘ് വിശ്വസിക്കുന്ന നിലപാടുകള്‍ തീവ്രവാദപരവും ഇടുങ്ങിയതും ആണ് എന്നിരിക്കേ, കൃസ്തീയ സഭകള്‍ കാലങ്ങളായി അനുവര്‍ത്തിച്ചുപോന്ന നയം carrot and conversion ആണ്. മത പരിവര്‍ത്തനത്തിനു പകരമായി അന്നം കൊടുക്കുക. അമേരിക്കയില്‍ ഒരു പ്രെയര്‍ ഗ്രൂപ്പില്‍ വെച്ച് സ്റ്റീവ് എന്ന യുവാവിനെ പരിചയപ്പെട്ടിട്ടുണ്ട്. പുള്ളി എല്ലാ വര്‍ഷവും ഇന്ത്യയിലെ വിവിധ ഭാഗങ്ങളിലേയ്ക്ക് സഞ്ചരിച്ച് ചാരിറ്റി പ്രവര്‍ത്തനങ്ങള്‍ നടത്തുന്നു, പരിവര്‍ത്തനങ്ങളും നടത്തുന്നു.

കേരളത്തിലെ മതപരമായ ധ്രുവീകരണത്തിലും ക്രിസ്തീയ സഭാനേതൃത്വത്തിന് ഒരു വലിയ പങ്കുണ്ട്. ധ്യാനങ്ങളും പരിവര്‍ത്തനങ്ങളും തുടങ്ങുന്നതിനു മുന്‍പ് നമ്മുടെ ക്ഷേത്രങ്ങളില്‍ ഇത്രയും ഭജന ഇല്ലായിരുന്നു എന്ന് അനുഭവം കൊണ്ട് അറിയാവുന്നതാണ്.

സംഘ് പ്രവര്‍ത്തനങ്ങളെ ഒരു തരത്തിലും ന്യായീകരിക്കുകയല്ല - നീചമാണ് അവരുടെ പ്രവര്‍ത്തി. നേതൃത്വത്തിന്റെ അസഹിഷ്ണുതയും അന്ധതയും കീഴേയ്ക്ക് പടരുന്നു എന്നതാണ് സത്യം. എന്നാല്‍ അതേ സമയം അതിന് വഴിമരുന്നിടുന്ന ക്രിസ്തീയ പരിവര്‍ത്തന പ്രവര്‍ത്തനങ്ങളെയും പിന്തിരിപ്പിക്കേണ്ടതുണ്ട്. ഇന്ത്യ ജാതീയമായി അസഹിഷ്ണുതയുടെ ഒരു കാലത്തിലൂടെ കടന്നുപോവുമ്പോള്‍ അതിനെ വീണ്ടും ധ്രുവീകരിക്കുന്ന പ്രവര്‍ത്തനങ്ങളെ നിരുത്സാഹപ്പെടുത്തേണ്ടതുണ്ട്.

സിമി said...

കേരളത്തില്‍ ജാതീയ രാഷ്ട്രീയത്തിനു വേരോടാത്തത് ഇടതുപക്ഷത്തിന്റെ സ്വാധീനം കൊണ്ടാണ് എന്നുപറയുന്നത് സത്യത്തെ വളച്ചൊടിക്കലായിരിക്കും. ഇതിന് അനേകം ഘടകങ്ങള്‍ ഉണ്ട് - അതില്‍ ഒന്നു മാത്രമാണ് ഇടതുപക്ഷം. മൊത്തത്തില്‍ പിതൃത്വം ഏറ്റെടുക്കാന്‍ ശ്രമിക്കരുത്.

പ്രശാന്ത് കളത്തില്‍ said...

തല്ലുകൊടുക്കണ്ട സമയത്തു തല്ലിയതിനു മാരീചനു അഭിനന്ദനങ്ങള്‍.

റോബി, ആ പെറ്റിഷന്‍ ലിങ്കിനു നന്ദി.

സിമിയ്ക്ക് ആ പറഞ്ഞ വഴിക്കൊന്നു ശ്രമിക്കരുതൊ ? അതൊരു നല്ല ശ്രമമായിരിയ്ക്കും.

t.k. formerly known as തൊമ്മന്‍ said...

ഇത് ദാറ്റ്സ് മലയാളത്തിലും കണ്ടല്ലോ:
http://thatsmalayalam.oneindia.in/feature/satire/2008/08/28-orissa-sangh-parivar-christian-missionery.html

ചിത്രകാരന്‍chithrakaran said...

ഇന്ത്യന്‍ സവര്‍ണ്ണത ആദിവാസികളേയും,പട്ടികജാതിക്കാരേയും,ദളിതരേയും ചുട്ടുകൊല്ലുന്ന സാധാരണ പരിപാടി എന്നതില്‍ കവിഞ്ഞ് ഒറീസയില്‍ നടക്കുന്ന നരഹത്യക്ക് ന്യൂനപക്ഷ പീഢനത്തിന്റെ ഗൂഡോദ്ദേശങ്ങളൊന്നുമുണ്ടെന്നുതോന്നുന്നില്ല.

സവര്‍ണ്ണര്‍ നമ്മുടെ സുഹൃത്തുക്കളും,ബന്ധുക്കളും,അധികാരവും, ഭരണശക്തിയുമാകയാല്‍ നമ്മള്‍ സത്യം പറയാതെ ഫാസിസ്റ്റുകളും,കൃസ്ത്യന്‍ ന്യൂനപക്ഷവുമായുള്ള ഏറ്റുമുട്ടലായി മുഖം മൂടി അണിയിക്കുന്നതാണ്.

നമ്മള്‍ എന്നും അഭിമാനിച്ചിട്ടുള്ളത് നമ്മുടെ ഉടമയുടെയോ,ഭരണാധികാരിയുടേയോ പൊങ്ങച്ച ബലൂണുകളുടെ വലിപ്പത്തെ മുന്‍‌നിര്‍ത്തിയാണ്.അല്ലാതെ നമ്മുടെ ചൂഷണരഹിതമായ ബുദ്ധിശക്തിയുടെ ശുദ്ധിയെക്കരുതിയോ,നമ്മളിലെ നന്മയിലധിഷ്ടിതമായ ക്രിയാത്മകതയുടെ വികാസത്തിന്റെ പേരിലോ അല്ല.

ഇയ്യിടെ ഒരു ബ്ലോഗര്‍ കുമാരനാശാന്റെ കൃതികളെക്കുറിച്ച് നല്ല രണ്ടു വാക്കു പറഞ്ഞു. അതുവരെ സവര്‍ണ്ണ ലക്ഷണങ്ങള്‍ ധ്വനിപ്പിച്ചിരുന്ന ആ ബ്ലോഗര്‍ തനിക്കു പറ്റിയ അബദ്ധം വേഗം തിരുത്തി.കുറച്ചുകൂടുതല്‍ ആവേശം കാണിച്ചോ എന്നൊരു സംശയം! ഉടന്‍ താന്‍ സവര്‍ണ്ണ കുടുംബത്തില്‍ ജനിച്ചവനാണെന്ന് ദ്വനിപ്പിക്കുന്ന കുറച്ചു ഡയലോഗെഴുതി തനിക്കു നഷ്ടപ്പെടാനിടയുള്ള ബ്ലോഗ് സൌഹൃദങ്ങളുടെ ഊഷ്മളത നിലനിര്‍ത്താന്‍ നംബറുകളിട്ടു.
ഇതൊരു മലയാളിയുടെ മാന്യതയുടെ പ്രതിസന്ധിയാണ്. ഒരു വ്യക്തിയുടെ മാത്രം രോഗമല്ല,നമ്മുടെ സമൂഹത്തിന്റെ മൊത്തം രോഗമായതിനാല്‍ ആ ബ്ലോഗറെ തിരഞ്ഞുപിടിച്ച് ചികിത്സിക്കുന്നതില്‍ അര്‍ത്ഥമില്ല.

അവര്‍ണ്ണനാണ്,ദളിതനാണ്,പട്ടികജാതിക്കാരനാണ് എന്നു തോന്നിക്കഴിഞ്ഞാല്‍ പിന്നെ അയാള്‍ക്ക് മാനുഷിക പരിഗണനയൊന്നും നല്‍കേണ്ടെന്ന് നമ്മുടെ രാമായണവും,മഹാഭാരതവും പോലും ഉദ്ഘോഷിക്കുന്നുണ്ടെന്നതിനാല്‍ നമ്മള്‍ അവരെ ദ്രോഹിച്ചു രസിക്കും. ഞാഞ്ഞൂലിനെ ഈര്‍ക്കിലികൊണ്ട് അങ്ങോട്ടുമിങ്ങോട്ടും തോണ്ടിയിട്ടു രസിക്കുന്നതുപോലെ ... പണ്ടു നായരെ ബ്രാഹ്മണര്‍ പരിഹസിച്ചിരുന്നതുപോലെ!
ദുര്‍ബലനെ ദ്രോഹിക്കുന്നത് ബലവാന്റെ മഹനീയതയായാണ് മലയാളത്തിലെ ബ്ലോഗേഴ്സ് പോലും വിശ്വസിക്കുന്നത് എന്നിരിക്കെ,
ഒറീസയിലെ ആദിവാസികളെ പരസ്പ്പരം ചുട്ടുകൊല്ലാന്‍ പ്രേരിപ്പിക്കുന്ന സവര്‍ണ്ണ പേപ്പട്ടികള്‍ നടത്തുന്ന നരമേധങ്ങള്‍ നമ്മേ അതിശയിപ്പിക്കേണ്ട കാര്യമൊന്നുമില്ല.
അടുത്ത ഭരണം അവരുടേതാകാം.
വാലുള്ളവരെല്ലാം വാലാട്ടാന്‍ തയ്യാറായിക്കൊള്ളുക.
ന്യൂനപക്ഷ പീഢനത്തിനെതിരേയും,പ്രീണനത്തിനെതിരേയും രണ്ടു ചേരികളിലായി നിന്ന് നമുക്ക് വോട്ടുപിടിക്കാം.സവര്‍ണ്ണരായതുകൊണ്ട് നമുക്ക് രണ്ടു കൂട്ടര്‍ക്കും നഷ്ടമൊന്നുമില്ല.
കൂട്ടത്തില്‍ മനുഷ്യനാണെന്നും തോന്നിപ്പിക്കാന്‍
...ഒറീസയിലെ ന്യൂനപക്ഷ പീഢനത്തിനെതിരെ പ്രതിഷേധിക്കുന്നു...ഒരു ഭംഗി വാക്ക്. അത്രേ വേണ്ടു.
എല്ലാം ഭംഗിയായി.

ഭൂമിപുത്രി said...

അമർസിങ്ങ് നാടിന്റെ രക്ഷകനാ(?)യെത്തിയിരുന്നില്ലെങ്കിൽ,
സിഹാസനത്തിലിരുന്നായേനെ ഈ രക്തപാനം!
ആലോചിയ്ക്കുമ്പോൾ വിറച്ചുപോകുന്നു!

neerkkuneer said...

ഇന്ത്യയുടെ ഭരണഘടനയില്‍ ആലേഖനംചെയ്ത മതനിരപേക്ഷതയെപ്പറ്റി (സെക്കുലറിസം) അദ്വാനിയുടെ സംഘത്തിന്റെ കാഴ്ചപ്പാട് രേഖപ്പെടുത്തിയ പുസ്തകമാണ് 'കപടമതേതരത്വവും യഥാര്‍ത്ഥ ദേശീയതയും''. പ്രസിദ്ധ പത്രപ്രവര്‍ത്തകനായ ഗിരിലാല്‍ ജെയിന്‍ ആര്‍എസ്എസിന്റെ പ്രസിദ്ധീകരണമായ പാഞ്ചജന്യത്തില്‍ എഴുതിയ ലേഖനങ്ങളുടെ സമാഹാരമാണ് ഈ പുസ്തകം. അതില്‍ നാലാമത്തെ അധ്യായത്തില്‍ പറയുന്നു. 'പാശ്ചാത്യചിന്തയില്‍ മുദ്രണം ചെയ്യപ്പെട്ട് നെഹ്റുവിന്റെ മതനിരപേക്ഷ ചട്ടക്കൂട് തകര്‍ന്ന് തവിടുപൊടിയായിരിക്കുകയാണ്. ഈ രാജ്യത്തിന്റെ യഥാര്‍ത്ഥ അന്തസ്ചേതന പ്രബലമായി തനിസ്വരൂപം അഭിവ്യഞ്ജിപ്പിക്കാന്‍ എരിപൊരികൊള്ളുന്ന ഇരുശക്തികളുടെയും സംഘര്‍ഷത്തിന് സമയമായി. ഒന്നുനശിച്ചുകൊണ്ടിരിക്കുമ്പോള്‍ മറ്റേത് അതിന്റെ സ്ഥാനമേറ്റെടുക്കാന്‍ കുതികൊള്ളുന്നു. അതിനാല്‍ ഇന്ന് എല്ലാതരത്തിലും ധ്രുവീകരണം ബലവത്തായി വരുന്നത് നിങ്ങള്‍ക്ക് കാണാം...... എന്റെ അഭിപ്രായത്തില്‍ ഹൈന്ദവഅനുകൂലം, ഹൈന്ദവവിരുദ്ധം എന്ന് രണ്ടുചേരികളായി രാഷ്ട്രീയരംഗം വേര്‍തിരിഞ്ഞുകഴിഞ്ഞു. ഭാരതീയജനതപാര്‍ടി മാത്രമാണ് ഹൈന്ദവാനുകൂലകക്ഷി എന്നുപറയാന്‍ സംശയംവേണ്ട.അതിനാല്‍ ധ്രുവീകരണം മാത്രമല്ല വിവിധ കാരണങ്ങളെക്കൊണ്ട് പൊട്ടിപ്പുറപ്പെടുന്ന ഹിന്ദു മുസ്ളിം കലാപങ്ങളെയും ഞാന്‍ പരിവര്‍ത്തനത്തിന്റെ ഈ ഏറ്റുമുട്ടലിന്റെ ഭാഗമായി കാണുന്നു. ഇത് മറ്റു പ്രക്രിയയുടെ പരിണാമമാകുന്നു''. വര്‍ഗീയസംഘട്ടനങ്ങളെ പരിവര്‍ത്തനത്തിന്റെ ഭാഗമായി കാണാന്‍ മാത്രമുള്ള വര്‍ഗീയ ഭ്രാന്താണ് ഇതില്‍ പ്രതിഫലിച്ചുകാണുന്നത്. കോഴിക്കോട് ജില്ലയിലെ ഒളവണ്ണയില്‍ മദര്‍തെരേസയുടെ അനുയായികളായ ജീവകാരുണ്യപ്രവര്‍ത്തകരായ കന്യാസ്ത്രീകളെ ആക്രമിച്ച് പരിക്കീേല്‍പിക്കാന്‍ പ്രേരണയായതും ഈ വിചാരധാരയാണെന്ന് തിരിച്ചറിയാന്‍ കേരളത മാര്‍ക്സിസ്റ്റ് വിരോധവു കച്ചവടതാല്‍പര്യവും തലക്കുപിടിച്ചചില തിരുമേനിമാര്‍കേ കഴിയാുള്ളൂ. അവര്‍ 'ഒറീസയിലും കേരളത്തിലും ന്യൂനപക്ഷ വേട്ട നടക്കുന്നുവെന്ന്' കരഞ്ഞ് രാജ്ഭവനിലേക്കും യുഡിഎഫിന്‍െന്റ തിണണയിലേക്കും നടക്കും. അത്തരക്കാര്‍ അദ്വാനിയെ സ്തുതിച്ചുകൊള്ളട്ടെ. പൌവത്തിലിന്റെ ആ ചിന്താധാര അംഗീകരിക്കാന്‍ കുഞ്ഞാടുകളെ കിട്ടുമെന്ന് തോന്നുന്നില്ല.

t.k. formerly known as തൊമ്മന്‍ said...

ചിത്രകാരന്‍ പറയുന്നതില്‍ കാര്യമുണ്ട്: അടിയാളന്മാര്‍ തങ്ങളുടെ വരുതിയില്‍ നിന്ന് വിട്ടുപൊകുന്നതിന്റെ പകയും ഇത്തരം നീചകൃത്യങ്ങള്‍ക്ക് പ്രേരകമാകുന്നുണ്ടാകും. ബീഹാറില്‍ മതപരിവര്‍ത്തനത്തിന്റെ മറയൊന്നുമില്ലാതെയല്ലേ സവര്‍‌ണ്ണര്‍ക്ക് കൂട്ടക്കൊല ചെയ്യുന്നത്.

സൂരജ് :: suraj said...

കേന്ദ്രത്തിൽ അങ്ങോട്ട് കയറിയില്ല; കയറുമെന്നായപ്പോഴേക്കും ഈ പേക്കൂത്ത്. അപ്പോൾ കേറിയാൽ ??

ശശികലയെ പോലുള്ള ..#@*$*..മക്കളെ മുൻ നിർത്തി സംഘപരിവാരം കാഷ്ഠിച്ചുവയ്ക്കുന്നതത്രയും അമൃതാണെന്ന ഭാവത്തിൽ തലയിൽ ചുമ്മിക്കൊണ്ട് “വ്യാഖ്യാനം” ചമയ്ക്കുന്ന കുറേയെണ്ണമുണ്ടല്ലോ ഈ ചുറ്റുവട്ടത്ത്... മാരീചർ കാത്തിരുന്നോ, ഇപ്പൊ വരും “വ്യാഖ്യാന സർക്കസിന്റെയും ഇറെസിസ്റ്റിബിൾ ലോജിക്കിന്റെയും” ധാർമ്മിക രോഷവും കൊണ്ട് കുറേയെണ്ണം.

മാരീചന്‍‍ said...

നേര്‍ക്കു നേരിനോട് ഒരപേക്ഷ,
പ്രസക്തമാണ് താങ്കളുടെ കമന്റുകള്‍. ഖണ്ഡിക തിരിച്ച് എഴുതിയാല്‍ വായിക്കാന്‍ കുറേക്കൂടി സൗകര്യമായിരുന്നു.

ദീര്‍ഘമേറിയ കമന്റ് ഇങ്ങനെ പോസ്റ്റു ചെയ്യുമ്പോള്‍ വായന അല്‍പം ആയാസകരമാകുന്നുണ്ട്. പാരഗ്രാഫ് തിരിച്ച് എഴുതിയാല്‍ വായനക്കാര്‍ താങ്കളോട് നന്ദിയുളളവരായിരിക്കും..

Rajeeve Chelanat said...

മാരീചാ,

നന്ദി.

അഭിവാദ്യങ്ങളോടെ

മാരീചന്‍ said...

രാജീവ് ചേലനാട്ട് സമര്‍പ്പിച്ച ഓണ്‍ലൈന്‍ പെറ്റീഷന്‍ ഇവിടെ . സമാന ചിന്താഗതിക്കാര്‍ ഒപ്പു വെയ്ക്കുക

neerkkuneer said...

mareechan,
i am sorry. bye.

അജ്ഞാതന്‍ said...

മനുഷ്യന്‍ ശരിക്കും ഒരു വിചിത്ര ജീവി തന്നെ

PIN said...

കാലിക പ്രസക്തം...
അഭിന്ദനങ്ങൾ....

Joker said...

മാരിജാ ഇതിന് 916 ന്റെ പരിശുദ്ധി പതിച്ചു തരുന്നു.

ഓ.ടോ.

എനിക്കൊന്നും പറയാനില്ല.ബ്ലോഗിലെ പ്രശസ്തനായ സംഘ് പരിവാര്‍ മാധ്യമ വിശാരദന്‍ പറഞ്ഞ വാക്കുകള്‍ അല്ലാതെ മറ്റൊന്നും ഇല്ല.

=================================
“ കാണാപ്പുറം നകുലന്‍ said...
സംഘസ്വയംസേവകന്മാർക്ക്‌ എന്റെ അഭിവാദ്യങ്ങൾ.

ഈ രാജ്യത്തിന് ഒരു അപകടമുണ്ടാകുന്നു എന്നറിയുമ്പോൾ ചങ്കുപൊട്ടി ഓടിവരാനും സ്വജീവൻ പണയപ്പെടുത്തി രക്ഷാപ്രവർത്തനം നടത്താനും അന്നും ഇന്നും നിങ്ങൾ മാത്രമേയുള്ളൂ. നിങ്ങൾ മാത്രം.

August 19, 2008 9:50 AM
==============================
ഒറീസ്സയില്‍ രക്ഷാ പ്രവര്‍ത്തനം നടത്തുന്ന സംഘാനുഭാവികള്‍ക്ക് നമുക്ക് ഓശാന പാടാം.ബ്ലോഗിലെ സംഘ പരിവാറുകാറ് നീണ്ട തപസ്സിലാണ്.കൂസിസ്റ്റ് വെളിപാടുകളുമായി അവര്‍ പുതിയ ഫാഷിസ്റ്റ് രാമായണവുമായി ഉടനെ അവതരിക്കും.അത് വരെ കാത്തിരിക്കുക.

The Common Man | പ്രാരാബ്ദം said...

അടുത്തു വരുന്ന നിയമസഭ ഇലക്ഷനെ മുന്നില്‍കണ്ട്‌, പ്രതികരിക്കാന്‍ കോണ്‍ഗ്രസ്സ് പോലും മടിച്ചു നില്‍ക്കുന്നു...

'ഞങ്ങളെപ്പോളെ അവരും പീഡിപ്പിക്കപ്പെടുന്നു' എന്ന രീതിയില്‍ ചില സഹോദരങ്ങള്‍ സ്കൂള്‍ അടച്ചു പ്രതിഷേധിക്കുന്നു...

Right to Live എന്നതു നമ്മുടെ ഭരണഘടന പ്രകാരം ഒരു Fundamental Right അല്ല എന്ന വസ്തുത നമ്മെ നോക്കി പല്ലിളിക്കുന്നു.

ഇതിനെല്ലാമിടയില്‍ താങ്കളുടെ വാക്കുകള്‍ ശ്രദ്ധേയമാകുന്നു.

http://pakalintebaakkipathram.blogspot.com/2008/08/blog-post_26.html

Nachiketh said...

മാരീചാ.......ശക്തമായിരിയ്കുന്നു

കേന്ദ്രം ഭരിയ്കുന്ന ആ ----------(ഡാഷ്) മക്കളുടെ തീരുമാനങ്ങള്‍ നിലപാടുകള്‍ അസഹനീയം , സംഘപരിവാരം കഴിയുന്നതെന്തും ചെയ്യട്ടെ അടുത്ത തിരഞ്ഞെടുപ്പില്‍ നാലു വേട്ട് കൂടുതല്‍ ഉറപ്പിയ്കാന്‍ ശ്രമിയ്കുന്ന അവരുടെ ഈ മൌനം മനസ്സില്‍ വല്ലാത്ത ഭയം ഉണ്ടാക്കുന്നു, കക്ഷി ജാതി രാഷ്ട്രീയം ഏങ്ങോട്ടുള്ള യാത്രയ്ക്കാണ്...........

kaalidaasan said...

ബിജെപിയുടെ നേതൃത്വത്തിലുള്ള ആറുവര്‍ഷത്തെ കേന്ദ്രഭരണത്തിന്റെ തിക്തഫലം അനുഭവിച്ചറിഞ്ഞവരാണ് ഇന്ത്യയിലെ മതന്യൂനപക്ഷവിഭാഗങ്ങള്‍.

നേര്‍ക്കു നേര്‍ ,

മത ന്യൂനപക്ഷങ്ങള്‍ എന്ന പ്രസ്ഥാവന തെറ്റാണ്. എല്ലാ മത ന്യൂനപക്ഷങ്ങളെയും സംഘപരിവാര്‍ എതിര്‍ക്കുന്നില്ല. അവരുടെ വിരോധം മുസ്ലിം ങ്ങളോടും ക്രിസ്ത്യാനികളോടുമാണ്.

ബി ജെ പിയെ മത്രം കുറ്റപ്പെടുത്തിയിട്ടും കര്യമില്ല. ഗുജറാത്ത് നരഹത്യ നടക്കുമ്പോള്‍ കോണ്‍ഗ്രസ് പറഞ്ഞതെന്തായിരുന്നു? മോഡിയെ മരണത്തിന്റെ കച്ചവടക്കാരന്‍ എന്നു വിളിച്ച സോണീയ തന്നല്ലേ ഇന്ന് അധികാരത്തില്‍ ? എന്നിട്ടെന്താ വ്യത്യാസം ?കോണ്‍ഗ്രസ് സംഘപരിവാറിന്റെ അജണ്ട പിന്തുടരുന്നത് കൊണ്ടാണ്, ഇതൊക്കെ സംഭവിക്കുന്നത്. ആര്‍‍ ച്ച് ബിഷപ് ചീനത്ത് പറഞ്ഞ പോലെ ഹിന്ദു വോട്ടുകളാണ്, കോണ്‍ഗ്രസിനും വേണ്ടത്.

കേരളത്തില്‍ ജാതീയ രാഷ്ട്രീയത്തിനു വേരോടാത്തത് ഇടതുപക്ഷത്തിന്റെ സ്വാധീനം കൊണ്ടാണ് എന്നുപറയുന്നത് സത്യത്തെ വളച്ചൊടിക്കലായിരിക്കും. ഇതിന് അനേകം ഘടകങ്ങള്‍ ഉണ്ട് - അതില്‍ ഒന്നു മാത്രമാണ് ഇടതുപക്ഷം. മൊത്തത്തില്‍ പിതൃത്വം ഏറ്റെടുക്കാന്‍ ശ്രമിക്കരുത്.

അല്ല സിമി, സത്യത്തെ വളച്ചൊടിക്കലല്ല.

ജാതി രാഷ്ട്രീയം കേരളത്തിലുണ്ട്. അതു കളിക്കുന്നത് മുസ്ലിം ലീഗും കേരളാ കോണ്‍ഗ്രസുമാണ്. കേരള കോണ്‍ഗ്രസുകളുടെ പിന്നില്‍ ക്രൈസ്തവ സഭ സജീവമായിട്ടുണ്ട്. ജാതി രാഷ്ട്രീയം കളിക്കുന്നതുകൊണ്ടാണ്, സഭയുമായി അടുക്കാന്‍ അദ്വാനി ശ്രമിക്കുന്നതും , ബിഷപ്പുമാര്‍ അദ്വാനിയെ എഴുന്നള്ളിച്ചു നടക്കുന്നതും . അതു കമ്യൂണിസ്റ്റുവിരോധം എന്ന അജണ്ടയുടെ ഭാഗമാണ്.

സംഘ പരിവാറിന്റെ ജാതി രാഷ്ട്രീയത്തോളം അപകടകരമല്ല ഈ ജാതിരാഷ്ട്രീയങ്ങള്‍ . കേരളത്തിലെ ജാതിരാഷ്ട്രീയക്കാര്‍ ഒരിക്കലും ഗുജറാത്തോ ഒറീസ്സയോ പോലുള്ള കളികള്‍ കളിക്കില്ല. സംഘപരിവാര്‍ രാഷ്ട്രീയം ഇവിടെ വേരോടത്തതിന്റെ കാരണം ഇടതുപക്ഷം തന്നെയാണ്. അതിനു വേറെ കാരണങ്ങള്‍ ഇല്ല.

മൂര്‍ത്തി said...

Hindutva's violent history എന്ന ലേഖനം ഇവിടെ