Saturday, June 20, 2009

തല പരിശോധിച്ചപ്പോള്‍ തെളിഞ്ഞത്....!!

ലാവലിന്‍ കേസില്‍ പിണറായി വിജയനെതിരെ ഏറ്റവും വ്യാപകമായി വിറ്റഴിച്ച മൊഴിയുടെ ഉടമയാണ് പഴയ ധനകാര്യ പ്രിന്‍സിപ്പല്‍ സെക്രട്ടറി എസ് വരദാചാരി. ഈ കേസില്‍ വരദാചാരി നല്‍കിയ മൊഴിയാണ് വിഎസ് അച്യുതാനന്ദന്‍ പിണറായി വിജയനെതിരെ സിപിഎം പോളിറ്റ് ബ്യൂറോയ്ക്ക് നല്‍കിയ ഏറ്റവും ബലപ്പെട്ട രേഖയെന്ന് മലയാള മനോരമ റിപ്പോര്‍ട്ട് ചെയ്തത് ഇക്കഴിഞ്ഞ മാര്‍ച്ച് 31ന്. കത്തിക്കയറുന്ന ലാവലിന്‍ വിവാദത്തിന്റെ പശ്ചാത്തലത്തില്‍ സിപിഎം പോളിറ്റ് ബ്യൂറോ ചേരുന്നതിന്റെ തൊട്ടു തലേന്നു തന്നെ വരദാചാരിയുടേത് കളളമൊഴിയാണെന്ന വാര്‍ത്ത വന്നതിനൊരു കാവ്യനീതിയുണ്ട്. പാര്‍ട്ടിയുടെ മുഖപത്രം തന്നെ വിമര്‍ശിക്കുന്നുവെന്ന് പൊളിറ്റ് ബ്യൂറോയില്‍ അച്യുതാനന്ദന്‍ പരാതി പറയുമ്പോള്‍, മറ്റൊരു പിബി അംഗത്തിനു നേരെ ഉയര്‍ന്ന ഏറ്റവും വലിയ നുണ പൊളിച്ചടുക്കുന്ന വാര്‍ത്തയില്‍ അച്ചടി മഷി പുരട്ടുന്ന തിരക്കിലായിരുന്നു, ദേശാഭിമാനിയുടെ പ്രവര്‍ത്തകര്‍.

വാര്‍ദ്ധക്യം ജരാനരകള്‍ വീഴ്ത്തിയ വിശ്രമജീവിതത്തിന്റെ ചക്രവാളത്തില്‍ അസ്തമയത്തിനു വേണ്ടി ഊഴം കാത്തുകിടക്കുന്ന വരദാചാരിയുടെ തല ഇനിയൊരു പരിശോധനയ്ക്കും വിധേയമാക്കേണ്ടതില്ല. രാഷ്ട്രീയപ്പകയില്‍ നിന്നാണ് ലാവലിന്‍ കേസ് മുളച്ചു പൊന്തിയതെന്ന് അറിയാത്തവര്‍ വിരളം. പകയുടെയും വൈര്യനിരാതനബുദ്ധിയുടെയും അതിവിദഗ്ധമായ ചേരുവയില്‍ തിരിച്ചറിയാനാവാത്ത വിധം വരദാചാരിയുടെ മൊഴി അലിഞ്ഞു ചേര്‍ന്നതില്‍ അത്ഭുതമൊന്നും വേണ്ട. ചേരേണ്ടത്, ചേരേണ്ടതിനോട് തന്നെയാണ് ചേര്‍ന്നത്.

ഒരു കളളമൊഴി പിടിക്കപ്പെട്ടു എന്നതുമാത്രമല്ല വരദാചാരി പ്രശ്നത്തിലുളളത്. സിബിഐ എന്ന അന്വേഷണ ഏജന്‍സിയുടെ ലക്ഷ്യം, ഉത്തരവാദിത്തബോധം, സമര്‍പ്പണസന്നദ്ധത, നിഷ്പക്ഷത, എന്നിവയൊക്കെ ചോദ്യം ചെയ്യുന്നതാണ് വരദാചാരിയുടെ മൊഴിയ്ക്ക് സംഭവിച്ച ദയനീയ അന്ത്യം. ഉന്നയിക്കപ്പെടുന്ന ആരോപണവും അതിനുളള മറുപടിയും നിശിതമായ അന്വേഷണ ബുദ്ധി കൊണ്ട് കീറിമുറിച്ച് മിന്നല്‍പ്പിണര്‍ പോലെ കത്തിജ്വലിക്കുന്ന വസ്തുത കണ്ടെത്തുമെന്ന പ്രതീക്ഷയാണ് സിബിഐയില്‍ അര്‍പ്പിതമായിരിക്കുന്നത്. രാഷ്ട്രീയ വിടുവേല കൊണ്ട് പലതവണ സ്വന്തം വിശ്വാസ്യത സിബിഐ നശിപ്പിച്ചിട്ടുണ്ടെങ്കിലും എന്തൊക്കെയോ അത്ഭുതങ്ങള്‍ ഇവരിലിനിയും ബാക്കിയുണ്ട് എന്ന് സമൂഹത്തില്‍ ഒട്ടേറെപ്പേര്‍ പ്രത്യാശിക്കുന്നുണ്ട്.

അന്വേഷണ റിപ്പോര്‍ട്ടിലെ പേജ് 194ല്‍ ഒമ്പതാം പ്രതിയുടെ പങ്ക് എന്ന തലക്കെട്ടിലാണ് വരദാചാരിയുടെ മൊഴിയെക്കുറിച്ച് സിബിഐ പരാമര്‍ശിക്കുന്നത്. ലാവലിന്‍ കരാറിലെ ക്രമക്കേടുകള്‍ ചൂണ്ടിക്കാട്ടിയതിന് വരദാചാരിയുടെ തല പരിശോധിപ്പിക്കണമെന്ന് പിണറായി വിജയന്‍ ഫയലില്‍ കുറിപ്പെഴുതിയെന്നും ആ കുറിപ്പ് താന്‍ കണ്ടുവെന്നുമൊക്കെയാണ് വരദാചാരി സിബിഐയോട് വെളിപ്പെടുത്തിയത്.

സഹകരണവകുപ്പുമായി ബന്ധപ്പെട്ട വിഷയത്തിലാണ് താന്‍ ഈ പരാമര്‍ശം നടത്തിയതെന്ന പിണറായി വിജയന്റെ മറുപടി റിപ്പോര്‍ട്ടിന്റെ 203-ാം പേജിലുണ്ട്. .

ഇതുസംബന്ധിച്ച ഫയല്‍ കാണാനില്ലാത്തതിനാല്‍, മുതിര്‍ന്ന ഐഎഎസ് ഉദ്യോഗസ്ഥന്റെ മൊഴി വിശ്വാസത്തിലെടുക്കുന്നുവെന്ന സിബിഐയുടെ നിഗമനം പേജ് 213ല്‍.

ഓര്‍ക്കുക. പിണറായി വിജയന്‍ ആരോപണം നിഷേധിച്ചിട്ടില്ല. വരദാചാരിയുടെ തല പരിശോധിക്കണമെന്ന് ഫയലിലെഴുതിയ കാര്യം അദ്ദേഹം സമ്മതിച്ചു. പക്ഷേ, അത് വരദാചാരി പറയുന്ന ഫയലിലല്ലെന്ന വെളിപ്പെടുത്തലും ആ മൊഴിയിലുണ്ട്. സിബിഐയെ സംബന്ധിച്ചടത്തോളം അതൊരു പുതിയ വിവരം തന്നെയാണ്.

ഒരു തരത്തിലും പൊരുത്തപ്പെടുന്ന ഈ വാദങ്ങളല്ല ഇവ. ഈ രണ്ടുമൊഴിയും ഒരിക്കലും ഒരേസമയം സത്യമാകില്ല. യഥാര്‍ത്ഥത്തില്‍ ഒരു സമ്മതവും ഒരു വെളിപ്പെടുത്തലുമാണ് പിണറായി വിജയന്‍ സിബിഐയ്ക്ക് നല്‍കിയത്. ആ വെളിപ്പെടുത്തലോടെ, സഹകരണ വകുപ്പുമായി ബന്ധപ്പെട്ട വിഷയത്തില്‍ ഇത്തരമൊരു പരാമര്‍ശം നടത്താന്‍ മന്ത്രിയെ പ്രേരിപ്പിക്കും വിധം ഏതെങ്കിലുമൊരു വകുപ്പുതല തര്‍ക്കം നിലനിന്നിരുന്നോയെന്ന് അന്വേഷിക്കാനുളള ബാധ്യത സിബിഐയ്ക്കുണ്ടായിരുന്നു. രണ്ടിലൊരു മൊഴിയെ തള്ളുകയും കൊള്ളുകയും ചെയ്യുന്നതിന് മുമ്പ്, മൊഴികളുടെ സത്യം സിബിഐ അന്വേഷിക്കുക തന്നെ വേണം. ആരുടെ വാദമാണ് ശരിയെന്ന് അന്വേഷിച്ചില്ലെന്നതോ പോകട്ടെ, ആരോപണത്തെ മുഖവിലയ്ക്കെടുക്കാനും മറുപടിയെ പാടെ തളളാനും കൂടി സിബിഐ തയ്യാറായി.

സാമാന്യനീതിയുടെ പ്രകടമായ ലംഘനം ഇവിടെയുണ്ട്. ഒരന്വേഷണവും നടത്താതെ പിണറായി വിജയന്റെ വാദം സിബിഐ തളളിയതില്‍ നിന്നു തന്നെ കേസിന്റെ രാഷ്ട്രീയ മുന വ്യക്തമാണ്. ഐഎഎസ് ബ്രാഹ്മണ്യത്തിന്റെ വാദം ഒരന്വേഷണവും ആവശ്യമില്ലാത്തവിധം സ്വീകരിക്കാനും മുണ്ടയില്‍ കോരനെന്ന ചെത്തുകാരന്റെ മകനെ മുഖവിലയ്ക്കെടുക്കാതെ തളളാനും ഏത് നിയമവ്യവസ്ഥയാണ് സിബിഐയ്ക്ക് പ്രാപ്തി നല്കിയതെന്ന ചോദ്യം വനരോദനമായിക്കൂടാ..

മുതിര്‍ന്ന ഐഎഎസ് ഉദ്യോഗസ്ഥനും മുന്‍മന്ത്രിയും സിബിഐയുടെ മുന്നില്‍ മൊഴി നല്‍കുമ്പോള്‍, മുതിര്‍ന്ന ഐഎഎസ് ഉദ്യോഗസ്ഥന്റെ മൊഴി സ്വീകരിക്കണമെന്നും മുന്‍മന്ത്രിയുടേത് തളളണമെന്നുമുളള ഉത്തരവ് ആരുടേയാണെന്ന് നമുക്കറിയില്ല. ഇന്ത്യന്‍ എവിഡന്‍സ് ആക്ടില്‍ അങ്ങനെ വല്ല വകുപ്പോ ചട്ടമോ ഉണ്ടാകാനും വഴിയില്ല. സാമാന്യബോധത്തിനും നിയമസദാചാരത്തിനും നിരക്കാത്ത ഇത്തരം അയുക്തികള്‍ ഭയലേശമെന്യേ, എഴുതിപ്പിടിപ്പിക്കാന്‍ സിബിഐ ഉദ്യോഗസ്ഥന്മാര്‍ കാണിച്ച ധൈര്യത്തെ ധാര്‍ഷ്ട്യമെന്നോ അഹങ്കാരമെന്നോ വിലയിരുത്താന്‍ ആര്‍ക്കെങ്കിലും നാവു പൊങ്ങുമോ ആവോ? ഓ, മറന്നു പോയി.. ധാര്‍ഷ്ട്യമെന്ന വാക്കിന് നമ്മുടെ രാഷ്ട്രീയ നിഘണ്ടുവില്‍ ഇപ്പോഴത്തെ അര്‍ത്ഥം, പിണറായിയുടെ പെരുമാറ്റം എന്നാണല്ലോ.

തല പരിശോധിക്കല്‍ വിവാദത്തില്‍ ആരു പറയുന്നതാണ് ശരിയെന്ന് അറിയാന്‍ സെക്രട്ടേറിയറ്റിലെ ഫയല്‍കൂമ്പാരത്തിലെ ഒട്ടകപ്പക്ഷികളാകേണ്ട ബദ്ധപ്പാടൊന്നുമില്ല സിബിഐയ്ക്ക്. മൂന്നേ മൂന്നു ദിവസത്തെ പത്രം ചികഞ്ഞാല്‍ മതിയായിരുന്നു. 1997 സെപ്തംബര്‍ 11ന് കേരള കൗമുദിയും 12ന് മനോരമയും 13ന് മാതൃഭൂമിയും തല പരിശോധിക്കല്‍ വിവാദത്തെക്കുറിച്ച് ശ്രദ്ധേയമായ റിപ്പോര്‍ട്ടുകള്‍ നല്‍കിയിട്ടുണ്ട്. ലാവലിന്‍ കരാറിനെക്കുറിച്ചുളള എതിര്‍പ്പുകള്‍ രേഖപ്പെടുത്തിയതിനല്ല, മറിച്ച് പഞ്ചായത്തുകള്‍ക്ക് അനുവദിച്ച ഫണ്ട് ട്രഷറിയില്‍ നിക്ഷേപിക്കുന്നതിന് പകരം പ്രാഥമിക സഹകരണ സ്ഥാപനങ്ങളില്‍ നിക്ഷേപിക്കണമെന്ന സഹകരണ വകുപ്പിന്റെ നിര്‍ദ്ദേശത്തിന്മേല്‍ അരങ്ങേറിയ തര്‍ക്കത്തിലാണ് തല പരിശോധിക്കല്‍ പരാമര്‍ശം ഉണ്ടായത്.

വാര്‍ത്ത ആദ്യം റിപ്പോര്‍ട്ട് ചെയ്ത കേരള കൗമുദിയില്‍ നിന്ന്... ധനകാര്യ സെക്രട്ടറിയ്ക്കെതിരെ സഹകരണ മന്ത്രി എന്ന തലക്കെട്ടിലെ വാര്‍ത്ത ഇങ്ങനെ പറയുന്നു.

ധനകാര്യ വകുപ്പു പ്രിന്‍സിപ്പല്‍ സെക്രട്ടറി എസ് വരദാചാരി അധികാര പരിധി വിട്ടു പ്രവര്‍ത്തിക്കുകയാണെന്നും അദ്ദേഹത്തെ നിലയ്ക്കു നിര്‍ത്താന്‍ ആവശ്യമായ നടപടികള്‍ സ്വീകരിക്കണമെന്നും സഹകരണ മന്ത്രി പിണറായി വിജയന്‍ മുഖ്യമന്ത്രിയോട് ആവശ്യപ്പെട്ടു.

ഒരു മനോരോഗ വിദഗ്ധനെക്കൊണ്ട് വരദാചാരിയെ പരിശോധിപ്പിക്കാന്‍ വേണ്ടത് ചെയ്യണമെന്നും മന്ത്രി പിണറായി വിജയന്‍ ആവശ്യപ്പെട്ടിട്ടുണ്ട്. സെപ്തംബര്‍ എട്ടിന് മുഖ്യമന്ത്രിക്ക് നല്‍കിയ ഒരു നോട്ടിലാണ് ധനകാര്യ സെക്രട്ടറിയ്ക്കെതിരെ മന്ത്രി ആഞ്ഞടിച്ചത്.

ഫയലില്‍ എഴുതിയ കുറിപ്പല്ല, മറിച്ച് വരദാചാരിയുടെ തല പരിശോധിപ്പിക്കണമെന്ന് രേഖാമൂലം മുഖ്യമന്ത്രിയോട് ആവശ്യപ്പെടുകയായിരുന്നു പിണറായി വിജയന്‍. ഈ നോട്ടെങ്ങനെ ലാവലിന്‍ ഫയലിലുണ്ടാകും. തല പരിശോധിക്കല്‍ പരാമര്‍ശമുളള ഫയല്‍ കണ്ടുപിടിക്കാന്‍, വിജിലന്‍സും സിബിഐയുമല്ല സാക്ഷാല്‍, ഇന്റര്‍പോള്‍ നേരിട്ടെത്തിയാല്‍ പോലും നടക്കില്ലെന്ന് ഉറപ്പല്ലേ. സഹകരണ വകുപ്പില്‍ ഒരു പക്ഷേ ഈ കത്തിന്റെ ഓഫീസ് കോപ്പി കണ്ടേയ്ക്കാം. പക്ഷേ, ഓര്‍ക്കുക, പിണറായി വിജയന്‍ സ്ഥാനമൊഴിഞ്ഞതിനു ശേഷം വകുപ്പു ഭരിച്ചത് സഖാവ് ശര്‍മ്മയാണ്.

ഇനി സെപ്തംബര്‍ 12ലെ മനോരമ നോക്കാം. ധനസെക്രട്ടറിയ്ക്ക് എതിരേ മന്ത്രിയുടെ പരാമര്‍ശം വിവാദമായി എന്ന് തലക്കെട്ട്. വാര്‍ത്തയുടെ ആദ്യ ഖണ്ഡികകള്‍ വായിക്കുക..

ധനസെക്രട്ടറി എസ് വരദാചാരിയ്ക്കെതിരെ മന്ത്രി പിണറായി വിജയന്റെ പരാമര്‍ശം വിവാദമായി.

പഞ്ചായത്തുകള്‍ക്ക് അനുവദിച്ച പണം ട്രഷറിയില്‍ നിക്ഷേപിക്കാതെ അതതു പഞ്ചായത്തിലെ ഏതെങ്കിലും പ്രാഥമിക സഹകരണ സംഘത്തില്‍ നിക്ഷേപിക്കണമെന്ന സഹകരണ മന്ത്രിയുടെ നിര്‍ദ്ദേശത്തെ ധനസെക്രട്ടറി എതിര്‍ത്തിരുന്നു. അധികാരപരിധി വിട്ടു പ്രവര്‍ത്തിക്കുന്ന സെക്രട്ടറിയെ നിലയ്ക്കു നിര്‍ത്തണമെന്നും മനോരോഗ വിദഗ്ധനെക്കൊണ്ട് പരിശോധിപ്പിക്കണമെന്നും മന്ത്രി പിണറായി വിജയന്‍ മുഖ്യമന്ത്രിക്ക് കത്തെഴുതിയത് ഐഎഎസ് വൃത്തങ്ങളിലും സംഘടനാ ഭേദമില്ലാതെ ധനകാര്യ സെക്രട്ടേറിയറ്റിലും പ്രതിഷേധമുയര്‍ത്തി.

ഐഎഎസ് അധികാരത്തെ കമ്മ്യൂണിസ്റ്റുകാര്‍ ചോദ്യം ചെയ്യുന്നതിനെ പ്രോത്സാഹിപ്പിക്കുന്നതല്ല പത്രത്തിന്റെ എഡിറ്റോറിയല്‍ നയം. പക്ഷേ, ഇവിടെ മറ്റൊരു ഭാഷ്യം നല്‍കാന്‍ ആ പത്രം നിര്‍ബന്ധിതമായത് അന്ന് മന്ത്രിയെന്ന നിലയില്‍ പിണറായി വിജയനുണ്ടായിരുന്ന സല്‍പ്പേരില്‍ ചില മനോരമക്കാരും വീണു പോയതു കൊണ്ടാകാം, അടുത്ത ഖണ്ഡികയിലെ ആദ്യവാചകം ഇങ്ങനെ...

എന്നാല്‍ ട്രഷറിയിലെ പണമെടുത്ത് സഹകരണ സംഘത്തില്‍ നിക്ഷേപിക്കണമെന്ന നിര്‍ദ്ദേശത്തെ എതിര്‍ത്തതല്ല, മറിച്ച് ഫയലില്‍ സഹകരണ വകുപ്പിന്റെ നിര്‍ദ്ദേശം അനുചിതവും നിരുത്തരവാദപരവും എന്ന് സെക്രട്ടറി എഴുതിയതാണ് മന്ത്രിയെ ചൊടിപ്പിച്ചതെന്നും ഭാഷ്യമുണ്ട്.

അപ്പോള്‍ സംഗതി അതാണ്. തന്റെ വകുപ്പിന്റെ നയപരമായ നിര്‍ദ്ദേശത്തെ പുച്ഛിച്ചതിനാണ് പിണറായി വിജയന്‍ വരദാചാരിയെ നിശിതമായി വിമര്‍ശിച്ചത്. നിര്‍ദ്ദേശത്തിന്റെ അയുക്തിയോ അപ്രായോഗികതയോ കാര്യകാരണ സഹിതം ചൂണ്ടിക്കാട്ടുന്നതിനു പകരം, ഫയലില്‍ കടുംവെട്ടു നടത്തിയ ബ്യൂറോക്രാറ്റിനെതിരെ വ്യവസ്ഥാപിത മാര്‍ഗത്തിലൂടെ പിണറായി പ്രതികരിച്ചു. ഭരണത്തലവനെ തന്റെ പ്രതിഷേധം രേഖാമൂലം അറിയിച്ചു. മുഖ്യമന്ത്രിക്ക് മന്ത്രിമാര്‍ അയയ്ക്കുന്ന കത്തില്‍ നിന്ന് ഒഴിവാക്കേണ്ട പരാമര്‍ശങ്ങളുടെ പട്ടികയൊന്നും ഇതുവരെ ഉണ്ടാക്കിയിട്ടില്ല. പറയാനുളള കാര്യം പറയേണ്ട വിധത്തില്‍ തന്നെ പിണറായി മുഖ്യമന്ത്രിയുടെ ശ്രദ്ധയില്‍ പെടുത്തി.

വരദാചാരിയുടെ കാബിനില്‍ കടന്നു ചെന്ന് തെറിവിളിക്കുകയോ കരണത്തടിക്കുകയോ അല്ല ഉണ്ടായത്. ജി സുധാകരന്‍ ഇ കെ ഭരത് ഭൂഷണെ കൈകാര്യം ചെയ്ത രീതിയ്ക്ക് പേറ്റെന്റെടുത്തുമില്ല, പിണറായി വിജയന്‍. പൊതുസമ്മേളനത്തില്‍ വരദാചാരിയ്ക്കെതിരെ ആക്രോശിച്ചില്ല. പന്തം കൊളുത്തി പ്രകടനം നടത്താന്‍ പാര്‍ട്ടിയുടെ യുവജനസംഘടനകളോട് ആഹ്വാനവും ചെയ്തില്ല. വരദാചാരിയെ വീടു കേറി തല്ലാന്‍ ക്വട്ടേഷന്‍ സംഘത്തെയും നിയോഗിച്ചില്ല.

നയപരമായ വിഷയത്തെ ധിക്കാരപൂര്‍വം അവഹേളിച്ച ഒരു ഐഎഎസ് ഹുങ്കിനോടുളള അനിഷ്ടവും ശക്തമായ പ്രതിഷേധവും തന്റെ ഭരണത്തലവനെ അറിയിക്കുക മാത്രമാണ് പിണറായി വിജയന്‍ ചെയ്തത്. അക്കാലത്തെ പത്ര റിപ്പോര്‍ട്ടുകള്‍ തന്നെയാണ് അതിന് സാക്ഷി.

രണ്ടുദിവസം പ്രശ്നത്തില്‍ ഇടപെടാതിരുന്ന മാതൃഭൂമി സെപ്തംബര്‍ 13ന് വരദാചാരിയുടെ പ്രതികരണം നല്‍കി തങ്ങളുടെ ഭാഗം കൊഴുപ്പിച്ചു. സഹ. മന്ത്രിയുടെ ആക്ഷേപം, സെക്രട്ടറി ഒഴിഞ്ഞു മാറുന്നു എന്ന തലക്കെട്ടിലെ വാര്‍ത്തയുടെ വാചകങ്ങള്‍ പറഞ്ഞു കൊടുത്തത് എഴുത്തച്ഛന്റെ പൈങ്കിളിയാണോ എന്ന് നമുക്ക് സംശയം തോന്നിയേക്കാം. വാര്‍ത്ത ഇങ്ങനെയാണ് തുടങ്ങുന്നത്..

എസ് വരദാചാരി വിവാദത്തിനില്ല. സഹകരണ മന്ത്രി പിണറായി വിജയന്‍ തന്നെക്കുറിച്ച് മുഖ്യമന്ത്രിക്ക് അയച്ച കത്തിലെ പരാമര്‍ശം എന്തായാലും ശരി, അതേപ്പറ്റി അഭിപ്രായം പറയാനില്ലെന്നാണ് ധനസെക്രട്ടറി വരദാചാരിയുടെ നിലപാട്.

"ഒരഭിപ്രായവും പറയുന്നില്ല"- പിണറായിയുടെ പരാമര്‍ശങ്ങള്‍ സൃഷ്ടിച്ച കോലാഹലങ്ങളെക്കുറിച്ച് ചോദിച്ചപ്പോള്‍ വരദാചാരി സൗമ്യമായി പറഞ്ഞൊഴിഞ്ഞു..

എന്തൊരു സൗമ്യന്‍... തനിക്കൊന്നും പറയാനില്ല, അവസരം വരുമ്പോള്‍ ചെയ്തു കാണിക്കാം എന്നായിരുന്നു വരദവ്യാഘ്രത്തിന്റെ മുരള്‍ച്ചയെന്ന് പാവം മാതൃഭൂമി റിപ്പോര്‍ട്ടര്‍ അന്നറിഞ്ഞു കാണുമോ ആവോ? ഐഎഎസ് പ്രൗഢിയ്ക്കു മുന്നില്‍ അക്ഷരങ്ങളും പേനയും ഇങ്ങനെ കുനിയുന്നെങ്കില്‍ അതെഴുതിയ റിപ്പോര്‍ട്ടര്‍ വരദാചാരിയ്ക്കു മുന്നില്‍ മുട്ടിലിഴയുന്ന രംഗം ഒന്നോര്‍ത്തു നോക്കൂ.

മന്ത്രിയും മുഖ്യമന്ത്രിയും തമ്മിലുളള ഒരു കത്തിടപാടിലെ പരാമര്‍ശം മാത്രമാണ്, തല പരിശോധിക്കല്‍ പ്രയോഗം. കോപ്പി ടു എന്ന് രേഖപ്പെടുത്തി ആ കത്ത് വരദാചാരിയ്ക്കോ ധനകാര്യ വകുപ്പിനോ പിണറായി വിജയന്‍ നല്‍കിയിട്ടുണ്ടോയെന്ന് നമുക്കറിയില്ല. അതു കൊടുത്താലും കൊടുത്ത കാര്യം പുറത്തറിഞ്ഞാലും ഈ പരാമര്‍ശവും ലാവലിന്‍ കരാറുമായി ബന്ധമൊന്നുമില്ല.

മുഖ്യമന്ത്രിയുടെ ഓഫീസില്‍ നിന്നോ, വരദാചാരിയുടെ കൈയില്‍ നിന്നോ ഈ കത്ത് സിബിഐയ്ക്ക് ലഭിക്കാത്തതിന് ഒറ്റക്കാരണമേയുളളൂ. കത്ത് സിബിഐയെ ഏല്‍പ്പിച്ചാല്‍ കളളി പൊളിയും. അതുകൊണ്ട് കത്ത് പൂഴ്ത്തി വെച്ച്, മുതിര്‍ന്ന ഐഎഎസ് ഉദ്യോഗസ്ഥന്റെ മൊഴിയെ വിശ്വസിക്കേണ്ട ബാധ്യത വരദാചാരി സിബിഐയെ സന്തോഷപൂര്‍വം ഏല്‍പ്പിച്ചു. താനയച്ച എല്ലാ കത്തിന്റെയും കോപ്പി സൂക്ഷിക്കുന്ന പതിവ് പിണറായി വിജയനല്ല ഒരു മന്ത്രിക്കും ഉണ്ടാവുകയുമില്ല.

അതിന്റെ ഫലമാണ് ലാവലിന്‍ കേസിന്റെ അന്വേഷണ റിപ്പോര്‍ട്ടിലെ പേജ് 213ല്‍ സിബിഐ നടത്തിയ നീതിനിഷേധം നുരയുന്ന നിഗമനം.

പരസ്പര വിരുദ്ധമായ രണ്ടുമൊഴികളില്‍ ഒന്ന് സ്വീകരിക്കാനും മറ്റേത് തളളാനും സിബിഐ കൈക്കൊണ്ട മാനദണ്ഡത്തിലെ ന്യായാന്യായങ്ങള്‍ പൊതു സമൂഹം വിചാരണ ചെയ്യേണ്ടതുണ്ട്. ലാവലിന്‍ കേസിനെ രാഷ്ട്രീയമായി നേരിടാനുറച്ച സിപിഎം പൊതുസമൂഹത്തോട് ഏറ്റവും ഉച്ചത്തില്‍ പറയേണ്ടതാണ് ഇക്കാര്യം. പക്ഷേ, വരദാചാരിയുടെ മൊഴി നല്‍കുന്ന മുന്നറിയിപ്പിന്റെ ഭീകരത അവിടെ നില്‍ക്കുന്നില്ല.

മേലുദ്ധരിച്ച കേരള കൗമുദി റിപ്പോര്‍ട്ട് പ്രകാരം വിവാദപരാമര്‍ശമുളള കത്ത് പിണറായി വിജയന്‍ മുഖ്യമന്ത്രിക്ക് നല്‍കുന്നത് 1997 സെപ്തംബര്‍ എട്ടിനാണ്. 2007ലാണ് സിബിഐ വരദാചാരിയെ ചോദ്യം ചെയ്തത്. തനിക്കെതിരെ മുഖ്യമന്ത്രിയോട് പിണറായി വിജയന്‍ നടത്തിയ പരാമര്‍ശത്തിലുളള പക പത്തു വര്‍ഷമായി കെടാതെ സൂക്ഷിക്കുകയായിരുന്നു വരദാചാരിയെന്ന ഐഎഎസ് സൗമ്യന്‍. മറ്റൊരു വകുപ്പില്‍ നിന്നുവരുന്ന നയപരമായ നിര്‍ദ്ദേശങ്ങളെപ്പോലും നിഷേധാത്മകമായ ശൈലിയില്‍ സമീപിക്കുന്ന വരദാചാരിയുടെ തല എന്തെന്തു പൊല്ലാപ്പുകളാണ് സെക്രട്ടേറിയറ്റിലുണ്ടാക്കിയിട്ടുളളതെന്ന് അന്വേഷിക്കാന്‍ ഏത് ഏജന്‍സിയെ ഏല്‍പ്പിക്കേണ്ടി വരും?

പച്ചക്കളളം പത്രങ്ങളിലൂടെ പ്രചരിപ്പിച്ച് ലാവലിന്‍ കേസിലെ സാക്ഷി വേഷം ചോദിച്ചു വാങ്ങുകയായിരുന്നു വരദാചാരി. രേഖാമൂലം തനിക്കൊരിക്കലും തെളിയിക്കാന്‍ കഴിയാത്ത പരാമര്‍ശം പത്രങ്ങളിലൂടെ ആവര്‍ത്തിച്ച് ഉന്നയിച്ച് അദ്ദേഹം തന്റെ മൊഴിക്ക് വിശ്വാസ്യത സൃഷ്ടിച്ചെടുത്തു. രാഷ്ട്രീയ ലാക്കോടെ അന്വേഷണത്തിനിറങ്ങിയ സിബിഐയിലെ ശിക്കാരി ശംഭുമാര്‍ക്ക് ഒന്നാന്തരം വിരുന്നായി വരദാചാരിയുടെ തല പരിശോധിക്കല്‍ മൊഴി.

വിമര്‍ശനമോ പ്രതിഷേധമോ തങ്ങള്‍ വെച്ചുപൊറുപ്പിക്കില്ലെന്ന ഐഎഎസ് ഹുങ്കിന്റെ പ്രതിഫലനം കൂടിയാണ് പകയില്‍ ചുട്ടെടുത്ത വരദാചാരിയുടെ സാക്ഷിമൊഴി. ആ മൊഴിയില്‍ നിന്ന് പേടിപ്പെടുത്തും വിധം പ്രതിധ്വനിക്കുന്നത്, ജനപ്രതിനിധികളുടെ രാഷ്ട്രീയ നയങ്ങള്‍ക്ക് പുല്ലുവിലപോലും നല്‍കാന്‍ തങ്ങള്‍ തയ്യാറല്ലെന്ന ബ്യൂറോക്രാറ്റുകളുടെ വെല്ലുവിളിയാണ്. ജനാധിപത്യ കേരളത്തിന് ഒരിക്കലും മറക്കാനോ പൊറുക്കാനോ കഴിയാത്തതാണ് ലാവലിന്‍ കേസിലെ വരദാചാരി എപ്പിസോഡ്.

വരദാചാരി മാധ്യമങ്ങളെ പൊട്ടന്മാരാക്കിയോ അതോ വരദാചാരിയും മാധ്യമങ്ങളും കൂടി ജനങ്ങളെ പൊട്ടന്മാരാക്കിയോ എന്നതാണ് ഈ എപ്പിസോഡിലെ അവശേഷിക്കുന്ന ചോദ്യം. 1997 സെപ്തംബര്‍ മാസത്തില്‍ തങ്ങള്‍ ആഘോഷിച്ചതാണ് ഈ വിവാദമെന്ന് സൂചന നല്‍കാന്‍ ഒരു പത്രവും തയ്യാറായില്ലെന്ന കാര്യം ഓര്‍ക്കുക. തങ്ങള്‍ തന്നെ റിപ്പോര്‍ട്ടു ചെയ്ത വാര്‍ത്തകളെപ്പോലും മാനിക്കാന്‍ തയ്യാറല്ലെന്ന മാധ്യമങ്ങളുടെ വെല്ലുവിളി അവഗണിക്കാവുന്നതല്ല.

ലാവലിന്‍ : മുഖ്യമന്ത്രിയുടെ പക്കല്‍ രേഖകള്‍ എന്ന 2009 മാര്‍ച്ച് 31ലെ മനോരമ വാര്‍ത്ത ശ്രദ്ധിക്കുക. വാര്‍ത്തയുടെ രണ്ടും മൂന്നും പാരഗ്രാഫുകള്‍ ഇങ്ങനെയാണ്..

ഇതില്‍ അന്നത്തെ പല ഗവ. സെക്രട്ടറിമാരും കരാറിനെതിരെ സിബിഐക്കു നല്കിയ മൊഴികള്‍ നിര്‍ണായക ഘട്ടത്തില്‍ മുഖ്യമന്ത്രി പാര്‍ട്ടിക്കുള്ളില്‍ ആയുധമാക്കുമെന്നാണു സൂചന. ഏറ്റവും പ്രധാനം ലാവലിന്‍ കരാറിന്റെ കാലഘട്ടത്തില്‍ ധനകാര്യ പ്രിന്‍സിപ്പല്‍ സെക്രട്ടറിയായിരുന്ന എസ്. വരദാചാരി സിബിഐക്കു നല്കിയ മൊഴിയാണ്. അഴിമതി കരാറിനെ എതിര്‍ത്ത വരദാചാരിയുടെ തല പരിശോധിക്കണമെന്ന് അന്നു (1997) വൈദ്യുതി മന്ത്രിയായിരുന്ന പിണറായി വിജയന്‍ ഫയലില്‍ രേഖപ്പെടുത്തിയിരുന്നു.

ഇതു വിവാദമായതോടെ സര്‍ക്കാര്‍ ഫയല്‍ മുക്കി. വിജിലന്‍സും സിബിഐയും പഠിച്ചപണി പതിനെട്ടും പയറ്റിയിട്ടും ഈ ഫയല്‍ കണ്ടെത്താനായില്ല. എന്നാല്‍ ഫയലില്‍ പിണറായി രേഖപ്പെടുത്തിയത് അക്ഷരംപ്രതി ശരിവച്ചുള്ള മൊഴിയാണു ബാംഗൂരില്‍ താമസിക്കുന്ന വരദാചാരി സിബിഐക്കു നല്കിയത്. കരാറിനെ എതിര്‍ത്തു താന്‍ നോട്ടെഴുതിയപ്പോള്‍
തന്റെ തല പരിശോധിക്കണമെന്നാണു വൈദ്യുതി മന്ത്രിയായിരുന്ന പിണറായി വിജയന്‍ ഫയലില്‍ രേഖപ്പെടുത്തിയത്. ഇക്കാര്യം മന്ത്രിയുടെ നോട്ടില്‍ താന്‍ നേരിട്ടു കണ്ടതാണ്.

വാക്കുകളും സൂചനകളും എത്ര നിന്ദ്യമായാണ് ഉപയോഗിച്ചിരിക്കുന്നതെന്ന് നോക്കുക. ഇക്കാര്യം 1997 സെപ്തംബര്‍ 12ന് തങ്ങള്‍ റിപ്പോര്‍ട്ട് ചെയ്തത് ഇങ്ങനെയല്ലെന്ന് വാര്‍ത്തയെഴുതിയ ലേഖകനും സബ് എഡിറ്റര്‍ മുതല്‍ ന്യൂസ് എഡിറ്റര്‍ വരെയുളള പരശതം പത്രപ്പുലികളും അറിഞ്ഞതേയില്ലെന്ന് നമുക്ക് വെറുതേ വിശ്വസിക്കാമോ?

ലാവലിന്‍ : നായനാരും ശിവദാസ മേനോനും ശബ്ദിച്ചില്ലെന്ന് സാക്ഷിയെന്നാണ് ജൂണ്‍ 18ന് മാതൃഭൂമി, പൊളിറ്റ് ബ്യൂറോ യോഗത്തിന്റെ പരിഗണനാര്‍ത്ഥം നല്‍കിയ വാര്‍ത്ത. എത്ര തവണ, എത്ര രൂപത്തില്‍ വരദാചാരിയുടെ മൊഴി വാര്‍ത്തകള്‍ക്ക് ഇന്ധനമായെന്നു ചോദിച്ചാല്‍ ആ ഉത്തരത്തിനും വേണ്ടിവരും ഒരു സിബിഐ അന്വേഷണം.

എഴുതിയെഴുതി വന്നപ്പോള്‍ മാതൃഭൂമി ലേഖകന് വരദാചാരിയിലുളള വിശ്വാസം നഷ്ടപ്പെട്ടതു കൊണ്ടാണോ ആവോ, ഇക്കാര്യത്തില്‍ മനോരമക്കാരനുളള തീര്‍ച്ചയും മൂര്‍ച്ചയും ഇവിടെ കാണാനില്ല. പ്രസ്തുത വാര്‍ത്തയിലെ ഖണ്ഡിക അഞ്ച്..

എന്നാല്‍, പിണറായി വിജയന്റെ പ്രതികരണം മറിച്ചൊരു രീതിയില്‍ ഉണ്ടായി. 'വരദാചാരിയുടെ തലച്ചോറ്‌ പരിശോധനയ്‌ക്ക്‌ വിധേയമാക്കണ' മെന്ന്‌ മന്ത്രി പിണറായി വിജയന്‍ ഫയലില്‍ കുറിപ്പ്‌ എഴുതി. ആ കുറിപ്പ്‌ താന്‍ കണ്ടിരുന്നു. പക്ഷേ, അതിന്‌ മറുപടി പറയേണ്ടെന്ന്‌ താന്‍ തീരുമാനിച്ചു.

തല പരിശോധനാ പരാമര്‍ശത്തിന് മറുപടി പറയേണ്ടെന്ന് തീരുമാനിച്ച വിവരം തങ്ങളുടെ വായനക്കാരെ മാതൃഭൂമി അറിയിച്ചത് 1997 സെപ്തംബര്‍ 13നാണ്. വായനക്കാരുടെ ഓര്‍മ്മ ശക്തി പത്തു പന്ത്രണ്ടു കൊല്ലം നിലനിര്‍ത്താനുളള ശക്തിയൊന്നും യഥാര്‍ത്ഥ പത്രത്തിനില്ല. അതുകൊണ്ട്, പഞ്ചായത്തുകളിലെ വികസന പ്രവര്‍ത്തനങ്ങള്‍ക്കയയ്ക്കുന്ന പണം ട്രഷറിയില്‍ നിക്ഷേപിക്കുന്നതിന് പകരം അതത് പഞ്ചായത്തിലെ ഏതെങ്കിലും പ്രാഥമിക സഹകരണ സംഘത്തില്‍ നിക്ഷേപിക്കണമെന്ന സഹകരണ മന്ത്രിയുടെ നിര്‍ദ്ദേശത്തെ ധനസെക്രട്ടറി എതിര്‍ത്തതാണ് മന്ത്രി പിണറായി മുഖ്യമന്ത്രിക്ക് കത്തയയ്ക്കാന്‍ കാരണമായത് എന്ന് പന്ത്രണ്ടു വര്‍ഷങ്ങള്‍ക്ക് മുമ്പ് എഴുതിയത് വിഴുങ്ങി. ലാവലിന്‍ കരാറിന്മേലാണ് ഈ പരാമര്‍ശം ഉണ്ടായതെന്ന് ഒരുളുപ്പുമില്ലാതെ യഥാര്‍ത്ഥ പത്രം വെച്ചു കീറി. ഒരു പത്രം മാത്രം വായിക്കാന്‍ വിധിക്കപ്പെട്ടവരെ ഓര്‍ത്ത് സഹതപിക്കുകയല്ലാതെ നമുക്കു വേറെന്ത് മാര്‍ഗം..

ലാവലിന്‍ കേസിലെ വരദാചാരി എപ്പിസോഡിന് സംഭവിച്ച ദയനീയമായ ക്ലൈമാക്സ് ഉയര്‍ത്തുന്ന ചോദ്യങ്ങള്‍, ഒരു രാഷ്ട്രീയ പ്രസ്ഥാനത്തിന്റെയോ അതിന്റെ സെക്രട്ടറിയുടെയോ സ്വകാര്യപ്രശ്നമായല്ല അഭിമുഖീകരിക്കപ്പെടേണ്ടത്. ഭരണപരവും രാഷ്ട്രീയവുമായ അധികാരതാല്‍പര്യങ്ങള്‍ക്ക് വിടുപണി ചെയ്യുന്ന മാധ്യമങ്ങള്‍ സാമൂഹിക ചേതനയെ എങ്ങനെ വിഷലിപ്തമാക്കുന്നുവെന്ന് ഈ സംഭവം തെളിയിക്കുന്നു. യജമാനപ്രീതിയ്ക്കു വേണ്ടി ഒരു രാഷ്ട്രീയ നേതാവിനെ പ്രതിപ്പട്ടികയില്‍ ചേര്‍ക്കാന്‍ എത്ര നിസാരമായ നാണമില്ലായ്മയും കാണിക്കും വിധം സിബിഐ അധപ്പതിച്ചു പോയി എന്നത് ഈ വിവാദത്തിന്റെ വേറൊരു പാഠം. ജനാധിപത്യത്തിന് കീഴടങ്ങാന്‍ വിസമ്മതിക്കുന്ന ബ്യൂറോക്രസിയ്ക്കു നേരെ തൊടുക്കുന്ന വിമര്‍ശനങ്ങള്‍ ഏതു സമയത്തും ബൂമറാങ്ങായേക്കാമെന്നും പക തീര്‍ക്കാന്‍ ഏതവസരവും എങ്ങനെയും വിനിയോഗിക്കാന്‍ മടിയില്ലാത്ത തലച്ചോറുകളാണ് സെക്രട്ടേറിയറ്റിനുളളില്‍ പെറ്റു പെരുകുന്നതെന്നുമുളള തിരിച്ചറിവുകളും ഈ ഹാസ്യരംഗത്തില്‍ ഉള്‍ച്ചേര്‍ന്നിട്ടുണ്ട്.

അധികാരത്തിന്റെ എല്ലാ സൗകര്യങ്ങളുമുണ്ടായിട്ടും, ലക്ഷ്യമിട്ട ഇരയുടെ പാളയത്തില്‍ തന്നെ ഒറ്റുകാരുടെ വന്‍പടയുണ്ടായിട്ടും ഇത്ര ദയനീയമായൊരു കുറ്റപത്രവും അന്വേഷണ റിപ്പോര്‍ട്ടും കെട്ടിയെഴുന്നെളളിക്കാനേ സിബിഐയിലെ അന്വേഷണ പ്രതിഭകള്‍ക്ക് കഴിഞ്ഞിട്ടുളളൂ. പത്രം വായിക്കുന്നവന്റെ ഓര്‍മ്മയ്ക്കു മുന്നില്‍ ഒന്നൊന്നായി പിടഞ്ഞു വീഴുകയാണ് ലാവലിന്‍ കേസില്‍ സിബിഐ ഹാജരാക്കുന്ന തെളിവുകളും വാദങ്ങളും. മാധ്യമ റിപ്പോര്‍ട്ടുകള്‍ ശരിയാണെന്ന് സ്ഥാപിക്കാന്‍ തെളിവന്വേഷിച്ചാല്‍ എന്തു സംഭവിക്കുമെന്ന് ചാരക്കേസില്‍ മലയാളി നേരിട്ട് കണ്ടതാണ്.

ചാരക്കേസിനു ശേഷം മലയാള പത്ര പ്രവര്‍ത്തന മേഖലയുടെ അധഃപതനം തുറന്നു കാട്ടിയ സംഭവമെന്ന നിലയിലായിരിക്കും ലാവലിന്‍ കേസിനെ ചരിത്രം വിലയിരുത്തുക.

82 comments:

മാരീചന്‍‍ said...

ഒരു കളളമൊഴി പിടിക്കപ്പെട്ടു എന്നതുമാത്രമല്ല വരദാചാരി പ്രശ്നത്തിലുളളത്. സിബിഐ എന്ന അന്വേഷണ ഏജന്‍സിയുടെ ലക്ഷ്യം, ഉത്തരവാദിത്തബോധം, സമര്‍പ്പണസന്നദ്ധത, നിഷ്പക്ഷത, എന്നിവയൊക്കെ ചോദ്യം ചെയ്യുന്നതാണ് വരദാചാരിയുടെ മൊഴിയ്ക്ക് സംഭവിച്ച ദയനീയ അന്ത്യം.

മൂര്‍ത്തി said...

പ്രസക്തവും അവശ്യവും ആയ പോസ്റ്റ്. ഈ തല പരിശോധനയെക്കുറിച്ച് വിജയചന്ദ്രന്‍ എന്നയാളുടെ ‘ഓര്‍മ്മ’ക്കുറിപ്പിലും സംഭവം സത്യമെന്ന മട്ടിലുള്ള പരാമര്‍ശം ഉണ്ടായിരുന്നു. ലിങ്ക് തപ്പുന്നു. കിട്ടിയാല്‍ ഇടാം.

ഒരു ദേശാഭിമാനിയും പീപ്പിളും ഉള്ളതുകൊണ്ട് സത്യം അറിയാന്‍ പറ്റി. നിഷ്പക്ഷപത്രങ്ങള്‍ മാത്രം വായിക്കുന്നവര്‍ ഇതൊന്നും അറിയില്ലല്ലോ എന്നൊരു പ്രശ്നമുണ്ട്.

മൂര്‍ത്തി said...

ഇതാണ് ലിങ്ക്. ഇതില്‍ പറഞ്ഞിരിക്കുന്നത് നോക്കുക.

...Mr Varadachary, IAS, a close friend
of mine and then Power Secretary, had told me that for expressing such concerns on the file the Minister had openly branded him a madcap.
These honest officials stand vindicated today, more than 100 percent, and the developments are proving to be so very costly and embarrassing for the CPI(M)

വരദാചാരി നടന്നു പറയുകയായിരുന്നു എന്ന് തോന്നുന്നു. അതോ എവിടെയോ അയാള്‍ പറഞ്ഞതായി വായിച്ചത് പിന്നെ കണ്ടവരൊക്കെ തങ്ങളുടെ ‘താല്പര്യത്തിനു’ യോജിക്കും എന്നതിനാല്‍ ചോദ്യം ചെയ്യാതെ ‘വിശ്വസിച്ചതോ‘?

കുറെപ്പേരെങ്കിലും സത്യം എന്ന് കരുതി വിശ്വസിച്ച് വെച്ചിരിക്കുന്ന ഒരു പി.ഡി.എഫ് ഫയല്‍ ആണിത്. ടെക്നിക്കാലിയക്കും കമലാ എന്റര്‍പ്രസിസിനും തലപരിശോധനക്കും ഒക്കെ ശേഷം അടുത്ത് പൊളിയുന്ന നുണ ഏതായിരിക്കുമോ ആവോ?

കിരണ്‍ തോമസ് തോമ്പില്‍ said...
This comment has been removed by the author.
കിരണ്‍ തോമസ് തോമ്പില്‍ said...

traking

ഞാന്‍ said...

tracking

ജനശക്തി said...

ലാവലിന്‍ പൊളിയുന്ന കള്ളങ്ങള്‍ ഇവിടെ

cALviN::കാല്‍‌വിന്‍ said...

ഞാൻ ഒന്നു ചിരിച്ചോട്ടെ..
ഹ ഹ ഹ ഹ...
നിഷ്പക്ഷപത്രങ്ങൾ വായിക്കുന്നവർ ഒക്കെ വായിച്ച് മനസിലാക്കട്ടേ

vrajesh said...

ഉന്നത ഐ.എ.എസ് ഉദ്യോഗസ്ഥന്‍ കളവു പറയില്ലെന്ന കണ്ടുപിടിത്തം നല്ലൊരു കണ്ടുപിടിത്തമായിരുന്നു.ഇങ്ങനെയൊക്കെയാണെങ്കില്‍ കോടതിയിലെ ക്രോസ് എക്സാമിനേഷന്‍ എല്ലാ സാക്ഷികളേയും പൊളിച്ചടുക്കും..

ജിവി/JiVi said...

ഇപ്പൊഴും വിഷമം ഈ സത്യങ്ങള്‍ വളരെകുറച്ച് ആളുകളിലേ എത്തുന്നുള്ളൂ എന്നതുതന്നെ.

അനില്‍ ആദിത്യ said...

അല്ലെങ്കിലും അന്തിമമായ വിജയം സത്യത്തിനു തന്നെ ആയിരിക്കും. പക്ഷെ നീര്‍്ക്കോലികളുടെ ഉദ്യേശം അത്താഴം മുടക്കല്‍ മാത്രമല്ലേ ഉണ്ടായിരുന്നുള്ളൂ ? ലോകസഭാ ഇലക്ഷനോടെ അത് സാധിച്ചു.പിന്നെ ബാക്കിയുള്ളതെല്ലാം ബോണസും. ഒരു തല പരിശോധന കുറിപ്പിന് ഇത്രയൊക്കെ പ്രതികാരമേ ഐ എ എസ്‌ വയോധികനും പ്രതീക്ഷിച്ചിരിക്കുകയുള്ളൂ.

അനില്‍ ആദിത്യ said...
This comment has been removed by the author.
സുനിൽ കൃഷ്ണൻ(Sunil Krishnan) said...

വളരെ വളരെ പ്രസക്തമായ പോസ്റ്റ്...എന്തെല്ലാം കളികളായിരുന്നു വരദരാചാരിയുടെ മൊഴി വച്ച് ഇവന്മാർ ഇതു വരെ കളിച്ചിരുന്നത്...എല്ലാം ചീട്ടു കൊട്ടാരം പോലെ തകർന്നില്ലേ..ഇനിയും ഇങ്ങനെ എന്തെല്ലാം നമ്മൾ കാണാനിരിയ്ക്കുന്നു !!!

anil said...

അതിനാൽ സ:പിണറായി നിരപരാധിയാകുന്നു.പരമദുഷ്ടനും മൂരാച്ചിയുമായ സ:അച്ചുതാനന്ദനെ തൂക്കിലിടണം എന്നുകൂടി എഴുതുവാൻ മാരീചമാമൻ മറന്നുപോയോ?

മനനം മനോമനന്‍ said...

ഇതൊന്നും നമ്മുടെ അഖിലലോക പിണറായിവിരുദ്ധ സമിതിക്കാർ അറിഞ്ഞിട്ടുണ്ടാവില്ല. മാർക്സിസ്റ്റു വിരുദ്ധ തിമിരം ബാധിച്ച കണ്ണുകളിലൂടെയൊന്നും കാണാൻ കഴിയുന്നവയല്ല അതൊന്നും.സി.പി.എമ്മിന് എതിരായ വാർത്തകൾ മാത്രം അച്ചപ്പം പോലെ ചുട്ടെടുക്കുന്ന അവർക്ക് സത്യം ഒരു കാഴ്ച്കവസ്തുവാണ്

സജി കറ്റുവട്ടിപ്പണ said...

ഇങ്ങനെ ഒരാൾ ഇവിടെവന്ന് കണ്ടുകേട്ടു പോയി!

വിന്‍സ് said...

അച്ചു മാമയെ പോലൊരു കഴിവില്ലാത്ത ഭരണാധികാരി കേരളത്തിലുണ്ടായിട്ടില്ല അതൊക്കെ സത്യം, പക്ഷെ പിണറായി ആരു തന്റെ അളിയനോ എന്നു താങ്കളുടെ ലേഖനങ്ങള്‍ വായിച്ചിട്ടു ആരെങ്കിലും ചോദിച്ചാല്‍ അവരെ തെറ്റിദ്ധരിക്കരുതു. പിണറായി അഴിമതി കാണിച്ചിട്ടില്ലെങ്കില്‍ അന്തസ്സായി രാജി വച്ചു കോടതിയില്‍ നേരിടട്ടെ. കോടതിയില്‍ വലിച്ചു നീട്ടപ്പെടും ഈ കേസെങ്കിലും അടുത്ത തിരഞ്ഞെടുപ്പിലോ മറ്റോ ജനത്തിന്റെ കോടതിയില്‍ പോയി നേരിടട്ടെ. പാമോലിന്‍ കേസില്‍ ലീഡറെ വളരെ അധികം ബുദ്ധിമുട്ടിച്ചിട്ടുണ്ട് കള്ള കമ്യൂണിസ്റ്റുകാര്‍ പക്ഷെ ലാവ്ലിന്‍ കേസില്‍ പിണറായിയോട് നേരെ മറിച്ചൊരു സമീപനവും.

ഏതായാലും ലാവലിന്‍ കേസ് കേരളത്തില്‍ കമ്യൂണിസം നശിപ്പിച്ചു കണ്ടിരുന്നെകില്‍ ഞാന്‍ ഹാപ്പി.

absolute_void(); said...

tracking

kaalidaasan said...

പാര്‍ട്ടിയുടെ മുഖപത്രം തന്നെ വിമര്‍ശിക്കുന്നുവെന്ന് പൊളിറ്റ് ബ്യൂറോയില്‍ അച്യുതാനന്ദന്‍ പരാതി പറയുമ്പോള്‍, മറ്റൊരു പിബി അംഗത്തിനു നേരെ ഉയര്‍ന്ന ഏറ്റവും വലിയ നുണ പൊളിച്ചടുക്കുന്ന വാര്‍ത്തയില്‍ അച്ചടി മഷി പുരട്ടുന്ന തിരക്കിലായിരുന്നു, ദേശാഭിമാനിയുടെ പ്രവര്‍ത്തകര്‍.


അപ്പോള്‍ മാധ്യമ സിന്‍ഡിക്കേറ്റിനേയും ദേശാഭിമാനിയും സി പി എമ്മും വിശ്വസിച്ചു തുടങ്ങി!!!

കലികാലം തന്നെ!!!

ഇത്രനാളും പുലഭ്യം പറഞ്ഞ മാധ്യമ സിന്‍ഡിക്കേറ്റിനെത്തന്നെ ദേശാഭിമാനിക്ക് ആശ്രയിക്കേണ്ടിവന്നു എന്നതാണിതിലെ കാവ്യനീതി.

വരദചാരി ലാവലിന്‍ കേസിലെ സാക്ഷിയാണ്. അദ്ദേഹം കോടതിയിലും സാക്ഷിപറയും. അതൊക്കെ പുറത്തു വരാനിരിക്കുന്നതല്ലേ ഉള്ളു.

വരദചാരി ദേശാഭിമാനിയിലെ പൊളിച്ചടുക്കലിനേക്കുറിച്ച് പ്രതികരിച്ചിട്ടുണ്ട്.

ഞാന്‍ എതിര്‍ത്തതും പിണറായി കുറിപ്പെഴുതിയതും ലാവ്‌ലിന്‍ ഫയലില്‍ത്തന്നെ: വരദാചാരി


കോഴിക്കോട്‌: ലാവ്‌ലിന്‍ കരാറിന്‌ എതിരായി താന്‍ തയാറാക്കി അയച്ച ഫയലില്‍ത്തന്നെയാണു മന്ത്രി പിണറായി വിജയന്‍ തല പരിശോധനാ കുറിപ്പെഴുതിയതെന്ന്‌ എസ്‌. വരദാചാരി.

തല പരിശോധനാ കുറിപ്പെഴുതിയതു സഹകരണ വകുപ്പുമായി ബന്ധപ്പെട്ട ഫയലിലാണെന്നും സി.ബി.ഐക്കു താന്‍ നല്‍കിയ മൊഴി കള്ളമാണെന്നുമുള്ള വാര്‍ത്തകളോടു പ്രതികരിക്കുകയായിരുന്നു അദേഹം.

കേസന്വേഷണവുമായി ബന്ധപ്പെട്ടു തന്നെ വന്നുകണ്ട വിജിലന്‍സ്‌ ഓഫീസര്‍ക്കും പിന്നീടു വന്ന സി.ബി.ഐ ഓഫീസര്‍ക്കും മൊഴി നല്‍കിയിട്ടുണ്ട്‌.

രണ്ട്‌ അന്വേഷകരോടും പറഞ്ഞത്‌ ഒരേ കാര്യമാണ്‌. ലാവ്‌ലിന്‍ കരാറിനെ ഒരിക്കലും അംഗീകരിക്കാനാവില്ലെന്നായിരുന്നു തന്റെ നിലപാട്‌. കാന്‍സര്‍ സെന്ററിനു കോടികളുടെ സഹായധനം വാഗ്‌ദാനം ചെയ്‌തതിനാല്‍ കരാര്‍ നല്‍കണമെന്നായിരുന്നു അവരുടെ ന്യായം. കറന്റും കാന്‍സറും തമ്മിലെന്തു ബന്ധം എന്നായിരുന്നു തന്റെ ചോദ്യം. ഇതിനോടുള്ള വൈകാരിക പ്രതികരണമായിട്ടായിരിക്കണം ഫയലില്‍ തല പരിശോധിക്കണമെന്നെഴുതിയത്‌. താന്‍ പിന്നീട്‌ ആ ഫയല്‍ കാണാനിടയായെങ്കിലും ഒന്നും പ്രതികരിക്കേണ്ടെന്നു തീരുമാനിക്കുകയായിരുന്നു. ഈ ഫയലാണു പിന്നീടു കാണാതായത്‌. ഇതെല്ലാം 12 വര്‍ഷം മുമ്പു നടന്ന സംഭവങ്ങളാണ്‌. ധനവകുപ്പ്‌ പ്രിന്‍സിപ്പല്‍ സെക്രട്ടറി എന്ന നിലയില്‍ വിവിധ വകുപ്പുകളില്‍നിന്നു വരുന്ന ഫയലുകള്‍ പരിശോധിക്കേണ്ടിവരാറുണ്ട്‌. പഞ്ചായത്തുകളുടെ ഫണ്ട്‌ സഹകരണ ബാങ്കുകളില്‍ നിക്ഷേപിക്കണമെന്ന നിര്‍ദേശങ്ങളെയും താന്‍ എതിര്‍ത്തിട്ടുണ്ട്‌. ചട്ടപ്രകാരം ഫണ്ട്‌ ട്രഷറിയില്‍ തന്നെയാണു നിക്ഷേപിക്കേണ്ടത്‌. ആ ഫയലിലും മന്ത്രി പിണറായി തല പരിശോധന എഴുതിയിരുന്നോ എന്നെനിക്കറിയില്ല.

ഉണ്ടെങ്കിലും അതേക്കുറിച്ചു താന്‍ പ്രതികരിക്കില്ല. ആ കാലത്തു പത്രങ്ങളില്‍ വന്ന വാര്‍ത്ത ഊഹാപോഹങ്ങളെ അടിസ്‌ഥാനമാക്കിയാകാനും സാധ്യതയുണ്ട്‌. അതേക്കുറിച്ച്‌ ഒന്നും പ്രതികരിച്ചിരുന്നില്ല.

കൂടുതലൊന്നും പറയാന്‍ ഇപ്പോഴും താല്‍പര്യമില്ല. ലാവ്‌ലിനുമായി ബന്ധപ്പെട്ട ഫയലില്‍ തലപരിശോധനാ കുറിപ്പെഴുതി എന്നത്‌ എന്റെമാത്രം മൊഴിയല്ല. അക്കാലത്തു സര്‍ക്കാരിന്റെ ഉന്നത പദവികളിലിരുന്ന പലര്‍ക്കും ഇതറിയാം. ബി.പി. നായര്‍, കെ.എം. എബ്രഹാം, സാംബ മൂര്‍ത്തി തുടങ്ങിയവരും സി.ബി.ഐക്ക്‌ ഇതേക്കുറിച്ച്‌ മൊഴി നല്‍കിയിട്ടുണ്ടെന്നാണ്‌ അറിയുന്നത്‌.

ഏതായായും ഇതുമായി ബന്ധപ്പെട്ടു കൂടുതല്‍ വിവാദങ്ങള്‍ക്കു താല്‍പര്യമില്ലെന്നും ടെലഫോണ്‍ സംഭാഷണത്തില്‍ അദ്ദേഹം വ്യക്‌തമാക്കി.

suraj::സൂരജ് said...

" എന്നാല്‍ ഫയലില്‍ പിണറായി രേഖപ്പെടുത്തിയത് അക്ഷരംപ്രതി ശരിവച്ചുള്ള മൊഴിയാണു ബാംഗൂരില്‍ താമസിക്കുന്ന വരദാചാരി സിബിഐക്കു നല്കിയത്. കരാറിനെ എതിര്‍ത്തു താന്‍ നോട്ടെഴുതിയപ്പോള്‍ തന്റെ തല പരിശോധിക്കണമെന്നാണു വൈദ്യുതി മന്ത്രിയായിരുന്ന പിണറായി വിജയന്‍ ഫയലില്‍ രേഖപ്പെടുത്തിയത്. ഇക്കാര്യം മന്ത്രിയുടെ നോട്ടില്‍ താന്‍ നേരിട്ടു കണ്ടതാണ്."


വരദാചാരിയുടെ ബ്രെയിനിനകത്തു കേറിയിരുന്ന് എല്ലാം നേരിട്ട് കണ്ടതു പോലെ കത്തിക്കയറുന്ന മനോരമക്കാരന്റെ ശിഷ്യന്മാര്‍ വേറേം ഉണ്ട് ഇവിടൊക്കെ. പോളിറ്റ് ബ്യൂറോയില്‍ വൃന്ദാക്കാരാട്ട് കണ്ണിറുക്കിയോ, അച്യുതാനന്ദന്‍ മൂക്കു ചുവപ്പിച്ചോ,കാരാട്ട് വിജയനെ കടിച്ചുകുടഞ്ഞോ, തരൂരിന്റെ ക്രെഡിറ്റ്കാര്‍ഡില്‍ നിന്ന് മാറിയ ഡോളറെത്ര, ബാലാന്ദന്‍ കമ്മീഷന്‍ മൂക്കു പിഴിഞ്ഞോ, ട്രെണ്ടിലിന്റെ വീട്ടില്‍ ദിലീപ് രാഹുലന്‍ കഞ്ഞിവച്ചോ ... അങ്ങനെയങ്ങനെ പന്നിമലത്തു വഴി ന്യൂസുകള്‍ ബ്രേക്ക്‍ ചെയ്യുന്ന ചേട്ടന്മാരുടെ ബ്രേക് ഡാന്‍സുകള്‍ തുടരുകയാണ് :)

ഉദ്യോഗസ്ഥരാവണന്റെ തല മനോരോഗവിദഗ്ധനെ കൊണ്ട് പരിശോധിക്കണം എന്നെഴുതിയതില്‍ നിന്ന് ശരിക്കും വരദന്റെ ട്രീറ്റ്മെന്റ് ഹിസ്റ്ററിയും ഇനി തപ്പിനോക്കാവുന്നതാണ്. ചില സൈക്ക്യാട്രിക് രോഗങ്ങളുള്ളവര്‍ക്ക് കോടതിയില്‍ തെളിവു കൊടുക്കുന്നതിനു വിലക്കുണ്ടല്ലോ ;)

ഗ്ലോബല്‍ ടെന്‍ഡര്‍ പോയിട്ട് ആഭ്യന്തര ടെന്‍ഡര്‍ പോലും വിളിക്കാത്ത ഒരു കരാറിന്റെ പണിച്ചെലവൊക്കെ " നിങ്ങളു ചെയ്താ എത്രവരും" എന്ന് ഭെല്ലിലേയ്ക്ക് അങ്ങ്ട്ടുചെന്ന് അന്വേഷിച്ച് "100 കോടിയുടെ ഇന്‍ഫോമല്‍ പ്രപ്പോസലും എസ്റ്റിമേറ്റും വാങ്ങി" എന്ന് സി.ബി.ഐയുടെ സാക്ഷിപ്പട്ടികയിലെ വരദാചാരികളായി പാടിനടക്കുന്ന രണ്ട് മഹാന്മാരെ കൂടി ഇങ്ങനെ തലപ്രിശോധന നടത്തേണ്ടതുണ്ട് - സാംബമൂര്‍ത്തിയും വിജയചന്ദ്രന്‍ കുട്ടപ്പനും. സി.ബി.ഐ സേതുരാമന്മാരക്കാണെങ്കില്‍ പ്രതികളൊഴിച്ച് ബാക്കി ആരെന്ത് പറഞ്ഞാലും വെരിഫിക്കേഷന്‍ വേണ്ടാത്ത വേദവാക്യമാണ്. കുട്ടപ്പന്‍ ചേട്ടായിയാണെങ്കില്‍ ഓര്‍മ്മക്കുറിപ്പൊക്കെ വിതറുന്നത് പി.ഡി.എഫ് ആയിട്ടാണ്. ഭെല്ലില്‍ ചെന്നന്വേഷിച്ചാല്‍ അറിയാം "ഇന്‍ഫോമല്‍ പ്രപ്പോസലും എസ്റ്റിമേറ്റാദി" കിടുപിടികളുമൊക്കെ ഒള്ളത് തന്നേന്ന് !

ഈ മഹാന്മാരുടെ ശിരസ്സ് പിളര്‍ന്ന് അന്തരിക്കാതെ കാത്തോളണേ ന്റെ മുട്ക്കിട്ടാങ്കട അമ്മച്ചീ, പോത്തുകാലപ്പനേ!

ഓഫ് :
ഒരു പുതിയ തെറി പഠിച്ചു - "പോടാ വരദാചാരീ !"

suraj::സൂരജ് said...

comment tracking

കൂട്ടുകാരന്‍ | Friend said...

രാവണന്റെ അമ്മാവനും സര്‍വോപരി ബ്ലോഗിലെ പ്രമുഖ രാഷ്ട്രീയ എഴുത്തുകാരനും ആയ താങ്കള്‍ പിണറായിയുടെ ഒരു അനുയായി എന്ന് വിശേഷിപ്പിക്കയാകും നല്ലതെന്ന് തോന്നുന്നു. പിണറായി തെറ്റൊന്നും ചെയ്തിട്ടില്ലെങ്കില്‍ ഒരു പ്രമുഖ രാഷ്ട്രീയ പാര്‍ട്ടിയുടെ അമരത്തിരിക്കുന്ന ആളെന്ന നിലയില്‍ തന്റെ നിരപരാധിത്വം തെളിയിക്കേണ്ട ഉത്തരവാദിത്വത്തില്‍ നിന്നെന്തിനു ഒളിച്ചോടുന്നു? ഭാരതത്തില്‍ മറ്റെന്തും അഴിമതി നിറഞ്ഞതെങ്കിലും അഴിമതി അധികം കടന്നക്രമിക്കാത്ത പരമോന്നത കോടതിയെ ബഹുമാനിക്കുന്ന ജനങ്ങളുടെ വിശ്വാസത്തിന് വേണ്ടിയെങ്കിലും കോടതിയില്‍ തന്റെ നിരപരാധിത്വം തെളിയിക്കുന്നതിന് സ്വന്തമായി അവസരം ഉണ്ടായിട്ടും...മറ്റുള്ളവര്‍ കുത്തിപ്പൊക്കി കൊണ്ട് വരീക്കണ്ട കാര്യം ഉണ്ടായിരുന്നൊ? അപ്പൊ എന്തോ എവിടെയോ ചീഞ്ഞു നാരുന്നില്ലേ? അവിടെയിട്ട് പിന്നെയും കുത്തിയാല്‍...ഒന്നുകൂടി നാരുകയല്ലേ ഉള്ളൂ.. ? ചിന്തിക്കുക. എന്നിട്ട് ഓരോന്നും എഴുതുക.

vrajesh said...

അഴിമതി കടന്നാക്രമിക്കാത്ത കോടതി...ഈ രാജ്യത്ത്

ജനശക്തി said...

പൊളിയുന്ന കള്ളങ്ങള്‍ പാര്‍ട്ട് 2 ഇവിടെ

ജയരാജന്‍ said...

" ഐഎഎസ് ബ്രാഹ്മണ്യത്തിന്റെ വാദം ഒരന്വേഷണവും ആവശ്യമില്ലാത്തവിധം സ്വീകരിക്കാനും മുണ്ടയില്‍ കോരനെന്ന ചെത്തുകാരന്റെ മകനെ മുഖവിലയ്ക്കെടുക്കാതെ തളളാനും ഏത് നിയമവ്യവസ്ഥയാണ് സിബിഐയ്ക്ക് പ്രാപ്തി നല്കിയതെന്ന ചോദ്യം വനരോദനമായിക്കൂടാ" യോജിക്കുന്നു...

nalan::നളന്‍ said...

ഇന്വെസ്റ്റിഗേറ്റീവ് ജേര്‍ണ്ണലിസം വേണ്ടതിവിടെയാണു. സി.ബി.ഐ ക്കെതിരേ.
സി ബി ഐ കൊണ്ടു കളിപ്പിക്കുന്നതാരെന്നെങ്കിലും പുറത്തു വരേണ്ടതുണ്ട്.

മൂര്‍ത്തി said...

തന്റെ തല പരിശോധിക്കണോ എന്ന് സഹകരണവകുപ്പിന്റെ ഫയലിലും എഴുതിയിട്ടുണ്ടോ എന്നറിയില്ല എന്ന വരദാചാരിയുടെ വാദം(കട:മംഗളം) രക്ഷപ്പെടാനുള്ള തന്ത്രം. ഇതല്ലാതെ വരദാചാരിക്ക് പറയാന്‍ ന്യായീകരണമൊന്നും തന്നെ ഇല്ല. മംഗളം പത്രമല്ലാതെ അന്ന് ഈ വാര്‍ത്ത റിപ്പോര്‍ട്ട് ചെയ്ത മനോരമയിലോ, മാതൃഭൂമിയിലോ, കേരള കൌമുദിയിലോ പുതിയ വരദാ‍ചാരീ വാര്‍ത്ത കാണുന്നില്ല.

"ഒരഭിപ്രായവും പറയുന്നില്ല"- പിണറായിയുടെ പരാമര്‍ശങ്ങള്‍ സൃഷ്ടിച്ച കോലാഹലങ്ങളെക്കുറിച്ച് ചോദിച്ചപ്പോള്‍ വരദാചാരി സൗമ്യമായി പറഞ്ഞൊഴിഞ്ഞു.. സഹകരണ തലപരിശോധന വിവാദകാലത്തെ വരദാചാരി വാ‍ചകം ഇത്. ഓഫീസര്‍മാര്‍ക്കിടയില്‍ പ്രതിഷേധമെന്നും അന്നത്തെ വാര്‍ത്തകളില്‍ ഉണ്ട്.

വരദാചാരിയുടെയും കൂട്ടരുടെയും വാക്കുകള്‍ വേദവാക്യമായി എടുക്കുന്ന പത്രങ്ങള്‍ തന്നെയാണിത് പറയുന്നത്. അല്ലാതെ ഇടതുപക്ഷത്തെ പിന്തുണക്കുന്ന പത്രങ്ങള്‍ അല്ല. ഇത് പത്രക്കട്ടിംഗ് സഹിതം ചൂണ്ടിക്കാണിക്കുന്നത്‍, മാധ്യമസിന്‍ഡിക്കേറ്റിനെ ആശ്രയിക്കുന്ന കാവ്യനീതി അല്ല. സ്വന്തം വാര്‍ത്ത തന്നെ മറച്ച് വെച്ച് പത്രങ്ങള്‍ മറ്റൊരു നുണ പ്രചരിപ്പിക്കുന്നതിന്റെ ഉദാഹരണമാണിത്. വെറുതെ തര്‍ക്കിക്കാനും സംശയത്തിന്റെ അന്തരീക്ഷം തുടര്‍ന്നും നിലനിര്‍ത്താനും, വിഷയത്തില്‍ നിന്നും വ്യതിചലിപ്പിക്കാനും “മാധ്യമസിന്‍ഡിക്കേറ്റിനെ ആശ്രയിക്കുന്ന കാവ്യനീതി“ എന്നൊക്കെ പറയാം എന്നു മാത്രം.

സഹകരണ ഫയലില്‍ അങ്ങിനെ പിണറായി വിജയന്‍ എഴുതിയിട്ടുണ്ടോ എന്ന് തനിക്കറിയില്ലെന്ന് വരദാചാരി ഇപ്പോള്‍ പറയുന്നതാണ് ശരി എങ്കില്‍ അന്ന് പത്രങ്ങള്‍ പറഞ്ഞത് തെറ്റായിരുന്നു. അന്ന് പത്രങ്ങള്‍ പറഞ്ഞതായിരുന്നു ശരി എങ്കില്‍ ഇന്ന് വരദാചാരി പറയുന്നത് തെറ്റാണ്. അതെങ്കിലും ഉറപ്പാണ്..:)

വരദാചാരി ഫാഗ്യവാന്‍ തന്നെ. എന്ത് പറഞ്ഞാലും ന്യായീകരിക്കാനും, അങ്ങേരു പറഞ്ഞത് ‘വിശ്വസിപ്പിപ്പിപ്പിക്കാനും‘ ആളുകള്‍ കൊട്ടേഷനെടുത്ത് നില്‍ക്കുക അല്ലേ?

കൂട്ടത്തില്‍ ഒന്നുകൂടി. ഇന്നലെ മാധ്യമം, മംഗളം, മാതൃഭൂമി പത്രങ്ങളില്‍ ലാവലിന്‍ കേസുമായി ബന്ധപ്പെട്ട് ശര്‍മ്മ സി.ബി.ഐക്ക് നല്‍കിയ മൊഴിയെപ്പറ്റി വാര്‍ത്തകളുണ്ട്. വിവിധ ലേഖകന്മാരുടെ പേരില്‍. കുറെക്കാലമായി നടക്കുന്ന, വാര്‍ത്തകള്‍ വന്നുകൊണ്ടിരിക്കുന്ന ഒരു കേസിലെ ഏത് പോയിന്റ് ഒരു ദിവസം വാര്‍ത്തയാക്കണം എന്ന് വിവിധ പത്രങ്ങളിലെ വിവിധ ലേഖകന്മാര്‍ വിവിധ ഇടങ്ങളില്‍ ഇരുന്ന് ചിന്തിച്ച് ഒരേ ഉത്തരത്തില്‍ എത്തുന്നത് അത്ഭുതം തന്നെ.

സിന്‍ഡിക്കേറ്റ് ഉണ്ടെന്നൊന്നുമല്ല ഇതിനര്‍ത്ഥം അല്ലേ?

kaalidaasan said...

മൂര്‍ത്തീ,

മാധ്യമ സിന്‍ഡിക്കേറ്റ് ഉണ്ടായാലും ഇല്ലെങ്കിലും, ഈ പ്രശ്നങ്ങള്‍ കോടതിയില്‍ തീരുമാനിക്കാന്‍ പോകുന്നതല്ലേ. വരദചാരി സാക്ഷിപ്പട്ടികയിലുണ്ട്. അദ്ദേഹം സാക്ഷിയായി മൊഴി നല്‍കും.

ഇതൊക്കെ മുന്‍ കൂട്ടി കണ്ട ചിലര്‍ , വളരെ സമര്‍ദ്ധമായി തല പരിശോധിക്കണമെന്നെഴുതിയ ഫയല്‍ മുക്കിക്കളഞ്ഞല്ലോ. അതിന്റെ പേരില്‍ സി പി എമ്മിന്റെ മന്ത്രിമാര്‍ ഉള്‍പ്പടെയുള്ളവര്‍ക്കെതിരെ കേസും നിലവിലുണ്ടല്ലോ. ഈ വിവരം തെളിവായി വരരുതെന്നു താല്‍പ്പര്യമുള്ളവരല്ലേ ഇതിനു പിന്നില്‍ ?

സഹകരണ വകുപ്പിന്റെ ഫയലിലും തല പരിശോധിക്കേണ്ടതാണെന്നെഴുതിയിട്ടുണ്ടെങ്കില്‍, ഈ കലാപരിപാടി പിണറായി വിജയന്റെ ഒരു ഹോബിയായി നമുക്ക് കരുതേണ്ടി വരും. ഒരു മന്ത്രി സര്‍ക്കാര്‍ ഫയലില്‍ എഴുതേണ്ടതിന്റെ നല്ല മാതൃക തന്നെ.

പല സര്‍ക്കാര്‍ ഫയലുകളും ഈ ബ്ളോഗില്‍ തന്നെ കോപ്പി ചെയ്ത് കണ്ടിട്ടുണ്ടല്ലോ? എന്തെങ്കിലും തെളിയിക്കാനാണെങ്കില്‍ ആ ഫയല്‍ കോപ്പി ചെയ്താല്‍ തര്‍ക്കം തീരില്ലേ?

suraj::സൂരജ് said...

ഇതൊക്കെ മുന്‍ കൂട്ടി കണ്ട ചിലര്‍ , വളരെ സമര്‍ദ്ധമായി തല പരിശോധിക്കണമെന്നെഴുതിയ ഫയല്‍ മുക്കിക്കളഞ്ഞല്ലോ. അതിന്റെ പേരില്‍ സി പി എമ്മിന്റെ മന്ത്രിമാര്‍ ഉള്‍പ്പടെയുള്ളവര്‍ക്കെതിരെ കേസും നിലവിലുണ്ടല്ലോ. ഈ വിവരം തെളിവായി വരരുതെന്നു താല്‍പ്പര്യമുള്ളവരല്ലേ ഇതിനു പിന്നില്‍ ?

ഇല്ലാത്ത ഫയല്‍ ഫയല്‍ മുക്കിയേ മുക്കിയേ എന്ന് ആവര്‍ത്തിച്ചാരോപിച്ചാല്‍ ഒരു സൌകര്യമുണ്ട് - burden of proof-ല്‍ നിന്ന് സൌകര്യപൂര്‍വ്വം ഊരാം.

പക്ഷേ അന്വേഷണ ഏജന്‍സിക്ക് ഈ വിഷയത്തില്‍ അത്രയെളുപ്പം ഊരാന്‍ പറ്റില്ല; അവരുടെ മേലാണല്ലോ ആത്യന്തികമായി burden of proof.

സി.ബി.ഐക്ക് പിണറായി കൊടുത്ത മൊഴിയില്‍ താനിങ്ങനെ എഴുതിയിട്ടേ ഇല്ല എന്നല്ല. താനെഴുതിയതു സമ്മതിച്ച വിജയന്‍ ഏത് context-ലാണ് അങ്ങനെ എഴുതിയത് എന്ന് സി.ബി.ഐയ്യോട് പറയുന്നുണ്ട്. അതും രേഖയിലാക്കിവച്ചിട്ടാണ് ഒരു രേഖയും അവെയ്ലബിളല്ല എന്ന മുന്‍ കൂര്‍ പ്രഖ്യാപനത്തോടെ ഇക്കാര്യത്തില്‍ വരദാചാരിയുടെ മൊഴിയെ സി.ബി.ഐ മുഖവിലയ്ക്കെടുക്കുന്നത് !

ലാവലിന്‍ ഇഷ്യൂ ഒരു കേസാകുന്നതിനും എത്രയോ കാലം മുന്‍പേതന്നെ പത്രവാര്‍ത്തകളില്‍ പിണറായിയുടെ മൊഴിയില്‍ സൂചിപ്പിച്ച അതേ തരത്തില്‍ വാര്‍ത്തവന്നിരുന്നു എന്നത് സി.ബി.ഐയെ ആ വഴിക്കൊരു അന്വേഷണത്തിനോ വരദാചാരിയുടെ മൊഴിയെ മുഖവിലയ്ക്കെടുക്കുന്നതില്‍ അവധാനത കാണിക്കുകയോ ചെയ്യാതിരിക്കുന്നതില്‍ ഒരു കുഴപ്പവും കാണാനില്ലേ ?

വരദാചാരിയുടെ മൊഴിയും ഈ വിഷയത്തില്‍ സഹ സാക്ഷികളായി സി.ബി.ഐ ചേര്‍ത്ത കൃഷ്ണന്‍ നായര്‍,വെങ്കിട്ടരമണന്‍ എന്നിവരുടെ മൊഴികള്‍ തങ്ങളിലും വൈരുദ്ധ്യങ്ങള്‍ ഉണ്ട്. (ഒരാള്‍ ഒരു ഫയല്‍ എന്ന് പറയുന്നു, ഒരാള്‍ അര്‍ദ്ധ-ഔദ്യോഗിക കത്ത് എന്നുപറയുന്നു).അഞ്ചു സുപ്പീരിയേഴ്സിന് താന്‍ ഇതുസംബന്ധിച്ച കുറിപ്പ് നല്‍കിയെന്നാണ് വരദാചാരി മൊഴി കൊടുത്തിരിക്കുന്നത്.

അങ്ങനെ സംഭവിച്ചു എന്ന് വിശ്വസിക്കാന്‍ നിര്‍ബന്ധിക്കപ്പെടുന്ന അവസ്ഥയില്‍ അല്പമൊക്കെ ബോധമുള്ള അന്വേഷകന്‍ ഓള്‍ട്ടര്‍നേറ്റിവ് വിശദീകരണങ്ങളുടെ ഓപ്ഷനുകള്‍ കൂടി തേടും. ചുരുങ്ങിയ പക്ഷം പിണറായി പറയുമ്പോലൊരു കത്ത് സഹകരണ വകുപ്പിലോ മുഖ്യമന്ത്രി ഓഫീസിലോ ഉണ്ടായിരുന്നോ എന്നെങ്കിലും അന്വേഷിക്കും. അതുമല്ലെങ്കില്‍ “അഞ്ച്” മേലുദ്യോഗസ്ഥര്‍ക്ക് നല്കി എന്ന് വരദാചാരി അവകാശപ്പെടുന്ന കത്തുകളെങ്കിലും അന്വേഷിക്കും.

അഞ്ചു സുപ്പീരിയര്‍ ഓഫിസേഴ്സിന് നല്‍കിയ കത്തുകളും , മുഖ്യമന്ത്രിക്ക് സഹകരണമന്ത്രി നല്‍കിയ “തലപരിശോധന”കത്തും എല്ലാം കൂടി ഒന്നിച്ചങ്ങ് ആവിയാവുമോ ? ഒരു മുതിര്‍ന്ന ഐ.എ.എസ് ഉദ്യോഗസ്ഥന്റെ “മാനസിക സ്ഥിരത”യെ ചോദ്യം ചെയ്യുന്ന ഇത്രയും സീരിയസായ പരിഹാസം ഒരു മന്ത്രിയുടെ ഭാഗത്തുനിന്നും ഉണ്ടായിട്ട് ആ ഉദ്യോഗസ്ഥനു പോലും അതിനെ സംബന്ധിച്ച ഒരു കഷ്ണം കടലാസ് സൂക്ഷിക്കാനില്ലാതെ പോവുക എന്നു പറഞ്ഞാല്‍...ഹൌ!

മാരീചന്‍‍ said...

സൂരജേ,
അതു തന്നെയാണ് പ്രശ്നം. ആരോപണമുന്നയിക്കുക, അത് തെറ്റോ ശരിയോ എന്ന് തെളിയിക്കേണ്ട ബാധ്യത ആരോപണ വിധേയനില്‍ ചാര്‍ത്തി രക്ഷപെടുക എന്നതാണ് ഇവിടെ സ്വീകരിച്ചിരിക്കുന്ന തന്ത്രം.

തല പരിശോധന സംബന്ധിച്ച് സമൂഹത്തില്‍ നിലനില്‍ക്കുന്ന എല്ലാ ഊഹാപോഹങ്ങള്‍ക്കും വിധിതീര്‍പ്പുകള്‍ക്കും അടിസ്ഥാനം വരദാചാരി എന്ന ഐഎഎസ് ഉദ്യോഗസ്ഥന്റെ മൊഴിയാണ്. ആ മൊഴി സത്യമാണോ അല്ലയോ എന്ന് പരിശോധിച്ചു മാത്രമേ, മൂന്നാമതൊരാളിന് അതേക്കുറിച്ച് ഒരഭിപ്രായം സ്വരൂപിക്കാന്‍ കഴിയൂ. ശത്രുസ്ഥാനത്ത് പിണറായി പ്രതിഷ്ഠിച്ച് നിഴല്‍യുദ്ധം നടത്തുന്ന ഏതൊരുവനും പിണറായിയ്ക്കെതിരെ ഉന്നയിക്കപ്പെടുന്ന ഏതാരോപണവും സുപ്രീം കോടതി വിധി പോലെ സ്വീകാര്യമായിരിക്കും.

തന്റെ തല പരിശോധിക്കണമെന്ന് പിണറായി വിജയന്‍ ഫയലിലെഴുതി എന്ന് ഒരുദ്യോഗസ്ഥന്‍ പറഞ്ഞത് കേട്ടപാടെ കയറെടുത്ത് തുളളിയവര്‍ അതാണ് ചെയ്തത്.

കളളമൊഴി സ്ഥാപിക്കാനുളള തെളിവ് കിട്ടാതായപ്പോള്‍, തെളിവ് മുക്കിയെന്ന അടുത്ത കഥ ജനിച്ചു. കളളമൊഴി സ്ഥാപിക്കാനായി തട്ടിക്കൂട്ടിയ സാക്ഷികളുടെ മൊഴിയിലും വൈരുദ്ധ്യം. ഒരാള്‍ പറയുന്നു ഫയലെന്ന്, മറ്റെയാള്‍ പറയുന്നു അര്‍ദ്ധ ഔദ്യോഗിക കത്തെന്ന്. ഒട്ടേറെ വൈരുദ്ധ്യങ്ങളുളള ഈ മൊഴികളെക്കാള്‍ കൃത്യവും സൂക്ഷ്മവുമാണ് പിണറായി വിജയന്റെ മൊഴി.

സഹകരണ വകുപ്പിലെ വിഷയവുമായി ബന്ധപ്പെട്ട് ഈ പരാമര്‍ശം നടത്തിയിട്ടുണ്ട് എന്ന് പിണറായി സമ്മതിക്കുമ്പോള്‍, അതിനാധാരമായ തെളിവു കണ്ടെത്താന്‍ സിബിഐ ശ്രമിച്ചിരുന്നെങ്കില്‍ നിഗമനം മറ്റൊന്നായേനെ. മറിച്ച് വരദാചാരിയുടെ ആരോപണത്തിന് തെളിവുണ്ടാക്കാന്‍ പോയപ്പോഴാണ് സിബിഐ പടുകുഴിയില്‍ ചെന്നു വീണത്.

ഫയല്‍ മുക്കിയെന്ന കേസിന്റെ കൊണവതിയാരവും കിടിലമല്ലേ...

വോട്ടെടുപ്പിന് അഞ്ച് ദിവസം മുമ്പ് അഡ്വക്കേറ്റ് നെയ്യാറ്റിന്‍കര പി നാഗരാജ്, തിരുവനന്തപുരം അഡീഷണല്‍ ചീഫ്‌ ജുഡീഷ്യല്‍ മജിസ്‌ട്രേറ്റ്‌ എസ്‌.സന്തോഷ്‌ കുമാര്‍ മുമ്പാകെ ഒരു പരാതി സമര്‍പ്പിക്കുന്നു. ലാവലിന്‍ ഇടപാടുമായി ബന്ധപ്പെട്ട ഫയലുകള്‍ പൂഴ്ത്തിവെയ്ക്കുകയും മറച്ചു വെയ്ക്കുകയും ചെയ്തുവെന്നാണ് വക്കീലിന്റെ ആരോപണം.

കടലാസ് കിട്ടിയ പാടെ,
പിണറായി വിജയന്‍, കോടിയേരി ബാലകൃഷ്‌ണന്‍ എന്നിവരടക്കം ഏഴു പേരെ പ്രതികളാക്കി ഇന്ത്യന്‍ ശിക്ഷാ നിയമത്തിലെ 120 ബി, തെളിവു നശിപ്പിച്ചതിന്‌ 201, മോഷണത്തിന്‌ 380, പൊതുകാര്യസാദ്ധ്യത്തിനായുള്ള കൂട്ടായ്‌മയ്‌ക്ക്‌ 34 എന്നീ വകുപ്പുകള്‍ പ്രകാരം കേസെടുക്കാന്‍ ജഡ്ജി ഉത്തരവു കൊടുത്തു. ഒന്നാം സാക്ഷി വിഎസ് അച്യുതാനന്ദന്‍.

സിബിഐ അന്വേഷിച്ച് ഹൈക്കോടതിയുടെ മേല്‍നോട്ടത്തില്‍ നടപടിക്രമങ്ങള്‍ ആരംഭിച്ച കേസില്‍ മജിസ്ട്രേറ്റിന് എന്തുകാര്യമെന്ന ചോദ്യം അവിടെ നില്‍ക്കട്ടെ.

പരാതിയില്‍ പറയുന്ന പ്രകാരം ഒരു ഫയലുണ്ടോ, വരദാചാരി പറയും പ്രകാരം ഒരു കുറിപ്പ് പിണറായി വിജയന്‍ എഴുതിയിട്ടുണ്ടോ എന്നൊക്കെ അന്വേഷിച്ചതിന് ശേഷമാണ് പ്രതിയും സാക്ഷികളുമൊക്കെ ഉണ്ടാകുന്നത്. ഇവിടെ അന്വേഷണത്തിനു മുമ്പു തന്നെ പ്രതികളെ തീരുമാനിച്ചു, സാക്ഷിയായി വിഎസിനെ കോടതി നിയമിക്കുകയും ചെയ്തു.

ഇവിടെ എങ്ങനെയാണ് വിഎസ് സാക്ഷിയാകുന്നത്. ലാവലിന്‍ സംബന്ധിച്ച ഫയലുകള്‍ താന്‍ കണ്ടിട്ടുണ്ടെന്നോ, മൂന്നും നാലും പ്രതികള്‍ ചേര്‍ന്ന് അത് പൂഴ്ത്തിവെയ്ക്കുകയും വിവരങ്ങള്‍ മറച്ചു വെയ്ക്കകയും ചെയ്യുന്നതിന് താന്‍ ദൃക്സാക്ഷിയായിരുന്നുവെന്നോ വിഎസ് ഏതെങ്കിലും തരത്തില്‍ പരാതിക്കാരനോടോ ജഡ്ജിയോടോ പറഞ്ഞിട്ടുണ്ടോ? കേസിലെ സാക്ഷിപ്പട്ടികയില്‍ ഇടംനേടാന്‍ പാകത്തിന് ഒരു പരാമര്‍ശവും ഇതുവരെ മുഖ്യമന്ത്രിയെന്ന നിലയിലോ അല്ലാതെയോ വിഎസ് നടത്തിയിട്ടില്ല. പിന്നെങ്ങനെ സന്തോഷ് കുമാറിന് വിഎസിനെ സാക്ഷിയായി നിയമിക്കാനാവും?

ലാവലിന്‍ കേസിലെ ചോദ്യങ്ങള്‍ നിലയ്ക്കുന്നേയില്ല...

മൂര്‍ത്തി said...

ഇത്തരം വാര്‍ത്തകളുടെ തെരഞ്ഞെടുപ്പ്, പ്രസിദ്ധീകരണം, പ്രചരണം എന്നിവയിലൊക്കെ ഒരു പാറ്റേണ്‍ ഉണ്ട്. പിണറായി വിജയനോ സി.പി.എമ്മിനോ, ഇടതുപക്ഷത്തിനോ എതിരെ ആരെന്ത് പറഞ്ഞാലും അത് സത്യമായി ഗണിക്കപ്പെടുന്നു. അല്ലെന്ന് തെളിയിക്കേണ്ട ബാധ്യത അവരുടേത്. ആരോപണം ഉന്നയിച്ചവരോട് തെളിവുണ്ടോ എന്ന പ്രാഥമികമായ ചോദ്യം പോലും ആരും ചോദിക്കുന്നില്ല. തിരിച്ച് ഒരു ആരോപണം വന്നാല്‍, ആരോപണ വിധേയരാകുന്ന വ്യക്തികളെ, മാധ്യമങ്ങളെ ഒക്കെ പ്രതിരോധിക്കാന്‍ മുന്‍പ് ചോദ്യം ചോദിക്കാന്‍ മറന്നവര്‍ തന്നെ റെഡിയായി നില്‍പ്പുമാണ്. തങ്ങള്‍ക്ക് ആവശ്യമുള്ള വാര്‍ത്തകള്‍ നിര്‍മ്മിക്കുന്നതിനായി ഭരണകൂടസ്ഥാപനങ്ങളെ ഉപയോഗിക്കാനും അവര്‍ തയ്യാറാകുന്നു. ശതമന്യുവിന്റെ ഈ പോസ്റ്റിലെ പല ചോദ്യങ്ങളും ഉത്തരം അര്‍ഹിക്കുന്നുണ്ട്.

kaalidaasan said...

ഇലാത്ത ഫയല്‍ മുക്കിയേ എന്നാരും ആവര്‍ത്തിക്കുന്നില്ല. അതു സംബന്ധിച്ച് ഒരു കേസുണ്ടെന്നു സൂചിപ്പിച്ചേ ഉള്ളു.

ഫയല്‍ മുക്കിയത് സി ബി ഐ കേസുമായി ബന്ധപ്പെട്ടതല്ല. ഫയല്‍ മുക്കിയോ ഇല്ലയോ എന്നു തെളിയിക്കേണ്ട ബാധ്യതയും സി ബി ഐക്കില്ല. സി ബി ഐ കേസ് ചാര്‍ജ് ചെയ്തത്, സാക്ഷിമൊഴികളുടെ അടിസ്ഥാനത്തിലാണ്. കോടതി കേസ് പരിഗണിക്കുമ്പോള്‍ ഈ ഫയല്‍ വളരെ പ്രധാനപ്പെട്ടതാണെങ്കില്‍ അത് ബന്ധപെട്ടവരോട് ഹാജരാക്കാന്‍ പറയും . അങ്ങനെ ഒരു ഫയല്‍ ഇല്ലെങ്കിലും അത് കേസിനെ ബധിക്കണമെന്നും ഇല്ല. ഒരു വരദചാരിയുടെ മാത്രം മൊഴിയുടെ അടിസ്ഥാനത്തിലുമല്ല ഈ കേസ് നിലനില്‍ക്കുന്നത്.

ഏതു കോണ്ടക്സ്റ്റിലാണ്, തല പരിശോധിക്കണമെന്നെഴുതിയത് എന്ന് തെളിയിക്കാനുള്ള ബാധ്യത പിണറായിക്കുമുണ്ട്. കോടതി തെളിവുകളേ സ്വീകരിക്കൂ. വരദചാരി പറഞ്ഞത് കള്ളമാണെങ്കില്‍ ഒരു കോടതിയും അത് വിശ്വസിക്കില്ല. വരദചാരിയുടെ മൊഴി സി ബി ഐ സ്വീകരിച്ചു എന്നു കരുതി കോടതി സ്വീകരിക്കണമെന്നില്ല. സ്വീകരിക്കേണ്ടതാണെങ്കില്‍ മാത്രം സ്വീകരിക്കും .

സി ബി ഐ പത്രവാര്‍ത്തകളിലൂടെ പോകണമെന്ന് ആര്‍ക്കും ആവശ്യപ്പെടാനാവില്ല. സഹകരണ വകുപ്പിന്റെ കാര്യത്തിലാണ്, പിണറായി തലപരിശോധിക്കണമെന്നു പറഞ്ഞതെന്ന്, പിണറായിക്കു നിഷ്പ്രയാസം തെളിയിക്കാം . പക്ഷെ അത് സാഹചര്യത്തെളിവായി കോടതി സ്വീകരിച്ചേക്കാം . ഒരു വിഷയത്തില്‍ ഐ എ സ് ഉദ്യോഗസ്ഥന്റെ തല പരിശോധിക്കണമെന്ന്, ഒരു മന്ത്രി ഫയലില്‍ എഴുതിയെന്നു സമ്മതിക്കുന്നതിന്റെ പ്രാധാന്യം, എന്താണെന്ന് മാനസിലാക്കാതെയാണിങ്ങനെ ഒക്കെ എഴുതുന്നത്.


ഏതു കോണ്ടെക്സ്റ്റിലായാലും ഒരുദ്യോഗസ്ഥന്റെ തല പരിശോധിക്കണമെന്നൊക്കെ ഒരു പരിഷ്കൃത സമൂഹത്തിലെ ജനാധിപത്യ രാജ്യത്തെ ഉത്തരവാദപ്പെട്ട മന്ത്രി പറയുന്നത് ആശാസ്യമുള്ള സംഗതിയല്ല. അത് ധാര്‍ഷ്ട്യത്തിന്റെ ലക്ഷണമാണ്. ഒരു കോടതിയും അത് നിസാരമായി എടുക്കില്ല. വേറൊരു സാഹചര്യത്തില്‍ പിണറായി അതാവര്‍
ത്തിച്ചേക്കാം എന്നു കരുതന്‍ എല്ലാ ന്യായവുമുണ്ട്. വരദചാരിയുടെ മൊഴി സ്വീകരിക്കണോ വേണ്ടയോ എന്ന് കോടതി ഇതിന്റെ വെളിച്ചത്തിലേ തീരുമാനിക്കൂ. ഫയല്‍ കണ്ടില്ലെങ്കിലും സാഹചര്യത്തെളിവുകള്‍ വച്ച് വരദചാരിയുടെ മൊഴി കോടതിക്ക് സ്വീകരിക്കാവുന്നതുമാണ്.

ഏതെല്ലാം കത്തുകള്‍ ആവിയായി എന്നൊക്കെ കോടതി നിശ്ചയമായും പരിശോധിക്കും. പ്രതികളുടെയും സാക്ഷികളുടെയും മൊഴികളും മറ്റനുബന്ധരേഖകളുമൊക്കെ പരിശോധിച്ചു തന്നെയേ കോടതി വിധിപറയൂ. പിണറായി നിരപരാധിയാണെങ്കില്‍ ഒരു കോടതിയും ശിക്ഷിക്കില്ല.

കിരണ്‍ തോമസ് തോമ്പില്‍ said...

പത്രസമ്മേളനത്തില്‍ സഹ മന്ത്രിയേ പോഴന്‍ എന്നൊക്കെപ്പറയുന്ന സംസ്കാര സമ്പന്നത പിണറായി വിജയന്‍ കണ്ടുപഠിക്കട്ടേ.

നട്ടപിരാന്തന്‍ said...

സിസ്റ്റര്‍ അഭയ കേസ്സില്‍ നമ്മുടെ ഡീക്കന്‍ ബൂലോഗത്തില്‍, സഭയെ പ്രതിരോധിച്ച് നിര്‍ത്തുന്നു.

ഇവിടെ, സ.പിണറാ‍യിയെ, സ.മാരീചന്‍ പ്രതിരോധിക്കുന്നു.....

പാര്‍ട്ടി നന്നാവണമെന്ന് നമ്മള്‍ക്കാര്‍ക്കും ആഗ്രഹമില്ലല്ലോ, അല്ല നല്ല പാര്‍ട്ടിയില്‍ ഇങ്ങനെ ചക്കളാത്തി പോരു ഉണ്ടാവില്ലല്ലോ.

Baiju Elikkattoor said...

mukhyamantriya ethu ooshanthadikkum "mandabhudhi" ennu vilikkamo..?

mon said...

ഏതു കോണ്ടെക്സ്റ്റിലായാലും ഒരുദ്യോഗസ്ഥന്റെ തല പരിശോധിക്കണമെന്നൊക്കെ ഒരു പരിഷ്കൃത സമൂഹത്തിലെ ജനാധിപത്യ രാജ്യത്തെ ഉത്തരവാദപ്പെട്ട മന്ത്രി പറയുന്നത് ആശാസ്യമുള്ള സംഗതിയല്ല. അത് ധാര്‍ഷ്ട്യത്തിന്റെ ലക്ഷണമാണ്.----Kaalidasan


Kaalidaasan chetta, njanoru paavam vivaramillathavan. Athu kondoru samsayam chodikkukayaanu, aa pinaraayi enthu thettu cheythathukonadaanu patrangalum maadhyamangalum budhijeevikalum(?) koodi angere ingane peedippikkunnathu? angu paranja kaaryam thanne edukkam pinarayiyude dharshtyam aanallo fayalil thala parisodhikkanamennu ezhuthaan kaaranam. ee dhaarshtyathinu parayunna peraano lavalin? dharshtyam kondu fayail ezhuthi ennathinu pakaram lavalin casil ezhuthi ennanu innu vare paranj kettathu.dhaarshtyam enna vaaku,deshabhimaani thala parishodhanayude nijasthithi kandu pidikkunnathuvare aarum upayogichu kandilla.athu kondaanu, thettaanenkil kshamikkane!!

Rajeeve Chelanat said...

"കറന്റും കാന്‍സറും തമ്മിലെന്തു ബന്ധം എന്നായിരുന്നു തന്റെ ചോദ്യം". ആരുടെ തലയാണ് അടിയന്തിരമായി പരിശോധിക്കേണ്ടത് എന്ന് ആ ഒരൊറ്റ ചോദ്യം കൊണ്ടുതന്നെ നന്നായി വെളിവാകുന്നുണ്ട് കാളിദാസാ.

പ്രസക്തമായ പോസ്റ്റ് മാരീചാ.

അഭിവാദ്യങ്ങളോടെ

താപ്പു said...

പിണറായി ഭക്തിയില്‍ തേനൊഴുകുന്ന മാരീച രോദനം കണ്ട് ഏതെങ്കിലും മനുഷ്യാവകാശ പ്രവര്‍ത്തകരുടെ കണ്ണൂ തുറക്കാതിരിക്കില്ല.. വഴിയരുകില്‍ ഇങ്ങനെയിരുന്നു നിരന്തരം കരയുന്ന 'തന്തയില്ലാ പിള്ളയ്ക് ആരെങ്കിലും വല്ലതും കൊടുങ്കോ’ യെന്നു ഒരു ബോര്‍ഡ് എഴുതി വെച്ചാല്‍ നന്നായിരുന്നു.മാരീച വിചാരങ്ങൾ കേട്ടാൽ വരദാചാരിയുടെ ഒരൊറ്റ മൊഴിയിലാണ് ലാവ്‌ലിന്‍ കേസ്സ് മുഴുവന്‍ നില്‍കുന്നത് എന്നു തോന്നും. തന്റെ കീഴില്‍ ജോലി ചെയ്തിരുന്ന ഉദ്ദ്യോഗസ്ഥന്റെ തല പരിശോധിക്കണമന്നു നോട്ടെഴുതിയ രാഷ്ട്രീയ നേതാവിന്റെ സഹജീവികളെകുറിച്ചുള്ള ബോധം എങ്ങനെയെന്ന് ഇത്തരകൊരു പോസ്റ്റ് എഴുതുന്നതിനു മുമ്പ് ഈ മണിയന്മാര്‍ ആലോചിക്കാത്തതെന്തേ? നിയമാനുസൃതമായ കാര്യങ്ങളില്‍ വീഴ്ച വരുത്തിയാലോ, മറ്റ് താത്പര്യങ്ങളാൽ പ്രവര്‍ത്തിച്ചാല്ലോ അതിനെ ശാസിക്കാനും മേല്‍ നടപടിയെടുക്കാനും മേലുദ്ദ്യോഗസ്ഥന്മാര്‍ക്കും ,മന്ത്രിമാര്‍ക്കും അധികാരമുണ്ട്. എന്നിരിക്കേ ഒരു കീഴുദ്ദ്യോഗസ്ഥനെ മാനസികമായി ആക്രമിക്കുകയും , ഭ്രാന്താണെന്നു നോട്ടെഴുതുകയും ചെയ്യുന്നതിലെ കിരാതത്വം മനുഷ്യന്മാര്‍ക്കു മാത്രമേ മനസ്സിലാവൂ. എന്തിനാണ് ഒരു രാഷ്ടീയ നേതാവ് ഇപ്രകാരം ഒരു സര്‍ക്കാര്‍ ഫയലില്‍ എഴുതിയത്.. പിണറായി വിജയന്‍ എന്ന കരിയറിസ്റ്റ് രാഷ്ടീയ വ്യക്തിത്വം ഉദ്യോഗസ്ഥരോടും, മാധ്യമ പ്രവര്‍ത്തകരോടും , പാര്‍ട്ടി പ്രവര്‍ത്തകരോടും എടുക്കുന്ന വിരട്ടല്‍ തന്ത്രമാണ്. “ ഞാനെന്തും ചെയ്യും നീയാരു ചോദിക്കാന്‍ “. ഫയലില്‍ കുറിപ്പെഴുതിയാന്‍ ,
നിന്റെ തല പരിശോധിക്കാന്‍ മുഖ്യമന്ത്രിയ്കു ഞാന്‍ നോട്ടെഴുതും ,വാര്‍ത്ത കൊടുത്താല്‍ ആളെ വിട്ടു കൈ കാര്യം ചെയ്യും, കമ്മറ്റിയില്‍ എതിര്‍ത്താല്‍ അതോടെ നിന്റെ പൊതുജീവിതമവസാനിപ്പിക്കും . ഈ സ്റ്റാലിനിസ്റ്റ് തന്ത്രമാണ് പിണറാ‍യി വിജയനെ ഇന്നു കാണുന്ന സര്‍വ്വ സൈന്യാധിപനാക്കിയത്. ആ ഭയത്തിലും ഭക്തിയിലുമാണ് മുകളില്‍ കണ്ട പോസ്റ്റുകള്‍ പോലും പിറക്കുന്നത് ലാവ്‌ലിന്‍ കേസ്സിനാധാരാമായ സംഗതികള്‍ വരദാചാരിയുടെ ഏതെങ്കിലും ഒരു വെളിപ്പെടുത്തലിലാണെന്നു ധരിച്ചു വശായ കോമാളികള്‍ ഇപ്പൊഴും അവശേഷിക്കുന്നുണ്ടോ.? പാര്‍ട്ടിയിലും പൊതു ജീവിതത്തിലും പിണറായി വിജയന്റെ മറുഗ്രൂപ്പുകരനെന്നും ആന്റി ഹീറോയെന്നും പറയുന്ന അചുതാന്ദന്‍ , പോളിറ്റ് ബ്യൂറോയെ ബോധ്യപ്പെടുത്താന്‍ ഹാജരാക്കിയ ഏതെങ്കിലും വാദഗതിയുടെ അടിസ്ഥാനത്തിലാണോ സി.ബി.ഐ പോലുള്ള അന്വേഷണസംഘം കേസ്സ് ഫയല്‍ ചെയ്യുന്നത്. ക്രിമിനല്‍ കേസ്സുകളുടെ അന്വേഷണരീതികളെ കുറിച്ച് സാമാന്യ ബോധമുള്ള ഒരു പോലീസുകാരനു ഇതൊക്കെ ബോധ്യമാവുന്നതാണ്, അതിനു മുരശു കൊട്ടി പാടി നടക്കുന്ന മണിയന്മാരെ പോലെ ഡോക്ടര്‍ ബിരുദമൊന്നും ആവശ്യമില്ല.
ലോകത്തിലെ സാമ്രാജ്യത്വത്തിന്റെ അധിനിവേശ സംഘങ്ങളില്‍ ഏറ്റവും മുന്നില്‍ നില്‍ക്കുന്നതും നൂറുകണക്കിനു രാജ്യങ്ങളൂടെ ഭരണകേന്ദ്രങ്ങളില്‍ ഭംഗിയായി ഓപ്പറേറ്റ് ചെയ്യുന്നതുമായ ലാവ്‌ലിന്‍ പവര്‍ മാഫിയായുടെ അധിനിവേശ തന്ത്രങ്ങളും അവര്‍ സ്വാധീനിച്ച വഴികളും ചന്തയിലെ മീന്‍ കാരിപ്പെണ്ണൂങ്ങള്‍ വിളിച്ചു പറയുന്ന സ്വകാര്യ തെറികള്‍ പൊലെ വെളിപ്പെടുന്നതാണെന്ന്, ഈ മുരളീ വായനക്കാർ ധരിച്ചു പോയല്ലോ..? കുഞ്ഞുകുട്ടി പരാധീനക്കാരനായ കേരളത്തില്‍ ജീവിക്കുന്ന ഒരാള്‍ പിണറായി വിജയനെതിരെ സാക്ഷി പറയുമെന്നു ഏതെങ്കിലും മലയാളി കരുതുന്നുണ്ടോ...?ലാവിലിന്‍ കേരളത്തില്‍ വന്ന വഴി അന്വേഷിക്കാന്‍ എന്റെ മക്കള്‍ തുനിയേണ്ട .അതിനുള്ള പഠിപ്പു തികഞ്ഞിട്ടില്ല. അതിന്റെ എല്ലാ കണ്ണികളെയും അന്വേഷണ ഉദ്ദ്യോഗസ്ഥന്മാര്‍ കണ്ട് ചോദ്യം ചെയ്തിട്ടുണ്ട്.അതിനു പിന്നില്‍ പ്രവര്‍ത്തിച്ച ഓരോരുത്തന്റെയും മനതാരിലെ ആശകള്‍ അവര്‍ രേഖപ്പെടുത്തിയിട്ടുണ്ട്. കേസ്സ് കോടതിയില്‍ എത്തിയതല്ലേയുള്ളൂ. മണിയാ..ധൃതി പിടിയ്ക്കാതെ...പിണറായി ഭക്തിമൂത്ത് നില്‍ക്കുകയാണെങ്കില്‍ വിജയഗാഥ ഒരു പാട്ടു പുസ്തകമാക്കി നാട്ടിമ്പുറങ്ങളിലെ ചന്തകളില്‍ ചപ്ലാംകട്ടയടിച്ച് പാടി നടന്നാല്‍ മതി. ജീവിതം ഉത്തരോത്തരം ശോഭനമാകാതിരിക്കില്ല.
സുഹൃത്തേ ഒരു സ്വകാര്യം.....
“ഇന്ത്യാ മഹാരാജ്യത്തിന്റെ സുരക്ഷയെ കുറിച്ചുള്ള ഒരു വലിയ രഹസ്യം താങ്കള്‍ അറിയാനിടയായി എന്നു കരുതുക . താങ്കളുടെ മുന്നില്‍ ഏ.കെ.ആന്റണിയും പിണറായിവിജയനും മന്ത്രിമാരായി മുന്നിലുണ്ടെന്നും കരുതുക. ഈ രഹസ്യം താങ്കള്‍ ആര്‍ക്കു കൈമാറും...”
സൂക്ഷിക്കുക “ശേഷകാലം താങ്കള്‍ ഇന്ത്യയില്‍ ജീവിച്ചിരിക്കുകകൂടി വേണം കേട്ടോ?

മാരീചന്‍‍ said...

ബ്ലോഗെഴുതുമ്പോള്‍ താപ്പുവിനെപ്പോലെ പലതന്തയ്ക്കു പിറന്നവരുടെ രോദനവും കേള്‍ക്കേണ്ടി വരുമെന്ന് അറിഞ്ഞിട്ടു തന്നെയാണേ ഇതൊക്കെ എഴുതുന്നത്...

ടെക്നിക്കാലിയയും കമല ഇന്റര്‍നാഷണലും ഒടുവില്‍ വരദാചാരിയുടെ മൊഴിയും തകര്‍ന്നു തരിപ്പണമായതിന്റെ അരിശം തീര്‍ക്കാന്‍ എന്നെ തന്തയ്ക്കു വിളിച്ചിട്ട് എന്തു കാര്യം താപ്പുവേ... സിബിഐയുടെ അന്വേഷണ രീതിയും റിപ്പോര്‍ട്ടിന്റെ കൊണവതിയാരവുമൊക്കെ ഏതാണ്ട് എല്ലാവര്‍ക്കും ബോധ്യമായി വരുന്നുണ്ട്. അതുകൊണ്ടാണല്ലോ, വരദാചാരിയെ ആഘോഷിച്ച മാധ്യമത്താപ്പുമാര്‍ക്ക് ഇന്നലെയും ഇന്നുമൊക്കെ മിണ്ടാട്ടം മുട്ടിയത്...

ചപ്ലാംകൊട്ടയടിച്ചും നാട്ടിന്‍പുറത്തെ ചന്തകളില്‍ കൂട്ടിക്കൊടുത്തും ഉത്തരോത്തരം ജീവിതം ശോഭനമാക്കുന്ന താപ്പുവിനെപ്പോലുളളവര്‍ സ്വന്തം തൊഴില്‍മേഖലയില്‍ അംഗബലം കൂട്ടാന്‍ ശ്രമിക്കുന്നത് കണ്ട് അത്ഭുതമൊന്നും തോന്നുന്നില്ല. ആ യൂണിയന്റെ തൊഴിലാളി നേതാവായി താപ്പു ഉത്തരോത്തരം ജീവിക്കാന്‍ എല്ലാ ആശംസകളും നേരുന്നു....

മാനവീയം said...

താപ്പു എന്ന നപുംസകത്തിന്

പോയി ചെന്നിത്തലയുടെ അടിവസ്ത്രം കഴുകി കൊടുക്ക്. അതാ തനിക്ക് പറ്റിയ ജോലി

സീരിയസ്സായി ചർച്ച നടക്കുന്ന സ്ഥലത്ത് വന്ന് വിവരക്കേട് വിളമ്പാതെ പോയി എൻ ഡി എഫിനു വേണ്ടി രാജ്യത്തെ ഒറ്റിക്കൊടുക്കെടൈ ജിഹാദി

കിരണ്‍ തോമസ് തോമ്പില്‍ said...

തലപരിശോധനക്ക്‌ ബ്ലോഗില്‍ ഉണ്ടായിരുന്ന സ്വാധീനം ഈ ലിങ്കുകളില്‍ വായിക്കുക
ഒന്ന്
രണ്ട്‌
മൂന്ന്

kaalidaasan said...

മോനേ,

പിണറായിയെ ആരെങ്കിലും പീഡിപ്പിക്കുന്നതായി എനിക്ക് തോന്നുന്നില്ല. ഇന്‍ഡ്യയില്‍ നൂറു കണക്കിനു മുന്‍ മന്ത്രിമാര്‍ക്കെതിരെ അഴിമതി കേസുകള്‍ വന്നിട്ടുണ്ട്. അതു പോലെയൊന്ന് പിണറായികെതിരെയും വന്നു. പക്ഷെ അതുള്‍ക്കൊള്ളാന്‍ പിണറായിക്കും കൂട്ടര്‍ക്കും ആവുന്നില്ല. അതു കൊണ്ട് അതിനെതിരെ സൂര്യനു കീഴെയുള്ള എല്ലാവരെയും പുലഭ്യം പറഞ്ഞു നടക്കുന്നു. ജനങ്ങള്‍ അതു കേട്ടു രസിക്കുന്നു. ആ രസച്ചരടു മുറിയാതിരിക്കാനുള്ള ചൂടുള്ള വിഭവങ്ങള്‍ മാധ്യമങ്ങള്‍ നല്‍കുന്നു. പൂച്ച എലിയെ കളിപ്പിക്കുമ്പോലെ. അഴിമതി കേസ് കോടതിയില്‍ നേരിടാനുള്ള ചങ്കൂറ്റം കാണിച്ചിരുന്നെങ്കില്‍ ആരും അദ്ദേഹത്തെ കളിപ്പിക്കില്ലായിരുന്നു.

ധാര്‍ഷ്ട്യത്തിനു വേറെ എന്തെങ്കിലും പേരു ഞങ്ങളുടെ നാട്ടില്‍ പറയാറില്ല. ധാര്‍ഷ്ട്യം എന്നു തന്നെയേ പറയാറുള്ളൂ. അമേരിക്ക പോലുള്ള നാടുകളില്‍ ഒരു മന്ത്രി, ഏതെങ്കിലും ഉദ്യോഗസ്ഥന്റെ തല പരിശോധിക്കണം, എന്ന് ഫയലില്‍ എഴുതിയാല്‍ പിറ്റേ ദിവസം അദ്ദേഹം കസേരയില്‍ കാണാനുള്ള സാധ്യത വളരെ വിരളമാണ്.


ലാവലിന്‍ കേസ് ആര്‍ക്കെങ്കിലും എഴുതാവുന്ന ഒരു ഫയലാണെന്ന് എനിക്ക് ഇന്നാണു മനസിലായത്, അതും മോനില്‍ നിന്നു. എന്റെ അറിവില്‍ പിണറായി ഒരു കടലാസിലാണെഴുതിയത്. വരദചാരി എന്ന ഐ എ എസ് ഉദ്യോഗസ്ഥന്‍ പറഞ്ഞു, അത് ലാവലിന്‍ കരാറിനേപ്പറ്റി പരാമര്‍ശിക്കുന്ന ഫയലില്‍ ആണെന്ന്. മാധ്യമ സിന്‍ഡിക്കേറ്റുകളെ ഉദ്ധരിച്ച് മാരീചന്‍ പറയുന്നു, അത് സഹകരണ വകുപ്പിനേ സംബന്ധിച്ച ഒരു ഫയലില്‍ ആണെന്ന്. വരദാചാരി പറയുന്നു, സഹകരണ വകുപ്പിലെ ഫയലിലും എഴുതിയിരിക്കാം , പക്ഷെ അദ്ദേഹം അത് കണ്ടിട്ടില്ല എന്നും. ഈ വിവരങ്ങള്‍ വച്ച് മോനെന്തു വേണമെങ്കിലുമനുമാനിക്കാം . എന്തായലും പിണറായിയും വരദചാരിയും ഇത് കോടതിയില്‍ പയറ്റി തീര്‍ക്കട്ടെ.

ദേശാഭിമാനി തല പരിശോധനയുടെ നിജ സ്ഥിതി കണ്ടുപിടിച്ചതായി എനിക്ക് തോന്നിയിട്ടില്ല. ദേശാഭിമാനി ലാവലിന്‍ കേസിന്റെ നിജ സ്ഥിതി കണ്ടുപിടിച്ച് പിണറായിയെ കുറ്റവിമുക്തനാക്കിയിട്ട് എത്രയോ കാലമായി. പക്ഷെ ഇന്‍ഡ്യന്‍ നീതിന്യായവ്യവസ്ഥ പത്രങ്ങളെ ഒന്നിന്റെയും നിജ സ്ഥിതി കണ്ടു പിടിക്കാന്‍ അധികാരപ്പെടുത്തിയിട്ടുള്ളതായി ഞാന്‍ കേട്ടിട്ടില്ല.

തല പരിശോധിക്കണം എന്ന വാക്ക് ധാര്‍ഷ്ട്യമായി എനിക്ക് തോന്നി. അത് മഹത്തായതാണെന്നു മോനു കരുതാം.

ലോക പ്രസിദ്ധ മാര്‍ക്സിസ്റ്റാചാര്യന്‍ കെ എ എന്‍ കുഞ്ഞഹമ്മദ്
എടോ ഗോപാലകൃഷ്ണാ എന്നും, പോടാ പുല്ലേ എന്നും പറയുന്നത് വര്‍ഗ്ഗ സമരത്തിന്റെ ഭാഗമാണെന്നാണ്.
വര്ഗ്ഗസമരത്തിന്റെ മറ്റു പലതും അദ്ദേഹത്തിന്റെ നാറുന്ന മാറാപ്പില് കാണാം. ഒട്ടും വൈകാതെ തല പരിശോധിക്കണം എന്നതും വര്‍ഗ്ഗ സമരത്തിന്റെ ഭാഗമായി വ്യാഖ്യാനിക്കുന്നത് അദ്ദേഹത്തില്‍ നിന്നും കേള്‍ക്കാനുള്ള മഹാഭാഗ്യം നമുക്ക് കിട്ടുമെന്ന് പ്രതീക്ഷിക്കാം. പഴയ ജന്‍മിമാരെ ഇന്ന് കീഴാളര്‍ എടാ എന്നും പോട എന്നും വിളിക്കുന്നത് വര്‍ഗ്ഗ സമരമാണെങ്കില്‍, ബ്രാഹ്മണ മൂരാച്ചിയായ വരദചാരിയുടെ തല പരിശോധിക്കുന്ന കലാപരിപാടി തീര്‍ച്ചയായും വര്‍ഗ്ഗ സമരത്തിന്റെ ഭാഗമായി കണക്കാക്കാം .

kaalidaasan said...

രാജീവേ,

ക്യാന്‍സര്‍ സെന്ററിന്റെ ധനസഹായം ​വൈദ്യുതി കരാറിനുള്ള പാരിതോഷികമല്ല എന്നാണല്ലോ പല പിണറായി പിന്തുണക്കാരും ബ്ളോഗുകളില്‍ എഴുതിയത്. ഈ കരാറുമായി ബന്ധപ്പെട്ടു തന്നെയാണ്, ധനസഹായം. കേന്ദ്ര വൈദ്യുതി നിയമപ്രകാരം വൈദ്യുതി കരാറുമായി മറ്റു പദ്ധതികള്‍ കൂട്ടികുഴക്കാന്‍ പാടില്ല. അതു ചെയ്യുന്നത് നിയമവിരുദ്ധമാണെന്നായിരുന്നു വരദചാരിയുടെ ആദ്യം മുതലുള്ള നിലപാട്. അത് ചൂണ്ടിക്കാണിച്ച ആളുടെ തലയാണോ പരിശോധിക്കേണ്ടത് അതോ അത് തള്ളിക്കളഞ്ഞ് , ആ ഉദ്യോഗസ്ഥനെ പുലഭ്യം പറഞ്ഞ ആളുടെ തലയാണോ പരിശോധിക്കേണ്ടത്? രാജീവ് തീരുമാനിച്ചില്ലെങ്കിലും കോടതി അത് തീരുമാനിക്കും .

saptavarnangal said...

മാരീചാ,
ഒരു ഓഫ്, ഈ ബ്ലോഗ്ഗ് ഇപ്പോൾ റീഡറിൽ നിന്നും മുഴുവൻ വായിക്കാൻ സാധിക്കുന്നില്ല, അറിഞ്ഞുകൊണ്ട് ഫീഡ് ചുരുക്കിയതാണോ?

ജിവി/JiVi said...

“ഇന്‍ഡ്യയില്‍ നൂറു കണക്കിനു മുന്‍ മന്ത്രിമാര്‍ക്കെതിരെ അഴിമതി കേസുകള്‍ വന്നിട്ടുണ്ട്. അതു പോലെയൊന്ന് പിണറായികെതിരെയും വന്നു. പക്ഷെ അതുള്‍ക്കൊള്ളാന്‍ പിണറായിക്കും കൂട്ടര്‍ക്കും ആവുന്നില്ല. അതു കൊണ്ട് അതിനെതിരെ സൂര്യനു കീഴെയുള്ള എല്ലാവരെയും പുലഭ്യം പറഞ്ഞു നടക്കുന്നു. ജനങ്ങള്‍ അതു കേട്ടു രസിക്കുന്നു“

അതെ, ഇന്ത്യയില്‍ നൂറുകണക്കിനു മുന്‍ മുന്ത്രിമാര്‍ക്കെതിരെ അഴിമതിക്കേസുകള്‍ ഉണ്ടായിട്ടുണ്ട്. അവരെല്ലാം പറഞ്ഞു: “എന്റെ കൈകള്‍ ശുദ്ധമാണ്, കോടതിയില്‍ നിരപരാധിത്വം തെളിയിക്കും”. ഇതാണ് ജനത്തിന്റെ കണ്ണില്‍ പൊടിയിടല്‍. പിന്നീട് കേസുകളില്‍ വേണ്ടവിധത്തില്‍ ഇടപെടലുകള്‍ നടത്തി അവരെല്ലാം ‘നിരപരാധിത്വം‘ തെളിയിച്ചു.

ഇവിടെ പിണറായിക്കെതിരെ കേസുവന്നപ്പോള്‍ അതിന്റെ പിന്നിലെ കളികള്‍ വ്യക്തമാക്കിക്കൊണ്ട്, ഓരോ ആരോപണത്തിനും വിശദീകരണങ്ങള്‍ നല്‍കിക്കോണ്ട് പാര്‍ട്ടി ജനങ്ങളെ സമീപിക്കുന്നു. സി പി എം വിരുദ്ധ മാഫിയ അന്ധാളിച്ചിരിക്കയാണ്. നിരപാരാധിത്വം കോടതിയില്പോയി തെളിയിച്ചുകൂടെ എന്ന ‘നിര്‍ദ്ദോഷചോദ്യം‘ ചോദിക്കുകയാണവര്‍, മില്ല്യണ്‍ ഡോളര്‍ ചോദ്യം എന്ന മട്ടില്‍.

കള്ളന്മാര്‍ക്ക് കൊണ്ടുനടക്കാനാവാത്ത ഗുണവിശേഷമാണ് ധാര്‍ഷ്ട്യം. കള്ളപ്രചാരകര്‍ക്ക് നേരെ ധാര്‍ഷ്ട്യം കാണിക്കുന്ന നേതാക്കന്മാര്‍ ഇനിയുമിനിയും ഉണ്ടായിവരട്ടെ.

suraj::സൂരജ് said...

"കാന്‍സറും കറണ്ടും തമ്മിലെന്തു ബന്ധം ?"

വരദാചാരിയങ്ങത്തയ്ക്ക് ചോദിക്കാന്‍ പറ്റിയ വേറേം ചോദ്യങ്ങളുണ്ടായിരുന്നു :

# "സഹകരണവകുപ്പും ആശുപത്രികളും തമ്മിലെന്തു ബന്ധം? "
# "തദ്ദേശസ്വയം ഭരണവും ഡോക്ടര്‍മാരും തമ്മിലെന്ത് ബന്ധം?"
# "പൊതുമരാമത്തും ആരോഗ്യവും തമ്മിലെന്ത് ബന്ധം ?"
# "പട്ടക്കാരനും ആതുരശുശ്രൂഷയും തമ്മിലെന്ത് ബന്ധം ?"

ഛെ.. ചാന്‍സൊക്കെ കളഞ്ഞില്യോ എന്തോരം മൈലേജ് കിട്ട്യേനെ.

suraj::സൂരജ് said...

മാരീചരേ,
താപ്പുമണിയന്‍ ആട്ടിക്കൊടുക്കുന്ന മണിയേതാണെന്ന് മനസിലായില്ലേ ? മനുഷ്യാവകാശപ്രവര്‍ത്തകരുടെ ശ്രദ്ധയാകര്‍ഷിക്കുന്ന തന്തയില്ലാ പിള്ളകളെപ്പറ്റിയുള്ള "കമ്മ്യൂണിസ്റ്റ് വീര്യ"ത്തിന്റെ അഭിപ്രായവും കിട്ടിയല്ലേ?

ലാവലിന്‍ കേരളത്തില്‍ വന്ന വഴി അന്വേഷിക്കാന്‍ "പഠിപ്പു തികഞ്ഞ" മണിയന്മാരെ താപ്പുത്തമ്പ്രാനെപ്പോലുള്ളവര്‍ ഏള്‍പ്പിച്ചിട്ടുണ്ട്. "സാക്ഷി/പ്രതികളുടെ മനതാരിലെ ആശകള്‍ ഒപ്പിയെടുക്കുന്ന" ആ യന്ത്രം വച്ചാണ് താപ്പുമണിയനെപ്പോലുള്ളവരുടെ അന്വേഷണോദ്യോഗസ്ഥര്‍ കാര്യങ്ങളൊക്കെ "രേഖപ്പെടുത്തുന്നത്". (കുറ്റപത്രം റിലീസ് ചെയ്യുമ്പോള്‍ ത്രീഡിപ്പടത്തിന്റെ കൂടെ കണ്ണട വില്‍ക്കുന്ന പോലെ ഈ “യന്ത്രവും” സിബിഐ മാമന്മാരു വില്‍ക്കുമാരിക്കും.)

ലാവ്‌ലിന്‍ കേസ്സിനാധാരാമായ സംഗതികള്‍ വരദാചാരിയുടെ വെളിപ്പെടുത്തലില്‍ ഉണ്ടെന്ന് ധരിച്ചു വശായ" കോമാളികള്‍ സി.ബി.ഐയിലുണ്ടെങ്കിലെന്ത്, എവിഡന്‍സെന്നും പറഞ്ഞ് അത് കെട്ടിയെഴുന്നള്ളിച്ചെങ്കിലെന്ത്, അത് സ്ഥാപിച്ചെടുക്കാന്‍ വേറെ രണ്ട് ഉദ്യോഗസ്ഥത്തമ്പ്രാന്മാരുടെ തലയും വാലുമില്ലാത്ത മൊഴിമുത്തുകള്‍ കൂടി വാങ്ങിവച്ചെങ്കിലെന്ത്, പത്രപുംഗവന്മാര്‍ തങ്ങളുടെ മുന്‍ വാര്‍ത്തകള്‍ പോലും വിഴുങ്ങി അത് പാടിപ്പതിപ്പിച്ചെങ്കിലെന്ത്.... ചോദ്യം ചെയ്യാന്‍ മാരീചനു പഠിപ്പ് തികഞ്ഞിട്ടില്ല !

മാരീചനെന്നല്ല, താപ്പുത്തമ്പ്രാന്‍ അപ്രൂവലുകൊടുക്കാത്ത ഒരുത്തര്‍ക്കും പഠിപ്പ് തികഞ്ഞിട്ടില്ല. പഠിപ്പൊക്കെ തികച്ചിട്ട് ഇറക്കുന്ന മണിയന്മാര്‍ താപ്പുത്തമ്പ്രാന്റെ യൂണിവേഴ്സിറ്റീന്ന് വരും, അതുവരെ ചപ്ലാങ്കട്ടയുമായി ഒരു സൈഡില്‍ ഇരി മാരീചരേ. "തന്തയില്ലാ പിള്ളേര്‍ " എന്ന്‍ ബോഡെഴുതിക്കൊടുക്കുന്ന ടൂട്ടോറിയലുണ്ട് താപ്പൂന്. - ലവിടെങ്ങാനും പോയിരി.

മാനവീയം said...

കാളിദാസൻ എന്ന തൊഴുത്തിൽ കുത്ത് പോത്തിന്

ഒരു പരിധിവരെ ശ്രീ.വി എസ്സിനെ അംഗീകരിക്കുന്ന ഒരാളണ് ഞാ‍ൻ. പിണറായിയുടെ പല ചെയ്തികളോടും വ്യക്തമായ വിയോജിപ്പുകളും ഉണ്ട്. എന്നാൽ തന്നെ പോലെ ഉള്ള രാജ്‌നാരായൺ/ചരൺസിങ് ആഭാസന്മാരുടെ നീട്ടി വലിച്ചുള്ള വിസർജ്ജനം കാണുമ്പോൾ “ഒന്നു പോയി പണി നോക്കെടൊ ഡാഷേ” എന്ന് പറയാൻ മനസ്സ് വെമ്പുന്നു. ഒരു പണിയും ഇല്ലെങ്കിൽ ചെന്ന് ആലപ്പുഴയിലെ അഴുക്കുചാലുകൾ വൃത്തിയാക്ക്. അങ്ങനെ എങ്കിലും നാ‍ടിനു ഗുണം ഉണ്ടാകട്ടെ.

പിന്നേ.. കണ്ടാലും തോന്നും.. അഭിജ്ഞാന ശാകുന്തളവും മാളവിഗാഗ്നിമിത്രവും എഴുതിയ മഹാത്മാവാണെന്ന്.. താൻ ഒക്കെ തൂങ്ങി ചത്താലെ ഈ നാട് രക്ഷപ്പെടു.

മണക്കൂസൻ പുളുന്തൻ..

പോയി ചാകടോ

Baiju Elikkattoor said...

ethayalum lok sabha thiranjeduppu oru vazhikkayi! nadakkatte, maareechanu koottarum niyama sabha thiranjeduppinulla thayyareduppukal ippozhe thudangiyathu nannayi! pothujanam enna monnakal ella angu vishwasichu vote cheyyum, madani sakhavinte "makkale", "makkale" enna rothanam kandu vote chayyatha pole.....!!! kandaalum padikkilla, kondaalum paidkkilla...!!!!

ജനശക്തി said...

"നിര്‍ത്തുക ഈ ആഭാസം" ഇവിടെ

Swasthika said...

വസ്തുതകള്‍ പറയുമ്പോള്‍ 'കുഴലൂത്ത്,ഭക്തര്‍, സ്തുതിപാടകര്‍'എന്നിങ്ങനെ സ്ഥിരം പുലഭ്യം പറഞ്ഞു കൊണ്ട് എത്രകാലം തള്ളിനീക്കും. മാരീചന്‍ എഴുതിയതിന് യുക്തിയുക്തമായി ഖന്ടിക്കുന്നതിന് പകരം പുതിയതരം അധിനിവേശ പ്രധിരോധം,ചിണ്ടന്‍ ബൈടക്ക് ,ഫത്വ ആണ് അവലംബിക്കുന്നത്. ആരും ഒന്നും മിണ്ടരുത്, അത് അഴീക്കോടോ, മുകുന്ദനോ,കെ.ഇ.എന്നോ ആരായാലും തൂറി കൂക്കി തോല്‍പ്പിക്കും. ചാനല്‍ അന്തിചര്‍ച്ചകളില്‍ വിളിക്കാന്‍ പടുചെറ്റകള്‍ ഉള്ളിടത്തോളം കച്ചോടം തുടരും.
നോക്കൂ, മാതൃഭൂമി (അതെ ദേശീയ ദിനപത്രം തന്നെ,നന്ദ രാ‍മകുമാരന്മാര്ടെ മൂയലാളീടെ പത്രം തന്നെ) ലേഖകന്‍ 1997 സെപ്റ്റംബര്‍ 13 nu എഴുതുന്നു......
"സഹകരണ മന്ത്രി (കടുപ്പിച്ച് വായിക്കുക, സഹകരണ മന്ത്രി,വൈദ്യുതമന്ത്രി എന്നല്ല) പിണറായി വിജയന്‍ തന്നെക്കുറിച്ച് മുഖ്യമന്ത്രിക്ക്‌ അയച്ച കത്തിലെ പരാമര്‍ശം എന്തായാലും അഭിപ്രായം പരയാനില്ല എന്നാണു എസ് .വരടാചാരിയുടെ നിലപാട്.
ഇനി അമര്‍ത്തിവായിക്കുക, മാതൃഭൂമി ലേഖകനോടു വരദാചാരി പറഞ്ഞത് "ഒരു അഭിപ്രായവും പറയുന്നില്ല" പിണറായിയുടെ പരാമര്‍ശം സൃഷ്ടിച്ച കൊലാഹലത്തെക്കുറിച്ച് വരദാചാരി സൌമ്യമായി (?)പറഞ്ഞോഴിഞ്ഞു"

ചില കുനാപ്പന്മാര്‍ ഇപ്പോഴും പറയുന്നത്‌,തലപരിശോധന ലാവലിനുമായി ബന്ധപ്പെട്ടത് തന്നെയെന്നും വരദാചാരി അത് ആവര്‍ത്തിച്ചു എന്നുമാണ്. എങ്കില്‍ എന്തുകൊണ്ട് മാതൃഭൂമി ലേഖകന്‍ ചോദിച്ചപ്പോള്‍ "അന്ന്" വരദാചാരി മാതൃഭൂമി ലേഖകനോടു,നിങ്ങള്‍ ഇന്നലെ റിപ്പോര്‍ട്ട് ചെയ്തത് തെറ്റാണ്,അത് സഹകരണവകുപ്പുമായി ബന്ധപ്പെട്ടല്ല,വളരെ ഗുരുതരമായ,പ്രമാദമായ,അഴിമതി നിറഞ്ഞ ഊര്‍ജ്ജവകുപ്പിലെ കരാറിനെ പറ്റിയാണ് എന്ന് പറഞ്ഞില്ല. ഇങ്ങനെതന്നെയാണ് മാധ്യമാക്കാര്‍ ചില വാര്‍ത്തകള്‍ ചോര്‍ത്തി എടുക്കുന്നതും. എന്നിട്ടും അന്ന് സഹകരണ വകുപ്പിലെ ബാങ്ക് നിക്ഷേപ "തലപരിശോധന" മാത്രമായിരുന്നു പത്രങ്ങളില്‍ മുഴുവന്‍, ലാവലിന്‍ എവിടെയും ഉണ്ടായിരുന്നിലാ.
ഇവിടെയാണ് കാര്യങ്ങള്ടെ ഗുട്ടന്‍സ്‌. അല്ലെങ്കില്‍ അന്ന് വരദാചാരി പറഞ്ഞതാണോ കള്ളം, ഇപ്പോള്‍ പറയുന്നതാണോ ? അന്ന് മാതൃഭൂമിയടക്കമുള്ള പത്രങ്ങള്‍ റിപ്പോര്‍ട്ട് ചെയ്തത് കള്ളമാണോ? അതല്ല ഇപ്പോള്‍ മാഫ്യങ്ങള്‍ പറയുന്നതാണോ പച്ചക്കള്ളം?1997 സെപ്റ്റംബര്‍ 11 മുതല്‍ 17 വരെ പറഞ്ഞത് തെറ്റെങ്കില്‍ ഇന്നത്‌ സത്യമായി മാറിയെങ്കില്‍, ഈ "സത്യം" വീരഭൂമി , അച്ചായന്‍ ഗോയങ്ക ഗോസായി മാഫ്യങ്ങള്‍ക്ക് ഇനിയും തരാതരം മാറ്റി യെഴുതിക്കൂടെ? വെറും എട്ടു പത്തു വര്ഷം കൊണ്ട്,സത്യം പച്ചക്കള്ളമായും തിരിച്ചും രൂപപരിണാമം സംഭവിക്കുന്ന അത്ഭുതം അല്ലെ ഇത്?

ഇവിടെ വരധാചാരി പെട്ടുപോയി, ഇനി അദ്ദേഹത്തിന് ഇപ്പോഴത്തെ അഭിപ്രായം(പുതിയ കഥ!!) മാറ്റാന്‍ പെട്ടെന്ന് സാധ്യമല്ല. ആപ്പില്‍ നിന്ന് ഊരാന്‍ പറ്റാത്ത വിധം സി.ബി.ഐ പണി യോപ്പിച്ച്ചു. ഇനി പണ്ട് പറഞാതു വിഴുങ്ങുക മാത്രേ വഴിയുള്ളൂ, അതാണ്‌ സി.ബി.ഐ ആവശ്യപ്രകാരം വീണ്ടും ചില മാഫ്യങ്ങളോട് ലാവലിന്‍ "തലപരി ശോധന"ആവര്‍ത്തിക്കുന്നത്.

ഇനി, ആ ഫയലി ന്റെ കാര്യം. പിണറായി സി.പി.എം സംസ്ഥാന സെക്രെ ട്ടറി ആയി അച്യുതാനന്തനാല്‍ വാഴിക്കപ്പെറുമ്പോള്‍, മാതൃഭൂമി മുഖപ്രസങമെഴുതി, കേരളം കണ്ട ഏറ്റവും നല്ല വൈദ്യുത മന്ത്രി, വൈദ്യത ബോര്‍ഡ്‌,വെറും രണ്ടുവര്ഷം കൊണ്ട് റിക്കോര്ഡ് വൈദ്യുതോല്‍പാദനം എന്നെല്ലാം പറഞ്ഞു. ഓര്‍ക്കുക!!!!! ഇതെല്ലാം ലാവലിന്‍ ഇടപാടിന് ശേഷമായിരുന്നു. ഏറ്റവും വലിയ "അഴിമതിക്കാരനെ" കേരളം കണ്ട ഏറ്റവും മികച്ച ഭരണാധികാരി ആയി വാഴ്ത്തുക, മാതൃഭൂമിക്ക് വന്നു പെട്ട എന്തൊരു ഗതികേടാണ് സാര്‍,ഇത്. ഏറിയും കുറഞ്ഞും മറ്റു "സ്വതന്ത്ര" മാഫ്യങ്ങള്‍ക്കും ഈ അവസ്ഥ തന്നെ...
അങ്ങനെ ലാവലിന്‍ ശൂന്യാകാശത്തില്‍, പോലുമില്ലാത്ത കാലത്താണ്‌ വിജയന്‍ സ്ഥാനമൊഴിയുന്നത്. ശര്‍മ്മ അടുത്ത ഊര്‍ജ്ജ മന്ത്രി. അന്നും ഇന്നും ശര്‍മ കടുത്ത വീയെസ് പക്ഷക്കാരന്. കടവൂരാനും,ആര്യാടനും തുടര്‍ന്നു മന്ത്രിമാരായി ഇവര് തന്നെ ആണ് ലാവലിന്റെ പേരില്‍ വിജയനെതിരെ ഏറ്റവും വലിയ യുദ്ധമുഖം തുറന്നത്.അപ്പോള്‍ ആ ഫയല്‍ മുക്കിയത് ആരായിരിക്കാം????അവിടെ ആണ് "തലപരിശോധനയും " ഫയല്‍ മുങ്ങളിന്റെയും രണ്ടാമത്തെ ഗുട്ടന്‍സ്‌.

kaalidaasan said...

തന്റെ കൈ ശുദ്ധമാണെന്നേ, ആരോപണം നേരിടുന്ന എല്ലാവരും പറയൂ. കൊലപാതകി വരെ അതു പറയും. അത് മനുഷ്യന്റെ സഹജ വാസനയാണ്. ഗുജറത്തില്‍ 2000 പേരെ കൂട്ടക്കൊല ചെയ്ത മോദിയും പറയുന്നു, തന്റെ കൈ ശുദ്ധമാണെന്ന്. 7 വര്‍ഷങ്ങള്‍ക്ക് ശേഷമാണ്, മോദിയുടെ പങ്ക് അന്വേഷിക്കാന്‍ സുപ്രീം കോടതി പറഞ്ഞത്. മറ്റുള്ളവര്‍ കൈ ശുദ്ധമാണെന്നു പറയുന്നത് ജനത്തിന്റെ കണ്ണില്‍ പൊടിയിടല്‍ . പിണറായി പറയുന്നത് സത്യം . കാരണം പിണറായി ജീവിച്ചിരിക്കുന്ന , കാലഹരണപ്പെടാത്ത പുണ്യവാളനാണല്ലോ.

കേസുകളില്‍ വേണ്ടവിധത്തില്‍ ഇടപെടലുകള്‍ നടത്തി പല കുറ്റവാളികളും ‘നിരപരാധിത്വം‘ തെളിയിച്ചിട്ടുണ്ടാകാം. പക്ഷെ കേസുകളില്‍ ഇടപെടല്‍ നടത്തി ഒരു രാഷ്ട്രീയക്കാരനേയും ഇന്നു വരെ ഇന്‍ഡ്യയില്‍ ഒരു കോടതിയും ശിക്ഷിച്ചിട്ടില്ല. കാരണം ഇന്‍ഡ്യന്‍ നീതിപീഠത്തിന്റെ മുദ്രവാക്യം , ആയിരം കുറ്റവാളികള്‍ രക്ഷപ്പെട്ടാലും ഒരു നിരപരാധി ശിക്ഷിക്കപ്പെടരുതെന്നാണ്.

പിണറായിക്കെതിരെ കേസ് ഇപ്പോഴേ വന്നുള്ളു. കുറ്റപത്രം കോടതിയുടെ പരിഗണനയില്‍ ഇരിക്കുന്നതേ ഉള്ളു. കേസ് നിലനില്ക്കുന്നതാണൊ എന്നു പോലും കോടതി നിരീക്ഷിച്ചിട്ടില്ല. പിന്ന് എന്താരോപണത്തിനാണു വിശദീകരണം നല്‍കി എന്നു പറയുന്നത്? മാഫിയകളോട് വിശദീകരിച്ചിട്ടൊന്നും കാര്യമില്ല. കോടതിയിലാണു വിശദീകരിക്കേണ്ടത്. ഇത് വളരെ നേരത്തെ ചെയ്തിരുന്നെങ്കില്‍ ഒരു മാഫിയക്കും വിശദീകരണം നല്‍കേണ്ടി വരില്ലായിരുന്നു.

ലാവലിന്‍ കേസിലെ അഴിമതി ചര്‍ച്ച ചെയ്യാന്‍ ഇന്‍ഡ്യന്‍ ഭരണഘടന ഓരോ ഇന്‍ഡ്യന്‍ പൌരനും സ്വതന്ത്ര്യം നല്‍കുന്നുണ്ട്. അതേ ഇവിടെ നടക്കുന്നുള്ളു.

ധാര്‍ഷ്ട്യം വര്‍ഗ്ഗ സമരത്തിന്റെ ഭാഗമാണെന്ന് കുഞ്ഞഹമ്മദ് തെളിയിച്ചിട്ടുണ്ട്. അത് വിശ്വസിക്കാന്‍ ഓരോ ഇന്‍ഡ്യക്കാരനും സ്വാതന്ത്ര്യമുണ്ട്. അത് വിശ്വസിക്കാതിരിക്കാനും സ്വാതന്ത്ര്യമുണ്ട്. ഏത് സ്വാതന്ത്ര്യത്തിനാണു ഭൂരിപക്ഷം എന്നതാണ്, ജനാധിപത്യത്തിലെ നാട്ടുനടപ്പ്. ജനം അത് പറഞ്ഞും കഴിഞ്ഞു . അത് അംഗീകരിക്കാതെ ധര്‍ഷ്ട്യമുള്ള നേതാക്കളെ സൃഷ്ടിക്കാനും സി പി എമ്മിനു സ്വാതന്ത്ര്യമുണ്ട്. അതു കഴിഞ്ഞ് തെരഞ്ഞെടുപ്പില്‍ തോല്‍പ്പിക്കപ്പെടുമ്പോള്‍ വിഭാഗീയത, ലെനിനിസം എന്നൊക്കെ പറഞ്ഞ് പൊതുജനത്തെ ചിരിപ്പിക്കാനും സ്വാന്തര്യമുണ്ട്.

kaalidaasan said...

മാനവീയം എന്ന തൊഴുത്തില്‍ കുത്താത്ത കുഞ്ഞാടിന്,

വി എസിനെ ആരൊക്കെ എത്ര പരിധിവരെ അംഗീകരിക്കുന്നു എന്നതും , ഉത്തരവാദപ്പെട്ട ഒരുദ്യോഗസ്ഥന്റെ തല പരിശോധിക്കണമെന്ന് ഒരു മന്ത്രി പറഞ്ഞതും, തമ്മില്‍ ബന്ധമില്ല.

ആലപ്പുഴയിലെ അഴുക്കു ചാലുകള്‍ മനുഷ്യര്‍ക്ക് വൃത്തിയാന്‍ പറ്റും . പക്ഷെ മനുഷ്യര്‍ക്ക് വൃത്തിയാന്‍ പറ്റാത്ത ചില അഴുകു ചാലുകളുണ്ട്. ഉദാഹരണങ്ങള്‍ മൊഴിമുത്തുകളായി വന്നുകൊണ്ടിരുന്നതൊന്നും കണ്ടില്ലേ? അതൊക്കെ വര്‍ഗ സമരങ്ങളുടെ ഭാഗമായതുകൊണ്ട്, അഴുക്കാണെന്നറിയാന്‍ ബുദ്ധിമുട്ടാണ്. ആസ്ഥാന പണ്ധിതന്‍ കുഞ്ഞഹമ്മദിനോട് ചോദിച്ചാല്‍ പുതിയ മാനിഫെസ്റ്റോ ഒരെണ്ണം കിട്ടും. അതില്‍ വര്‍ഗ സമരത്തിന്റെ ഉത്തരാധുനിക നിര്‍വചവും ഉണ്ടാകും. അത് അളക്കുന്ന വാക്കുകളാണ്, എടോ ഗോപാല കൃഷ്ണ, പോട പുല്ലേ, ആസനത്തില്‍ കുന്തം കയറ്റുക എന്നൊക്കെ. ആ ശ്രേണിയിലേക്കുയര്‍ത്തപ്പെടേണ്ട ഏറ്റവും പുതിയ വാക്കാണ്, തല പരിശോധിക്കുക എന്നത്. ഇതൊക്കെ വായിച്ചു പഠിച്ച് എതിരഭിപ്രായം പ്രകടിപ്പിക്കുന്ന എല്ലാവരുടെയും തല പരിശോധിക്കേണ്ടതാണെന്ന് പറഞ്ഞു നടക്കുക.

കേരളത്തിലെ നേതാക്കള്‍ ശക്തമായി ന്യായീകരിച്ച പി ഡി പി ബന്ധവും ലാവലിന്‍ വിഷയവും തെരഞ്ഞെടുപ്പിനെ ബാധിച്ചിട്ടില്ല എന്നതിനെ, പോളിറ്റ് ബ്യൂറോയും പ്രാകാശ് കാരാട്ടും എതിര്‍ത്തതായിട്ടാണ്, റിപ്പോര്‍ട്ടുകള്‍. അവരുടെയൊക്കെ തലകളും പരിശോധിക്കാം. ഈ അഭ്യാസത്തെ മനവീയം എന്നു വിളിക്കാന്‍ ഏതു പോത്തിനും സ്വാതന്ത്ര്യമുണ്ട്. പക്ഷെ മൃഗവീയം എന്നരെങ്കിലും പറഞ്ഞാല്‍ അവരുടെ തല പരിശോധിക്കല്ലേ.

മൂര്‍ത്തി said...

ശതമന്യുവിന്റെ പോസ്റ്റ് വരദാചാരിയുടെ തല

:)

താപ്പു said...

ഒന്നിൽ കൂടുതൽ ഐ ഡികളിൽ പുലയാട്ടുന്നതിനെയാണു നാം പുലയാട്ടിന്റെ ജനാധിപത്യം എന്നു പറയുന്നത്. ഒരു പ്രശ്നം ഉന്നയിക്കുമ്പോൾ ആ പ്രശ്നം സമൂഹത്തിലും വ്യക്തിത്വത്തിലും ഉയർത്തുന്ന നൈതികമായ ചോദ്യങ്ങളെ അഡ്രസ്സ് ചെയ്യാത്തതിനാലാണു അതിനു പിതൃത്വം നഷ്ടപ്പെടുന്നത്. വാർത്തകളെ പിണറായിക്കു അനുകൂലമായി ഗോളടിക്കാൻ മത്സരിക്കുന്ന ഈ ഭജന സംഘക്കാർ കണ്ണൂരിലെ ഒരു പാർടി ഗ്രമത്തിൽ ചെന്നു ഏതെങ്കിലും ഒരു പഞ്ചായത്ത് വാർഡിൽ ഒരു സാബിൾ സർവ്വേനടത്തുക.( കത്തി കാ‍ട്ടിയല്ല കേട്ടോ?) സ്ത്രീകൾ, കുട്ടികൾ,കൃഷിക്കാർ, കർഷക തൊഴിലാളികൾ എല്ലാം ആ മണ്ണിൽ നിന്നു വന്ന രാഷ്ടീയ നേതാവിനെ എങ്ങനെ കാണുന്നുവെന്നു അറിയുക. ‘പഠിപ്പ്’ പോയ ക്ലാസ്സിന്റെ നീ‍ളത്തിൽ നിന്നല്ല ചവിട്ടിനിൽക്കുന്ന മണ്ണിനെ കുറിച്ചുള്ള ബോധത്തിൽ നിന്നാവണം. കേസ്സും കോടതിയും മറ്റോരു വിഷയമാണു കേട്ടോ? അത് ഏതെങ്കിലും zoo-raja ന്മാർ ചാലു വെട്ടിയാൽ ആ വഴിക്ക് ഒഴുകുന്നതല്ല മോനെ? പാർട്ടി , നേതാ‍വ് എന്നൊക്കെയുള്ള സ്നേഹത്തിൽ ഈയാം പാറ്റകളെ പോലെ വന്നടിഞ്ഞുപോകുന്ന വരുണ്ടെന്ന് എനിക്കറിയാം. പാവം അവരോട് എനിക്ക് സഹതാപമുണ്ട്. അത്തരം മാനവീയ തറ്റുടുപ്പുകൾക്ക് അടിയിൽ കട്ടിയ്ക്ക് എന്തെങ്കിലും വച്ചോളണം. ഈ തെയ്യങ്ങളുടെ പകർന്നാട്ടങ്ങളുടെ വർണ്ണപ്പൊലിമ സ്നേഹവാത്സല്യങ്ങളോറ്റെയാണു ഞാൻ കാണുന്നത്. പക്ഷേ അപ്പപ്പോൾ കണ്ടവനെ അപ്പായെന്നു വിളിക്കുന്ന രാഷ്ടീയ ഭിക്ഷാംദേഹികളെ കണ്ടാൽ കുളിക്കണം. അത് ബ്ലോഗിലായാലും നിരത്തിലായാലും.പിണറായി ഫയലിലെഴുതിയ പോലെ തലപരിശോധിക്കണം എന്നൊന്നും ഞാനെഴുതില്ല. എനിക്ക് ആ കണ്ണും കവിളുകളും കാണുമ്പോൾ തന്നെ അറിയാം അസുഖമെന്തെന്നു. ജീവിക്കാൻ എന്തെല്ലാം വഴികളുണ്ടെങ്കിലും ചിലത് നക്കിയേകുടിക്കൂ എന്നു വിചാരിച്ചാൽ എന്തു ചെയ്യാനാണു. ചില ജന്മങ്ങൾ അങ്ങനെയും. മാരീചാ.. ബ്ലോഗിലെ ഈ പിച്ചിലാട്ടങ്ങളെല്ലാം നിറുത്തിയിട്ട് സപ്ലേ ആഫീസിന്റെ നടയിൽ അപേക്ഷാ ഫാറം പൂരിപ്പിക്കാൻ ഇരുന്നാൽ അത് ഇതിനേക്കാൾ സാ‍മൂഹിക പ്രതിബദ്ധതയുള്ള ജോലിയാണു. ജീവിക്കാനുള്ള ചില്ലറയും വീഴും

അപ്പുക്കിളി said...

ഏത്തോ.. എന്താന്താ ഒദ് ലഹ്‌ള... പിണറാ‍യ്ന്റെ പോലെ ങ്ങ്‌ക്ക്മ് ഹാലാ? സിന്‍ഡിക്കേറ്റ്യാളെ തല്ലാമ്പോണ് പോലെ ദെന്താ ഏത്തോ ബായിക്കിണോരെ തല്ലാമ്പൂവാ? ഏത്ത്നെ ഞാം ഒര് കൊമ്പത്ത് കേറ്റി വെച്ച്... ഇനി എറ്ക്ക്യോള...

ഏത്ത്നോട് ഒര് അപേക്ഷ...

കയ്ഞ്ഞേ കയ്ഞ്ഞ്... കിത്തന്തത് കൊന്തോന്തോദ് കൊന്തോയി. അതോന്ത് പാത്തിക്ക് പോയ മാനം ഇഞ്ഞി തിദിച്ച് കിത്ത്വോ...? പിന്നേം പിന്നേം പദഞ്ഞ് എന്തിനാന്തോ ഏത്തോ പാത്തീനെ ങ്ങനെ നാറ്റിണ്.


Blogger Rajeeve Chelanat said...


പ്രസക്തമായ പോസ്റ്റ് മാരീചാ.

അഭിവാദ്യങ്ങളോടെ

ന്തെ ദാദീവേത്തോ ങ്ങളും....

Blogger മാനവീയം said...

താപ്പു എന്ന നപുംസകത്തിന്

പോയി ചെന്നിത്തലയുടെ അടിവസ്ത്രം കഴുകി കൊടുക്ക്. അതാ തനിക്ക് പറ്റിയ ജോലി

സീരിയസ്സായി ചർച്ച നടക്കുന്ന സ്ഥലത്ത് വന്ന് വിവരക്കേട് വിളമ്പാതെ പോയി എൻ ഡി എഫിനു വേണ്ടി രാജ്യത്തെ ഒറ്റിക്കൊടുക്കെടൈ ജിഹാദി

Blogger മാനവീയം said...

കാളിദാസൻ എന്ന തൊഴുത്തിൽ കുത്ത് പോത്തിന്

മണക്കൂസൻ പുളുന്തൻ..

പോയി ചാകടോ


ന്തെ മാനവീയം ചേത്തോ... ങ്ങക്ക് പത്ത്യ പേദ്... ങ്ങ താപ്പൂനെ എന്‍.ഡി.എഫീ ചേര്‍ത്ഥാ? പിണറായീന്തെ ആദാ നാ‍ാ പദഞ്ഞേ....?

“സീരിയസ്സായി ചർച്ച നടക്കുന്ന സ്ഥലത്ത് വന്ന് ...”

ഒന്ന് ചിദിക്കത്തെതാ ചേത്താ.... പി.ബി കൂതുമ്പൊ ബി.പി കൂതുംന്നാ‍ാ...

അപ്പൊ കാന്നാ ത്തദാ ചേത്തോ....

ഗദ്ദാര്‍.... said...

വരദാചാരി കളവ് പറഞ്ഞെന്നുതന്നെയിരിക്കട്ടെ, ചിലപ്പോൾ ഓർമ്മപ്പിശകും ആകാമല്ലോ? പിണറായി വിജയന്റെ മുമ്പിൽ രണ്ടു ഫയലുകൾ ഉണ്ട്- ഒന്ന് ലാവ്‌ലിനെ സംബന്ധിച്ചതും മറ്റൊന്ന് സഹകരണവകുപ്പിനെ സംബന്ധിച്ചുള്ളതും. രണ്ടിലും വരദാചാരിക്ക് വിയോജനകുറിപ്പുകൾ ഉണ്ടായിരുന്നുവെന്നു ഏതായാലും വ്യക്തമാണല്ലോ? ‘തലപരിശോദിക്കാൻ’ എഴുതിയത് സഹകരണ ഫയലിലാണെങ്കിൽ മറ്റേ ഫയൽ എന്താണാവോ അദ്ദേഹം തൃക്കൈവിളയാടിയത്. ഈ ഫയൽ കാബിനറ്റിൽ സമർപ്പിച്ചിരുന്നോ?

പിണറായി വിജയനെതിരെ സിബിഐ ഫയൽ ചെയ്തിരിക്കുന്നത് 2 പ്രധാന ആരോപണങ്ങളാണു.

കാബിനറ്റിൽ മുഴുവൻ വസ്തുതകളും അവതരിപ്പിച്ചില്ല.

കരാർ ഉറപ്പാക്കാൻ കാനഡയിൽ നടന്ന സുതാര്യമല്ലാത്ത ചർച്ച, അതും സാങ്കേതിക വിദഗ്ദ്ധർ ഇല്ലാതെ.

വരദന്റെ തലക്ക് വെളിവുണ്ടായാലും ഇല്ലങ്കിലും അത് ഈ വിഷയത്തിൽ നിർണ്ണായകമല്ല. മുങ്ങിചാകാൻ പോകുന്നവന്റെ കച്ചിതുമ്പിലെ പിടുത്തം കേമൻ തന്നെ. കേന്ദ്ര കമ്മിറ്റി കഴിഞ്ഞിറങ്ങിയ പിണറായി ഇന്നലെ ഡൽഹിയിൽ പത്രക്കാരോട് നടത്തിയ ‘പോർവിളി’ ആൾക്കൂട്ടത്തിനു മുമ്പിൽ ജൌളി നഷ്ടപ്പെട്ടവന്റെ മാനസിക വ്യാപാരത്തോടെ യായിരുന്നു.

ക്രിമിനൽ കേസ്സുകളിൽ വധശിക്ഷക്ക് വിധിക്കപ്പെടുന്ന പ്രതി എത്തരത്തിൽ പെരുമാറുമെന്ന് കോടതിക്ക് ധാരണയുണ്ട്. അവരെ എങ്ങനെയാണു കൈകാര്യം ചെയ്യേണ്ടതെന്നും നിർദ്ധേശിക്കപ്പെട്ടിട്ടുണ്ട്. ജീവപ്രതീക്ഷ അറ്റുപോകുന്നവൻ തെറിപറയുകയും , ഫോട്ടോ പിടിക്കാൻ നിൽക്കുന്നവരെ ദേഹോപദ്രവം ഏൽ‌പ്പിക്കാൻ ശ്രമിക്കുകയും , ജനക്കൂട്ടത്തിനു നേരെ തുപ്പുകയും ഒക്കെയാണു ചെയ്യുക. ഇതിൽ ആരും അസ്വാഭിവികമായി ആരും ഒന്നും കാണുന്നതുമില്ല. വിജയന്റെ യാത്ര കാണുമ്പോൾ ദുഖമുണ്ട്.

വാൽകഷണം

കയറ്റത്തിൽ നിർത്തിവച്ച ഒരു സൈക്കിൾ കയ്യിൽ കിട്ടിയ കുട്ടിയാണു വിജയൻ.

അയാൾ സൈക്കിളിൽ കയറി താഴേക്ക് കുതിച്ചു. കണ്ട് നിന്നവർ ചിലർ പറഞ്ഞു എന്തൊരു സ്പീഡ്’. തലമുറകൾ ഊർജ്ജം ചിലവിട്ടാണു സൈക്കിൾ ആ കുന്നിൻ പുറത്ത് എത്തിച്ചത് എന്ന് അയാൾ മനസ്സിലാക്കിയില്ല. ഇറക്കം തീരുമ്പോൾ ‘ ഹാൻഡിൽ ബാറിൽ” നിന്നു തെറിച്ചു പോകും തൊലിയും പോകും.

മാനവീയം said...

ഹാവു.
പിണറായിയെ തെറി വിളിക്കാൻ എത്ര എത്ര ബ്ലോഗ്ഗുകളാ പുതിയതായി ഉണ്ടാക്കി ചിലർ രതിമൂർച്ചയടയുന്നത്. മാരീചൻ ഓരോ പോസ്റ്റ് ഇടുമ്പോഴും ബ്ലോഗ്സ്പോട്ടിൽ കോപ്പനെന്നും ഗിഥാർ എന്നും ഗവായി എന്നും ഒക്കെ പേരുള്ള ബ്ലോഗ്ഗുകൾ ഉണ്ടാകുന്നു.എന്നിട്ട് അവിടെ നാട്ടുകാരെ ബോധിപ്പിക്കാൻ ഓരോ കൊണകളും.

പിണറായി കമന്റ് എഴുതിയ ആ ഫയൽ മുക്കിയത് പിന്നീട് വന്ന യു ഡി എഫ് ഗവണ്മെന്റാണെന്ന് ആർക്കാണറിയാത്തത്? എന്നിട്ട് ഉളുപ്പില്ലാതെ സാക്ഷി മൊഴി കൊടുത്തിരിക്കുന്നു.

പണ്ടത്തെ സൈക്കിളുകൾ അല്ല മകാനെ ഇപ്പോൾ കിട്ടുന്നത്.റോഡിൽ നിന്ന് മാറി ഊടു വഴി പിടി. അല്ലെങ്കിൽ തന്റെ നെഞ്ചിൽ കൂടെയാവും സൈക്കിൾ കയറുക

ഒരു കൊണാപ്പിലെ ഉദാഹരണ കഥ ഒണ്ടാക്കി കൊണ്ട് വന്നിരിക്കുന്നു.

നെഗളിപ്പിനു തിരിച്ചടികൾ കിട്ടി തുടങ്ങുന്നത് കാണുന്നില്ലേ ശകുനി ആചാര്യാ? എൻ എസ് എസ്സ് ചെരുപ്പൂരി അടിച്ചു,ഇനി കൃസ്ത്യൻ സഭയും പൂശും സൂക്ഷിച്ചൊ

kili said...

പാര്‍ട്ടി പണിയിലൂടെ നേതാക്കള്‍ കണക്കറ്റ പണം ഉണ്ടാക്കുന്നുണ്ടെന്നറിയാത്തവര്‍, ഈ ബൂലോഗത്ത് മാത്രമെയുള്ളൂ‍ എന്നു തോന്നുന്നു.ബ്ലോഗൊന്നും വായിക്കാത്ത സാധാരണക്കാര്‍ക്ക് ഇതൊരു പുതിയ കാര്യമല്ല..

പിന്നേ...നാടിനെ സേവിക്കാഞ്ഞിട്ട് അവര്‍ക്ക് ഉറക്കം വരുന്നില്ല...ഒന്ന് പോ കൂവേ..

മനുഷ്യര്‍ ജന്മനാ ആര്‍ത്തിപ്പണ്ടാരങ്ങളല്ലേ?

പണമുണ്ടാക്കുന്നവനു വേണ്ടി റ്റൈപ്പ് ചെയ്യാനും ആളുണ്ട്...

ആ‍ഹ്, എള്ള് ഉണങ്ങുന്നത് എണ്ണയ്ക്ക്, എലിക്കാട്ടമെന്തിനാണാവോ?

മാനവീയം said...

മേൽ‌വിലാസവും നിഴലും ഇല്ലാത്ത ഇന്ന് ബ്ലോഗ്ഗ് തുടങ്ങിയ പച്ചപ്പനങ്കിളി കിലി (കിളി എന്നാണു ഉദ്ദേശിച്ചതെങ്കിൽ kiLi എന്നെഴുതണമായിരുന്നു)

ഇതൊരു ചത്ത കിലിയാണ്. കിലുകിലുക്കാനറിയാത്ത നികൃഷ്ട ജീവി

കടന്നു പോടൈ @#%%$$^^&&**(^^%%$$

മാരീചന്‍‍ said...

താപ്പൂവാചാര്യോ.....
പിതൃത്വത്തെക്കുറിച്ചുളള തന്റെ നിര്‍വചനങ്ങളൊക്കെ സ്വന്തം കുടുംബത്ത് കെട്ടിയെഴുന്നെളളിച്ചാ മതി. ട്ടാ...

പുറത്തു പറയാന്‍ കൊളളാവുന്ന നല്ല തന്തയൊരെണ്ണം തനിക്കില്ലാതെ പോയതിന്, ബ്ലോഗെഴുതുന്നവരെന്തു പിഴച്ചു, താപ്പൂ.... മാരീചനെ ആവര്‍ത്തിച്ചു തന്തയ്ക്കു വിളിച്ചാല്‍ സ്വന്തം തന്തയില്ലായ്മയുടെ സങ്കടം തീരുമെന്ന തിയറിയനുസരിച്ചാണ് കമന്റെഴുത്തെങ്കില്‍ അതാദ്യമേ പറയേണ്ടേ.. സഹതാപത്തിന്റെ ആനുകൂല്യം തന്ന് മിണ്ടാതിരിക്കുമായിരുന്നില്ലേ......

കണക്കെടുപ്പും പരീക്ഷയെഴുത്തുമൊക്കെ തന്റെ സ്വന്തം ബ്ലോഗിലായിക്കോ... ആര്‍ക്കു ചേതം... പലപേരുകളില്‍ താനെഴുന്നെളളിക്കുന്ന തരവഴിത്തരങ്ങള്‍ കാണുമ്പോഴറിയാം, ബ്ലോഗെഴുതുന്നത് ഒട്ടും പാഴായിട്ടില്ലെന്ന്. ഇത്തരം പിത്തലാട്ടങ്ങള്‍ പണ്ടും കാണിച്ചിട്ടുണ്ട് പലരും. ഇഷ്ടപ്പെടാത്ത അഭിപ്രായങ്ങള്‍ കേള്‍ക്കുമ്പോള്‍ തലയരിയാനുത്തരവിട്ട പഴയ തമ്പ്രാക്കള്‍ക്ക് ബ്ലോഗിന്റെ ചിട്ടവട്ടങ്ങള്‍ ഒട്ടും സഹിക്കുന്നില്ല അല്ലേ... പഴയ അടവുകള്‍ ചെലവാകാത്തതിനാല്‍ പുലയാട്ടും തന്തയ്ക്കു വിളിയും. കൊള്ളാം മ്വാനേ.... കൊള്ളാം... പക്ഷേ ഇതുകൊണ്ടൊക്കെ എന്തേലും സാധിച്ചു കളയാമെന്ന് കരുതിയാണെങ്കില്‍ തെറ്റിപ്പോയി മ്വാനേ

കമന്റു നീളെ പതഞ്ഞൊഴുകുന്നത് എന്തൊക്കെയോ ആകാതെ പോയതിന്റെ നിരാശയാണല്ലോ കുട്ടാ.... താപ്പുവിനെ ആരും സ്ക്കൂളില്‍ ചേര്‍ക്കാത്തതിനോ പഠിച്ച ക്ലാസില്‍ തോറ്റതിനോ മാടം പൊക്കാനിറങ്ങിയപ്പോള്‍ നാട്ടുകാര്‍ മടലിനടിച്ചതിനോ മാരീചനോ, മാരീചന്റെ അഭിപ്രായങ്ങളോട് ഐക്യപ്പെടുന്നവരോ എന്തു പിഴച്ചു?

കേസും കോടതിയും ഏതെങ്കിലും താപ്പുമാരുടെ ആപ്പുവെയ്ക്കലുകള്‍ക്കനുസരിച്ചാണെന്ന തെറ്റിദ്ധാരണ കൂടി അങ്ങ് മാറ്റിയേക്കണേ... ജഡ്ജിയും വാദിയും വക്കീലും താപ്പുമാത്രമാകുന്ന കോടതികളില്‍ മതി ഈ പൂച്ചിലാണ്ടങ്ങള്‍.. ഇത് ഇടം വേറെ.. ഉഡായിപ്പുകളൊക്കെ അങ്ങ് പൂനാംഗില്‍ പോയി പറഞ്ഞാല്‍ മതി. കേട്ടാ....

അപ്പോള്‍ കാണുന്നവനെ മാത്രമല്ല, അവന്റെ അനിയനെയും അളിയനെയും അവര്‍ക്കൊക്കെ പിറക്കാനിരിക്കുന്ന കുഞ്ഞുങ്ങളെ വരെ കൊതി തീരെ അപ്പാ എന്നു വിളിക്കുന്ന താപ്പുവിനെപ്പോലുളളവന്റെയൊക്കെ ഉപദേശം കേട്ടിട്ടു വേണ്ടേ, എനിക്ക് കഞ്ഞി വേടിക്കാന്‍..

നക്കിക്കുടിച്ചും നക്കിത്തുടച്ചും ജീവിതം ആസ്വദിക്കുന്ന താപ്പുജന്മങ്ങള്‍ക്ക്(ചില വീടുകളില്‍ ടിപ്പുവെന്നാവും പേര്) ചില നേരങ്ങളില്‍ അസഹനീയമായി കുരയ്ക്കണമെന്ന് തോന്നും. മതിയാവോളം കുരച്ചോളൂ...കുരയ്ക്കാന്‍ മാത്രമറിയാവുന്നവനോടൊന്നും സപ്ലേ ആപ്പീസിലെ അപേക്ഷാഫോറം പൂരിപ്പിച്ചു കൊടുക്കാന്‍ പറയാനുളള അഹങ്കാരമൊന്നും ഈയുളളവനില്ലേയ്...

ചാവാലി നായ്ക്കള്‍ക്ക് ചില്ലറയോ പൊതിയാ തേങ്ങയോ കിട്ടിയിട്ടെന്തു കാര്യം...

Murali said...

ലാവലിന്‍ കേസില്‍ നിന്നും തല ഊരാന്‍ പിണറായിയും കുഞ്ഞാടുകളും നടത്തുന്ന ഓരോ പേക്കൂത്തും അവരെ ജനമദ്ധ്യത്തില്‍ കൂടുതല്‍ നഗ്നരാക്കുകയാണ്. കണ്ടാലും കൊണ്ടാലും ചിലര്‍ പഠിക്കുകയില്ല. അതാണ് ‘ലെനിനിസ്റ്റ്’ മൊഴിമുത്തുകള്‍‌ ഇടക്കിടെ പൊഴിയുന്നത്‌. പാര്‍‌ട്ടിക്ക്‌ ജയവും പരാജയവും പുല്ലാണെന്ന്‌ വേണമങ്കില്‍‌ വീമ്പിളക്കാം. പക്ഷേ സത്യം ജയരാജന്മാര്‍ക്കറിയാം. എതിരായി വോട്ടുചെയ്ത പൊതുജനത്തിന്റെ തല പരിശോധിക്കണമെന്ന്‌ ഫയലില്‍ എഴുതിയോ എന്നറിയില്ല. പക്ഷെ കഴുതയായ ജനം മനസ്സിരുത്തിയാല്‍ പാര്‍ട്ടിയെ പിന്നീട് മ്യൂസിയങ്ങളില്‍ നോക്കിയാല്‍ മതി.

Baiju Elikkattoor said...

"എതിരായി വോട്ടുചെയ്ത പൊതുജനത്തിന്റെ തല പരിശോധിക്കണമെന്ന്‌ ഫയലില്‍ എഴുതിയോ"
:)

karimeen/കരിമീന്‍ said...

നിങ്ങള്‍ക്കറിയാമോ പിണറായി വിജയന്‍ പണ്ടൊരു പെണ്‍കുട്ടിയെ ബലാത്സഗം ചെയ്തു കൊന്നിട്ടുണ്ട്.
ശവം എന്തു ചെയ്തു എന്നാര്‍ക്കും അറിയില്ല.

അങ്ങനെയല്ല എങ്കില്‍ പിണറായിക്ക് അത് കോടതിയില്‍ തെളിയിച്ചു കൂടെ.
കൊന്നിട്ടില്ല എങ്കില്‍ ആ കുട്ടിയെ പത്രക്കാര്‍ക്ക് മുന്നില്‍ ഹാജറാക്കാനുള്ള മിനിമം മര്യാദ എങ്കിലും പിണറായി കാണിക്കണം.
പിണറായിക്ക് രണ്ട് മക്കളുണ്ടായി എന്നതു തന്നെ ബലാത്സംഗം ചെയ്യാന്‍ ശേഷിയുണ്ട് എന്നതിന് തെളിവാണ്.

മാനവീയം said...

ചേട്ടന്മാരേ ഒന്നിങ്ങ് വന്നെ

മുൻ മന്ത്രി ജി.കാർത്തികേയന്റെ പങ്കും അന്വേഷിക്കണം എന്ന് നിങ്ങളുടെ സി.ബി.ഐ കോടതി ആവശ്യപ്പെട്ടിരിക്കുന്നു.

ഇവിടെ ഒക്കെ കാണണേ.

നിയമസഭ തീക്കൊളുത്താൻ തയ്യാറായെത്തിയ യു ഡി എഫ് അംഗങ്ങൾ വെള്ളത്തിൽ വീണ പൂച്ചയെ പോലെയായി. വിശദീകരിക്കാൻ ആര്യാടൻ സാഹിബ് പെടുന്ന പാട് ഹോ..

അരവിന്ദ് :: aravind said...

കാര്‍ത്തികേയന്റെ പങ്ക് അന്വേഷിക്കണമെന്ന് കോടതി.
കേസ് മൊത്തം പു‌നരന്വേഷണത്തിന് പോകുന്നതാണ് നല്ലത് എന്ന് എനിക്ക് തോന്നുന്നു.
ഈ കേസ് സി ബി ഐ കുളമാക്കി. കുളത്തില്‍ വീണ് കുളമാക്കി. യാതൊരു സംശയവും ഇല്ല.
കോടതിക്ക് സാമാന്യ ബുദ്ധിയില്ലെന്ന് ഇവര്‍ കരുതിയോ ആവോ?

കോണ്‍ഗ്രസ്സിനും ചീത്തപേര് വരുമെന്ന് കണ്ടാല്‍ ഈ കേസ് അലസി പോകാനാണ് സാധ്യത.
വേറെ ആരും ഒന്നും ചെയ്യണ്ട. :-)

സജി കറ്റുവട്ടിപ്പണ said...

ലാത്സലാം കരിമീൻ. കമന്റു നന്നായിട്ടുണ്ട്‌!

ബായെന്‍ said...

കരിമീന്റെ കമെന്റാ കമെന്റ്. ഒന്നൊന്നര.

kili said...

"പാര്‍ട്ടി പണിയിലൂടെ നേതാക്കള്‍ കണക്കറ്റ പണം ഉണ്ടാക്കുന്നുണ്ടെന്നറിയാത്തവര്‍, ഈ ബൂലോഗത്ത് മാത്രമെയുള്ളൂ‍ എന്നു തോന്നുന്നു.ബ്ലോഗൊന്നും വായിക്കാത്ത സാധാരണക്കാര്‍ക്ക് ഇതൊരു പുതിയ കാര്യമല്ല.."

ഇപ്പൊളെങ്കിലും സമ്മതിച്ചോ? പാര്‍ട്ടി പണിയും മന്ത്രിപ്പണിയും വെറും സേവനമല്ലെന്ന്...ഇതൊക്കെ കമേര്‍ഷ്യല്‍ അല്ലേ? ആള്‍ദൈവങ്ങളും, ചില ഡോക്റ്ററന്മാരും,വിദ്യാഭാസ സ്ഥാപനങ്ങളും പോലെ തന്നെ..

കാര്‍ത്തികേയന്‍ ആയാലും വിജയന്‍ ആയാലും അധ്വാനിക്കുന്ന സാധാരണക്കാരന്റെ പാത്രത്തില്‍ കൈയിട്ട് വാരി ജീവിക്കുന്നവനല്ലേ?..
ഇവറ്റകളെയൊക്കെ ക്ലീന്‍ ആക്കിയിട്ട് ഒന്നില്‍ നിന്നു തുടങ്ങണം....

ഉം..വരട്ടെ , മാനവീയമായതെല്ലാം പുറത്തേക്ക്..(തെറികള്‍)..

ASok said...

The CBI SHould conduct an equiry on the KUTTIYADI Extention project done by the 91-96 UDF Government.The CAG had sverelly commented on that vide their report.www.hindu.com/2005/07/08/stories/2005070807240500.htm

നട്ടപിരാന്തന്‍ said...

“തലയ്ക്ക് പിരാന്ത്” ഉണ്ടെന്ന് പറയുന്ന ഫയല്‍ മാറ്റിയത് യു.ഡി.എഫ് ഭരണകാലത്ത് തന്നെയാണ്.

പക്ഷെ ഒരു “ഓടക്കുഴല്‍” വായനക്കാരന്‍, ആ വകുപ്പ് പണ്ട് ചോദിച്ച് വാങ്ങി കുറച്ച് കാലം ഭരിച്ചിരുന്നു. അതും ഒരു കഥ.

പിന്നെ കുറേ നാള്‍ കഴിഞ്ഞ് ആ മുരളീരവത്തെ, സ.വിജയനോടോപ്പം കോഴിക്കോട് ബിരിയാണി കഴിച്ചിരിക്കുന്നതും, രണ്ടു പേരും പരസ്പരം പിന്നെ നടന്ന ചില ഉപതിരഞ്ഞെടുപ്പുകളില്‍ സഹായിച്ചതും ജനങ്ങള്‍ കണ്ടു.....ഇതും ഒരു കഥ

പിന്നെ ആര്യാടന്‍ പോയി, കൊടിയേരി കണ്ട് ആ കൂട്ട് പോളിച്ചതും മറ്റോരു കഥ.

പ്രജകള്‍ പരസ്പരം അമ്പെയ്യട്ടെ.... രാജാക്കള്‍ മാളികയില്‍ ഇരുന്ന് ഇതെല്ലാം കണ്ട് ചിരിക്കട്ടെ...

ഓ.ടോ.

പറയുന്നത് കേട്ടാല്‍ തോന്നും, മുകളില്‍ പറഞ്ഞ കാര്യങ്ങളോക്കെ നടന്നത് നട്ടപിരാന്തന്റെ മുമ്പിലാണെന്ന്......ഇതും ചില പിരാന്തുകള്‍

Murali said...

കൊള്ളാം കരിമീനേ. കലക്കി. വളരെ ശരിയാണ്. പിണറായിക്കെതിരെയല്ല ആര്‍ക്കെതിരെയായാലും ബലാല്‍‌സംഗക്കേസില്‍ തെളിവു ഭാരം പ്രതിക്കാണ്. അപ്പോള്‍ ബലാത്സംഗം നടന്നിട്ടില്ല എന്ന്‌ പ്രതിയാണ് തെളിയിക്കേണ്ടത്‌. പക്ഷേ ലാവലിന്‍ കേസ്‌ ബലാല്‍‌സംഗക്കേസല്ല. സി.ബി.ഐക്ക്‌ കേസു തെളിയിച്ചേ പറ്റൂ.

സാധാരണക്കാരനെ സംബന്ധിച്ചിടത്തോളം കേസില്‍ ശിക്ഷ കിട്ടുക എന്നതിനേക്കാളും കേസില്‍ അകപ്പെടുക എന്നതാണ് വലിയ ശിക്ഷ. പണനഷ്ടം, മാനഹാനി, സമയനഷ്ടം, തുടങ്ങി കുടുംബ ബന്ധങ്ങള്‍‌ പോലും ശിഥിലമാകാം. അതായത്, ‘process is the punishment' എന്നതാണ് അവസ്ഥ. പിണറായിയെ സംബന്ധിച്ചിടത്തോളം ഇതൊന്നും ബാധകമല്ല. പിണറായി അറിയപ്പെടുന്നൊരു പൊതു പ്രവര്‍ത്തകനും, മുന്മന്ത്രിയും, സര്‍വോപരി സംസ്ഥാനത്തെ ഭരണ കക്ഷിയുടെ നേതാവുമാണ്. നാലായിരം കോടി രൂപയ്ക്കുമേല്‍‌ ആസ്തിയും ലക്ഷക്കണക്കിനു പ്രവര്‍ത്തകരുമുള്ള ഒരു പ്രസ്ഥാനത്തിന്റെ പരിപൂര്‍ണ പിന്തുണയും ഉള്ള ആളാണ് (ആസ്തിയുടെ കണക്കുചോദിക്കരുത്‌. എന്റെയല്ല. പി.ചിദംബരത്തിന്റെയാണ്). കോട്ടയം കമ്മിറ്റി ഇപ്പോള്‍‌ തന്നെ അന്‍പതുലക്ഷം കേസിനായി വാഗ്ദാനം ചെയ്തു കഴിഞ്ഞു. (അദ്ധ്വാനിക്കുന്ന വര്‍ഗ്ഗത്തിലെ 99.99% പേരും അന്‍പതുലക്ഷം കണ്ടവനെ കണ്ടിട്ടുണ്ടാകില്ല എന്നോര്‍ക്കുക - ok, പിണറായിയെ ഒഴിച്ച് :) പിണറായിയെ സംബന്ധിച്ചിടത്തോളം ‘കേസില്‍ കുടുക്കി പീഡിപ്പിക്കുന്നു’ എന്നത് നിലനില്‍ക്കാത്ത ആരോപണമാണ്.

തിരഞ്ഞെടുപ്പില്‍‌ കനത്ത തോല്‍‌വി ഏറ്റുവാങ്ങിയതിനു ശേഷവും കേസില്‍നിന്നും രക്ഷപ്പെടാനായി ജനങ്ങളെ കൊഞ്ഞനം കുത്തുന്ന തരത്തില്‍‌ ബന്ദും ഹര്‍ത്താലും നടത്തി പിണറായിയും അനുയായികളും കൂടുതല്‍‌ അപഹാസ്യരായിരിക്കുന്നു.

എന്തൊക്കെ സംഭവിച്ചാലും 67 ലക്ഷം ഞങ്ങള്‍‌ക്ക് വോട്ടു ചെയ്തേ എന്നു വീമ്പിളക്കുന്നവര്‍‌ ഒരുകാര്യം മറക്കുന്നു. അടുത്ത തിരഞ്ഞെടുപില്‍‌ അധികാരത്തില്‍ വരുന്ന യു.ഡി.എഫ്‌ ഗവണ്മെന്റ്‌ (അതു യു.ഡി.എഫ്‌ ആയിരിക്കും കാര്യത്തില്‍‌ പിണറായിക്കുപോലും സശയമുണ്ടാകില്ല - സീറ്റ്‌ നൂറോ നൂറ്റിപ്പത്തോ എന്നു മാത്രം ഉറപ്പില്ലെങ്കിലും) മര്യാദക്കു ഭരിക്കുക മാത്രം ചെയ്താല്‍ മതി സി.പി.എമ്മിനെ സ്ഥിരമായി കട്ടപ്പുറത്ത് കയറ്റാന്‍‌.

karimeen/കരിമീന്‍ said...

ഒരു ദിവസത്തേക്കു എഡിറ്ററായപ്പോള്‍ ചിദമ്പരം പടച്ച കണക്കാണത്. സി.പി.എം.ഭരിക്കുന്ന ഓരോ സഹകരണ സംഘത്തിന്റേയും ആസ്തി പാര്‍ട്ടിയുടെ കണക്കില്‍ എഴുതി.

അതു പോകട്ടെ. സാധാരണക്കാരനുള്ള വികാര വിചാരങ്ങള്‍ പിണറായിക്കുണ്ടാകില്ലേ.
പാര്‍ട്ടിയും ആസ്തിയും ഒന്നും മാനഹാനിക്കു മരുന്നാകില്ല.

മൂര്‍ത്തി said...

ലാവലിന്‍ പുതിയ വഴിത്തിരിവിലേയ്ക്ക്
:)

ജനശക്തി said...

കുറ്റ്യാടി മറന്നതെന്തേ? ലിങ്ക്

vrajesh said...

ബലാല്‍സംഗക്കേസില്‍ തെളിവുഭാരം പ്രതിക്കാണെന്നോ?

Murali said...

@vrajesh,
അതെ - തെളിവുഭാരം പ്രതിക്കാണ്.

Swasthika said...

അത്തുംപുത്തും പറയുന്ന ഒരു സുമാര ബ്ലോഗില്‍ രണ്ടാഴ്ച മുമ്പ്‌ എന്റെ പക്വതക്കുരവുകൊണ്ട് ഒരു കമന്റിട്ടു.(എനിക്ക് അതിനു ഭര്സനം കിട്ടി, ഫക്തന്‍,കുഴലൂത്തന്‍,എന്നിങ്ങനെ.പുതിയ തെറി,ബ്ലഡി വരദാചാരിന്നു വിളിച്ചില്ലന്നു മാത്രം)

കമ്മെന്റ് ഇങ്ങനെ ആയിരുന്നു
" ഗൂഡാലോചനയുടെ സൂത്രധാരന്‍ എന്ന് സി.ബി.ഐ പറയുന്ന കാര്‍ത്തികേയനു പിണറായിയേക്കാള്‍ എന്ത് പ്രിവിലേജ് ആണുള്ളത്.ഒന്നുണ്ട്,കാര്‍ത്തികേയന്‍ സി.ബി.ഐ മുതലാളി കൊണ്ഗ്രെസ്സിന്റെ നേതാവാണ്‌. അതാണ്‌ ഒഴിവാക്കപ്പെട്ടത്. "

ഇനി കാര്‍ത്തികേയനെ ഒഴിവാക്കിയതിനു ചില മണിയന്മാര്‍ പറയുന്ന കാരണം കേള്‍ക്കണോ
" ഇടതുപക്ഷംന്നു വെച്ചാ അമൂര്‍ത്തമായ ഒരാശയമാണ്" അമ്പോ !!!!എങ്കില്‍ ഗാന്ധിസം ഇത്രത്തോളം മൂത്രമില്ലാത്തതാനോന്നു ചോയ്ച്ച്ചാ,ഉടനെ,നേരത്തെപറഞ്ഞ 'ഊത്ത്' വാക്കുകള്‍ പ്രശംസയായി കിട്ടുംന്ന് ഉറപ്പായതിനാല്‍ ആ പുറംചൊറിയല്‍ കച്ചേരിക്ക്‌ പിന്നെ പോയില്ല.

ആ കമ്മെന്റ് അവസാനിപ്പിച്ചത് ഇങ്ങനെ ആയിരുന്നു. അത് ഇവിടെയും പകര്‍ത്തുന്നു.
"എല്ലാരും പോട്ടെ കോടതിയിലേക്ക്, കാര്‍ത്തികേയനും,വിജയനും,കടവൂരും, ആര്യാടനും എല്ലാം..വിജയന്‍ മാത്രം 'അഗ്നിശുദ്ധി'വരുത്തണം എന്നിടത്താണ് ഇത് രാഷ്ട്രീയ പ്രേരിതം എന്ന ലേബല്‍ വീഴുന്നത്.അല്ലെങ്കില്‍ ഒരു മാര്‍ക്സിറ്റ്‌ പാര്‍ട്ടിക്കും ഒരക്ഷരം ഉരിയാടാന്‍ പറ്റില്ലായിരുന്നു."
ഇപ്പൊ കോടതീം ഇത് തന്നെയല്ലേ വരദന്മാരെ പറഞ്ഞത് ??

അങ്ങനെ പോയാല്‍,ഒരപകടമുണ്ട്. ഈ കേസില്‍ ആന്റണിയടക്കം കൂട്ടില്‍ കേറേണ്ടി വരും.വെറുതെയാണോ ഇന്നേവരെ ലാവലിന്‍ എന്ന വാക് ആന്റണി ഉച്ചരിക്കുന്നത് കണ്ടിട്ടോ കേട്ടിട്ടോ ഉണ്ടോ ആരെങ്കിലും.പക്ഷേ കേസിന്റെ ,യഥാര്‍ത്ഥ "ലക്‌ഷ്യം " നടക്കാതെയുമാകും.ആ വെപ്രാളം പലരിലും കണ്ടു തുടങ്ങി. നിയമസഭയില്‍ പോലും പോയ രണ്ടു ദിനങ്ങളില്‍ ,കഴിഞ്ഞ പല വര്‍ഷങ്ങളില്‍ ആദ്യമായി ലാവ്ലിന്‍ എന്ന വാക്ക് യു.ഡി.എഫ്‌ ഉച്ച്ചരിച്ച്ചില്ല. ഇടതുപക്ഷം അത് കൂടുതല്‍ ഉപയോഗിക്കാനും തുടങ്ങിയിരിക്കുന്നു.
വരദാചാരിയുടെ തലയെപറ്റി പത്തുവര്ഷം മുമ്പ്‌ തങ്ങള്‍ എഴിതിയത് മുന്‍നിര്‍ത്തി സി.പി.എം ആഞ്ഞടിച്ച്ചിട്ടും കൌണ്ടര്‍ ചെയ്യാന്‍ ഒരക്ഷരം എഴുതാന്‍ ആ മാഫ്യങ്ങള്‍ക്ക് ഇത് വരെ സാധിച്ചില്ല.മാര്‍ഡോക്ക് നെറ്റും,മുനീര്‍വിഷനും മാത്തുച്ചായന്‍ ചാനലും അന്താരാഷ്ട്ര,ദേശീയ ചര്‍ച്ചയാണ് രണ്ടു ദിവസായിട്ട്.
മണിയന്മാരെ,വാദി ഒടുവില്‍ ഒടുവിലാനാകുമോ, പ്രതിയാകുമോ??

suraj::സൂരജ് said...

എല്ലാരും അഫിപ്രായം പറയണ്. ചെറിയാന്‍ ഫിലിപ്പും പറഞ്ഞ് അഫിപ്രായം. ചുമ്മാ ഇവിടെ കെടക്കട്ട്, ഒരു വഴിക്ക് പ്വാണതല്ലീ :


ആന്റണി സത്യം പറഞ്ഞാല്‍ ലാവ്ലിന്‍ കേസ് ഇല്ലാതാകും: ചെറിയാന്‍ ഫിലിപ്പ്

തിരുവനന്തപുരം : സി. ബി. ഐയുടെ തുടര്‍ അന്വേഷണത്തില്‍ എ.കെ. ആന്റണിയുടെ മൊഴി നിര്‍ണായകമായിരിക്കുമെന്ന് കെ.ടി.ഡി.സി ചെയര്‍മാന്‍ ചെറിയാന്‍ ഫിലിപ്പ് പ്രസ്താവനയില്‍ പറഞ്ഞു.
ആന്റണി സത്യം തുറന്നു പറഞ്ഞാല്‍ ലാവ്ലിന്‍ ഗൂഢാലോചന കേസ് സി.ബി.ഐക്ക് പിന്‍വലിക്കേണ്ടിവരും. ലാവ്ലിന്‍ കരാറിന് തുടക്കമിട്ടതും നവീകരണ പദ്ധതികള്‍ പൂര്‍ത്തിയാക്കിയതും ആന്റണി രണ്ടുതവണ മുഖ്യമന്ത്രിയായിരുന്ന കാലത്തായിരുന്നതിനാല്‍ ലാവ്ലിന്‍ കേസിലെ കേന്ദ്രബിന്ദു അദ്ദേഹമാണ്. വൈദ്യുതിക്ഷാമം പരിഹരിക്കാന്‍ 1995-96-ല്‍ അന്നത്തെ മുഖ്യമന്ത്രി ആന്റണി സ്വീകരിച്ച സോദ്ദേശ്യപരമായ തീരുമാനമാണ് ജി. കാര്‍ത്തികേയനും പിണറായി വിജയനും നടപ്പാക്കിയതെന്നും ചെറിയാന്‍ ഫിലിപ്പ് പറഞ്ഞു.

സി.ബി.ഐ കേസിലെ ഇപ്പോഴത്തെ ആറാം പ്രതി ക്ളൌഡ് ട്രെന്‍ഡല്‍ ഉള്‍പ്പെടെയുള്ള ലാവ്ലിന്‍ ഉദ്യോഗസ്ഥരുമായി 1995 ജൂണ്‍ 21ന് ആന്റണി തന്റെ ചേംബറില്‍ വച്ച് ചര്‍ച്ച നടത്തിയിരുന്നു. 1995 ആഗസ്റ്റ് 10ന് രാവിലെ ക്ളൌഡ് ട്രെന്‍ഡല്‍ മുഖ്യമന്ത്രി ആന്റണിയെ സന്ദര്‍ശിച്ച ശേഷമാണ് കുറ്റ്യാടി എക്സ്റ്റന്‍ഷന്‍ പദ്ധതി സംബന്ധിച്ച കരാറിലും പള്ളിവാസല്‍, ചെങ്കുളം, പന്നിയാര്‍ നവീകരണം സംബന്ധിച്ച ധാരണാപത്രത്തിലും ഒപ്പുവച്ചത്. 1996 ഫെബ്രുവരി 4ന് കണ്‍സള്‍ട്ടന്‍സി കരാര്‍ കൂടി ഉള്‍പ്പെട്ട അടിസ്ഥാന കരാറില്‍ ഒപ്പുവയ്ക്കുന്നതിന് രണ്ടു ദിവസം മുന്‍പ് ക്ളൌഡ് ട്രെന്‍ഡല്‍ ആന്റണിയുമായി ചര്‍ച്ച നടത്തിയിരുന്നു. 2001-04-ല്‍ ആന്റണി വീണ്ടും മുഖ്യമന്ത്രിയായിരുന്നപ്പോഴും ക്ളൌഡ് ട്രെന്‍ഡലുമായി കൂടിക്കാഴ്ചയും കത്തിടപാടുകളും നടത്തി. ഇടുക്കി പദ്ധതി സമയബന്ധിതമായി നടപ്പാക്കിയതിന് 1976 ജൂണ്‍ 12ന് പ്രധാനമന്ത്രി ഇന്ദിരാഗാന്ധിയില്‍ നിന്ന് കീര്‍ത്തിമുദ്ര നേടിയ വ്യക്തിയെന്ന നിലയിലാണ് ട്രെന്‍ഡലിനെ ആന്റണി വിശ്വാസത്തിലെടുത്തത്. ഇന്റര്‍പോള്‍ മുഖേന ബന്ധപ്പെടാന്‍ സി.ബി.ഐ ശ്രമിക്കുന്ന ട്രെന്‍ഡല്‍ സത്യം തുറന്നുപറഞ്ഞാല്‍ മലബാര്‍ കാന്‍സര്‍ സെന്ററിന് തുടര്‍സഹായം ലഭിക്കാത്തതിന്റെ കാരണം വ്യക്തമാകും. നവീകരണ പദ്ധതികള്‍ പൂര്‍ത്തിയായതും ലാവ്ലിന്‍ കമ്പനി ബില്ലുകള്‍ മാറിയതും ആന്റണി മുഖ്യമന്ത്രിയായ 2001-04 കാലയളവിലാണ്. ലാവ്ലിന്‍ കമ്പനി എന്തെങ്കിലും വീഴ്ചയോ ക്രമക്കേടുകളോ കാണിച്ചിരുന്നുവെങ്കില്‍ അവര്‍ക്ക് പണം നല്‍കുന്നത് അന്നത്തെ വൈദ്യുതി മന്ത്രി കടവൂര്‍ ശിവദാസന് തടയാമായിരുന്നുവെന്നും ചെറിയാന്‍ ഫിലിപ്പ് പ്രസ്താവനയില്‍ പറഞ്ഞു.

...............

വിജയനു “കിട്ടിയ കാശീ”ന്ന് ആന്റപ്പനും വാങ്ങി പുട്ടടിച്ചോ ? പുണ്യാളന്മാരുടെ മേത്ത് ചെളിവീഴണ കാലമാണ്...

യശ്വന്ത് സഹായി said...

മേം ഇന്നസെന്റ് ഹൈ.കാര്‍ത്തികേയന്‍ ഔര്‍ അന്തോണിച്ചന്‍ ഭീ ഇന്നസെന്റ് ഹൈ. ഹമാരേ പാര്‍ട്ടി മേ സബ് ഇന്നസെന്റ് ഹൈ. “ഗലീ ഗലീ മേ ചോര്‍ ഹൈ...” എന്ന മുദ്രാവാക്യം ഭൂതകാലത്തില്‍. അബ് ഇന്നസെന്റോം കാ പാര്‍ട്ടി ഹൈ കാണ്‍ഗ്രസ്.

അഞ്ചരക്കണ്ടി മണ്ഡലത്തിലെ സുകുമാരേട്ട ഇന്നസെന്റ് ഹൈ.ഹമാരാ ആദ്മി ഹൈ.ഉസ് കോ ഛോട് ദോ സ്വസ്തികാജി. “കോണ്‍ഗ്രസ് അനോണി“ ഭീ ഇന്നസെന്റ് ഹൈ. കമ്യൂണിസ്റ്റ് അനോണി ഇന്നസെന്റ് നഹീ ഹൈ.

നാരിയല്‍ കാ പാനി പീകര്‍ ആവൂംഗാ

അപ്പുക്കിളി said...

ന്റെ ശംശം പിന്നേം കൂടി... ശോ!!
കുറ്റപ്പുഴ (Crime River) ഒഴുകി പെരിയാറായ കഥ (ഒന്നാം ഭാഗം)

ജനശക്തി said...

ലാവലിന്‍ പൊളിഞ്ഞ കള്ളങ്ങള്‍ - ഫ്ലാഷ് ബാക്ക്